Parikram Championship: ದೆಹಲಿ, ಪರಿಕ್ರಮ ತಂಡಗಳಿಗೆ ಮುನ್ನಡೆ

ಬೆಂಗಳೂರಿನ ಅಶೋಕ್‌ ನಗರ ಫುಟ್ಬಾಲ್ ಸ್ಟೇಡಿಯಂನಲ್ಲಿ ನಡೆದ ಪರಿಕ್ರಮ್ ಚಾಂಪಿಯನ್‌ ಶಿಪ್‌ ನಲ್ಲಿ ದೆಹಲಿ ಪಬ್ಲಿಕ್‌ ಶಾಲೆಯರ ಬಾಲಕಿಯರ ತಂಡ, ಪರಿಕ್ರಮ ಶಾಲೆ ಅಮೋಘ ಪ್ರದರ್ಶನ ನೀಡಿ ಜಯ ಸಾಧಿಸಿತು.

ಶುಕ್ರವಾರ ನಡೆದ 14 ವರ್ಷ ವಯೋಮಿತಿಯ ಪಂದ್ಯದಲ್ಲಿ ದೆಹಲಿ ಪಬ್ಲಿಕ್ ಶಾಲೆ ತಂಡ 3-0 ಗೋಲುಗಳಿಂದ ಪರಿಕ್ರಮ ಹೆಣ್ಣು ಮಕ್ಕಳ ಶಾಲಾ ತಂಡವನ್ನು ಮಣಿಸಿ ಮುನ್ನಡೆ ಸಾಧಿಸಿತು. ಇನ್ನೊಂದು ಪಂದ್ಯದಲ್ಲಿ ಪರಿಕ್ರಮ ತಂಡ 3-0 ಗೋಲುಗಳಿಂದ ಎಜಿಪಿಎಸ್‌ ತಂಡವನ್ನು ಮಣಿಸಿ ಭರ್ಜರಿ ಗೆಲುವು ಸಾಧಿಸಿತು. ಈ ವೇಳೆ ಶಾಲಾ ಸಿಬ್ಬಂದಿಗಳು ಕ್ರೀಡಾಪಟುಗಳ ಉತ್ಸಾಹವನ್ನು ಇಮ್ಮಡಿಗೊಳಿಸಿದರು.

ಇದೇ ವೇಳೆ ಮಕ್ಕಳಿಗೆ ಚಿತ್ರಕಲಾ ಸ್ಪರ್ಧೆಯನ್ನು ಸಹ ಏರ್ಪಡಿಸಲಾಗಿತ್ತು. ಇದೇ ವೇಳೆ ಮಕ್ಕಳು ತಮ್ಮ ಕಲ್ಪನಾ ಪರದೆಯ ಮೇಲೆ ಮೂಡಿ ಬಂದ ಚಿತ್ರಗಳಿಗೆ ಬಣ್ಣದ ರೂಪ ನೀಡಿದರು. ಪುಟ್ಟ ಮಕ್ಕಳು ರಚಿಸಿದ ಪೇಟಿಂಗ್‌ ಎಲ್ಲರನ್ನೂ ಆಕರ್ಷಸಿತು.