'ಕತಾರ್ 2022 ಫೀಫಾ ವಿಶ್ವಕಪ್‌'ಗೆ ಇಂದಿನಿಂದಲೇ ಕ್ಷಣಗಣನೆ ಶುರು!

ಎಂಟು ತಾಣಗಳಲ್ಲಿ ಪಂದ್ಯ

ಸುಮಾರು ಒಂದು ತಿಂಗಳ ಕಾಲ ನಡೆಯಲಿರುವ ಈ ಫುಟ್ಬಾಲ್ ಹಬ್ಬಕ್ಕಾಗಿ ಕತಾರ್ ನಲ್ಲಿ 8 ಸ್ಟೇಡಿಯಂಗಳು ತಯಾರಾಗಿ ನಿಂತಿವೆ. ರಷ್ಯಾ ದೇಶ ಒಟ್ಟು 13 ತಾಣಗಳಲ್ಲಿ ಟೂರ್ನಿಯ ವಿವಿಧ ಪಂದ್ಯಗಳನ್ನು ನಡೆಸಿತ್ತು. ಕತಾರ್ ಎಂಟು ತಾಣಗಳಲ್ಲಿ ಪಂದ್ಯ ನಡೆಸಲು ನಿರ್ಧರಿಸಿದೆ.

ಯಾರು ಮುಂದಿನ ಚಾಂಪಿಯನ್?

2018ರ ಪಂದ್ಯದಲ್ಲಿ ಫ್ರಾನ್ಸ್ ತಂಡ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಕ್ರೊವೇಷಿಯಾ, ಬೆಲ್ಜಿಯಂ ಮತ್ತು ಇಂಗ್ಲೆಂಡ್ ತಂಡಗಳು ಅನಂತರದ ಸ್ಥಾನ ಗಳಿಸಿದ್ದವು. 2022ರಲ್ಲಿ ಯಾರು ಚಾಂಪಿಯನ್‌ ಆಗಲಿದ್ದಾರೆ ಎಂಬುದು ಕುತೂಹಲ ಮಾಡಿಸಿದೆ. ಕುತೂಹಲ ತಣಿಯಲು ನಾವು ನಾಲ್ಕು ವರ್ಷಗಳ ಕಾಲ ಕಾಯಲೇಬೇಕು.

ಆಕರ್ಷಣೀಯ ಬೃಹತ್ ತಾಣ

ಕತಾರ್ ನ ಅಲ್ಕೋರ್ ನಲ್ಲಿರುವ ದ 'ಅಲ್ ಬಾಯ್ಟ್' ಸ್ಟೇಡಿಯಂ ಟೂರ್ನಿಗಾಗಿ ಕಾದಿರುವ ಅತೀದೊಡ್ಡ ಸ್ಟೇಡಿಯಂ ಆಗಿ ಗುರುತಿಸಿಕೊಂಡಿದೆ. ಈ ಸ್ಟೇಡಿಯಂನಲ್ಲಿ 60,000 ಜನರಿಗಾಗುವಷ್ಟು ಆಸನ ವ್ಯವಸ್ಥೆಗಳಿವೆ. ನೋಡೋದಕ್ಕೂ ಈ ತಾಣ ಅತೀ ಆಕರ್ಷಣೀಯವಾಗಿದೆ.

ಅವಿಸ್ಮರಣೀಯ ಸಂದರ್ಭ

ಪಂದ್ಯದ ಆತಿಥ್ಯದ ಕುರಿತು ಪ್ರತಿಕ್ರಿಯಿಸಿರುವ ಕತಾರ್‌ನ ಸ್ಥಳೀಯ ಆಯೋಜನಾ ಸಮಿತಿಯ ಕಾರ್ಯದರ್ಶಿ ಎಚ್‌ಇ ಹಸನ್ ಅಲ್ ತವಾದಿ, 'ಪಂದ್ಯದ ಆಯೋಜನೆ ಇಡೀ ಅರಬ್ ಜಗತ್ತಿಗೇ ಅವಿಸ್ಮರಣೀಯ ಸಂದರ್ಭವೆನಿಸಲಿದೆ' ಎಂದಿದ್ದಾರೆ.