ಚಾಂಪಿಯನ್ಸ್ ಲೀಗ್‌ನಲ್ಲಿ ಮೊದಲ ಮಹಿಳಾ ರೆಫರೀಯಾಗಿ ಸ್ಟೆಫನಿ ದಾಖಲೆ

ಫುಟ್ಬಾಲ್ ಅಸೋಸಿಯೇಶನ್ ಟ್ವೀಟ್

ಸ್ಟೆಫನಿ ರೆಫರೀ ಜವಾಬ್ದಾರಿ ನಿರ್ವಹಿಸುತ್ತಿರುವ ವಿಡಿಯೋವನ್ನು ದ ಯೂನಿಯನ್ ಆಫ್ ಯುರೋಪಿಯನ್ ಫುಟ್ಬಾಲ್ ಅಸೋಸಿಯೇಶನ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ. ಫೀಫಾ ವಿಮೆನ್ಸ್ ವರ್ಲ್ಡ್‌ ಕಪ್‌ ಅಧಿಕೃತ ಟ್ವಿಟರ್ ಖಾತೆ ಕೂಡ ಸ್ಟೆಫನಿ ಫ್ರಾಪ್ಪಾರ್ಟ್‌ಗೆ ಅಭಿನಂದಿಸಿ ಟ್ವೀಟ್ ಮಾಡಿದೆ.

ಅಭಿನಂದನೆಗಳು ಸ್ಟೆಫನಿ

'ಬುಧವಾರ (ಭಾರತದಲ್ಲಿ ಗುರುವಾರ ಪಂದ್ಯ ನಡೆದಿದ್ದು) ರಾತ್ರಿ, ಸ್ಟೆಫನಿ ಫ್ರಾಪ್ಪಾರ್ಟ್ ಪುರುಷರ ಯುಸಿಎಲ್ ಪಂದ್ಯವನ್ನು ತೀರ್ಪು ನೀಡಿದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಅಭಿನಂದನೆಗಳು ಸ್ಟೆಫನಿ,' ಎಂದು ಯುಇಎಫ್‌ಎ ಬರೆದುಕೊಂಡಿದೆ.

ವಿಶ್ವಕಪ್‌ ಫೈನಲ್‌ಗೂ ರೆಫರೀ

36ರ ಹರೆಯದ ಸ್ಟೆಫನಿ ಈ ಹಿಂದೆ ಯುರೋಪಾ ಲೀಗ್ ಪಂದ್ಯಗಳಲ್ಲಿ ರೆಫರೀ ಜವಾಬ್ದಾರಿ ನಿರ್ವಹಿಸಿದ್ದರು. ಲಾ ಲಿಗಾದಲ್ಲೂ 18 ಪಂದ್ಯಗಳಿಗೆ ರೆಫರೀಯಾಗಿ ಕಾರ್ಯ ನಿರ್ವಹಿಸಿದ್ದರು. ಅಷ್ಟೇ ಅಲ್ಲ, ಕಳೆದ ವರ್ಷ ಮಹಿಳಾ ವಿಶ್ವಕಪ್‌ ಫೈನಲ್‌ನಲ್ಲಿ ಲಿವರ್‌ಪೂಲ್ ಮತ್ತು ಚೆಲೆಸಾ ನಡುವಿನ ಸೂಪರ್‌ ಕಪ್ ಪಂದ್ಯದಲ್ಲೂ ರೆಫರೀಯಾಗಿದ್ದರು.

ಮಿಂಚಿದ ರೊನಾಲ್ಡೋ

ಅಂದ್ಹಾಗೆ ಬುಧವಾರ (ಡಿಸೆಂಬರ್ 2) ನಡೆದ ಚಾಂಪಿಯನ್ಸ್‌ ಲೀಗ್‌ನಲ್ಲಿ ಡೈನಮೋ ಕ್ವಿವ್ ವಿರುದ್ಧ ಯುವೆಂಟಸ್ 3-0ಯ ಜಯ ಗಳಿಸಿದೆ. ವಿಶೇಷವೆಂದರೆ ಯುವೆಂಟಸ್ ಪರ ಮೂರೂ ಗೋಲ್‌ಗಳನ್ನು ಸ್ಟಾರ್ ಆಟಗಾರ ಕ್ರಿಸ್ಚಿಯಾನೋ ರೊನಾಲ್ಡೋ ಬಾರಿಸಿದ್ದರು. ಇದು ರೊನಾಲ್ಡೋ ಅವರ 750ನೇ ವೃತ್ತಿಪರ ಗೋಲ್ ಆಗಿತ್ತು.