Lionel Messi: ಲಿಯೋನೆಲ್ ಮೆಸ್ಸಿಗೆ ಫಿಫಾ ವರ್ಷದ ಆಟಗಾರ ಪ್ರಶಸ್ತಿ

ಅರ್ಜೆಂಟೀನಾದ ಸ್ಟಾರ್ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಫಿಫಾದ ವರ್ಷದ ಫುಟ್ಬಾಲ್ ಆಟಗಾರ ಪ್ರಶಸ್ತಿಯನ್ನು ಪಡೆದಿದ್ದಾರೆ. ಮೆಸ್ಸಿ ಸತತ ಎರಡನೇ ವರ್ಷ ಈ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಸ್ಪೇನ್‌ನ ಐತಾನಾ ಬೊನ್ಮತಿ ವರ್ಷದ ಮಹಿಳಾ ಫುಟ್‌ಬಾಲ್ ಆಟಗಾರ್ತಿ ಕಿರೀಟವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಮೆಸ್ಸಿ ಜೊತೆಗೆ ಈ ಪ್ರಶಸ್ತಿಯ ರೇಸ್‌ನಲ್ಲಿ ನಾರ್ವೆಯ ಎರ್ಲಿಂಗ್ ಹಾಲೆಂಡ್ ಮತ್ತು ಫ್ರಾನ್ಸ್‌ನ ಕೈಲಿಯನ್ ಎಂಬಪ್ಪೆ ಸಹ ಇದ್ದರು. ಎಂಬಪ್ಪೆ ಒಟ್ಟು ಮತದಾನದಲ್ಲಿ 35 ಅಂಕ ಪಡೆದು ಮೂರನೇ ಸ್ಥಾನ ಪಡೆದರು. ಆದರೆ ಹಾಲೆಂಡ್ ಕೇವಲ 48 ಅಂಕಗಳನ್ನು ಗಳಿಸಿದ್ದು, ಮೆಸ್ಸಿಗೆ ಸರಿಸಮಾನವಾಗಿದೆ. ಉನ್ನತ ಸ್ಥಾನಕ್ಕಾಗಿ ಟೈ ಇತ್ತು, ನಂತರ ಟೈ ಬ್ರೇಕರ್ ಬಳಸಿ ಪ್ರಶಸ್ತಿ ನೀಡಲಾಯಿತು.

ಪುರುಷರ ರಾಷ್ಟ್ರೀಯ ತಂಡದ 13 ನಾಯಕರು ಮೆಸ್ಸಿಗೆ ಮತ ಹಾಕಿದರೆ ಹಾಲೆಂಡ್ ಕೇವಲ 11 ನಾಯಕರ ಮತಗಳನ್ನು ಪಡೆದರು. ಟೈ-ಬ್ರೇಕರ್‌ನಲ್ಲಿ 2 ಪಾಯಿಂಟ್‌ಗಳಿಂದ ಮುಂದಿದ್ದ ಮೆಸ್ಸಿಯನ್ನು ವಿಜೇತ ಎಂದು ಪರಿಗಣಿಸಲಾಯಿತು. ಮತ್ತು ಅವರು ಸತತ ಎರಡನೇ ವರ್ಷ ವರ್ಷದ ಫುಟ್‌ಬಾಲ್ ಆಟಗಾರ ಪ್ರಶಸ್ತಿಯನ್ನು ಗೆದ್ದರು.

ಪಿಎಸ್‌ಜಿ ಮತ್ತು ಇಂಟರ್ ಮಿಯಾಮಿ ಕ್ಲಬ್‌ಗಳೊಂದಿಗೆ ರಾಷ್ಟ್ರೀಯ ತಂಡಕ್ಕಾಗಿ ಅವರ ಪ್ರದರ್ಶನದ ಆಧಾರದ ಮೇಲೆ ಅವರು ಪ್ರಶಸ್ತಿಯನ್ನು ಪಡೆದರು. ಬೊನ್ಮತಿ ಬಾರ್ಸಿಲೋನಾ ಕ್ಲಬ್ ಫುಟ್ಬಾಲ್ ಆಡುತ್ತಾರೆ. ಮ್ಯಾಂಚೆಸ್ಟರ್ ಸಿಟಿಯ ಪೆಪ್ ಗಾರ್ಡಿಯೋಲಾ ಅತ್ಯುತ್ತಮ ಕೋಚ್ ಪ್ರಶಸ್ತಿಯನ್ನು ಪಡೆದರು.

ಸ್ಪೇನ್‌ನ ಐತಾನಾ ಬೊನ್ಮತಿ ವರ್ಷದ ಮಹಿಳಾ ಫುಟ್‌ಬಾಲ್ ಆಟಗಾರ್ತಿಯಾದರು. ಮತದಾನದಲ್ಲಿ ಅವರು 52 ಅಂಕಗಳನ್ನು ಪಡೆದರು. ಅವರು ನಾಯಕ, ಕೋಚ್, ಮಾಧ್ಯಮ ಮತ್ತು ಅಭಿಮಾನಿಗಳಿಂದ ತಲಾ 13 ಅಂಕಗಳನ್ನು ಪಡೆದರು. ಬೊನಾಮತಿ ಅವರು 2023 ರ ಮಹಿಳಾ ಬ್ಯಾಲನ್ ಡಿ'ಓರ್ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಕೊಲಂಬಿಯಾದ ಲಿಂಡಾ ಕೈಸೆಡೊ 40 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದರೆ, ಸ್ಪೇನ್‌ನ ಜೆನ್ನಿಫರ್ ಹೆರ್ಮೊನ್ಸೊ 36 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ.

ಬ್ರೆಜಿಲ್‌ನ ಎಡರ್ಸನ್ ವರ್ಷದ ಪುರುಷರ ಗೋಲ್‌ಕೀಪರ್ ಪ್ರಶಸ್ತಿ ಪಡೆದರು. ಅವರು 23 ಅಂಕಗಳನ್ನು ಪಡೆದರು. ಮಹಿಳಾ ಗೋಲ್‌ಕೀಪರ್‌ಗಳಲ್ಲಿ ಇಂಗ್ಲೆಂಡ್‌ನ ಮೇರಿ ಇಯರ್ಪ್ಸ್ ಅತ್ಯುತ್ತಮ ಪ್ರಶಸ್ತಿ ಪಡೆದರು.

ಫಿಫಾ ವರ್ಷದ ಪ್ರಶಸ್ತಿ

ಗಿಲ್ಹೆರ್ಮ್ ಮದ್ರುಗಾ ಅವರ ಬೈಸಿಕಲ್ ಕಿಕ್ ವರ್ಷದ ಗೋಲ್
ಎಡರ್ಸನ್ ಮತ್ತು ಮೇರಿ ಇಯರ್ಪ್ಸ್ ಅತ್ಯುತ್ತಮ ಗೋಲ್‌ಕಿಪರ್ಸ್‌
ಪೆಪ್ ಗಾರ್ಡಿಯೋಲಾ ಅತ್ಯುತ್ತಮ ತರಬೇತುದಾರ
ಸರೀನಾ ವೆಗ್ಮನ್ ಅತ್ಯುತ್ತಮ ಮಹಿಳಾ ಕೋಚ್
ಹ್ಯೂಗೋ ಡೇನಿಯಲ್ಸ್ ವರ್ಷದ ಅಭಿಮಾನಿ
ಸರೀನಾ ವೆಗ್ಮನ್ ಅತ್ಯುತ್ತಮ ಮಹಿಳಾ ಕೋಚ್
ಪೆಪ್ ಗಾರ್ಡಿಯೋಲಾ ಅತ್ಯುತ್ತಮ ತರಬೇತುದಾರ
ಬ್ರೆಜಿಲ್‌ನ ಮಾರ್ಟಾಗೆ ವಿಶೇಷ ಪ್ರಶಸ್ತಿ
ಹ್ಯೂಗೋ ಡೇನಿಯಲ್ಸ್ ವರ್ಷದ ಅಭಿಮಾನಿ