ವಿಶ್ವಕಪ್ ಕ್ವಾಲಿಫೈಯರ್: ಅರ್ಜೆಂಟೀನಾ ಅಭಿಮಾನಿಗಳಿಗೆ ಬ್ರೆಜಿಲ್ ಪೊಲೀಸರಿಂದ ಲಾಠಿ ಚಾರ್ಜ್; ಮೆಸ್ಸಿ ದಿಗ್ಭ್ರಮೆ!

ಮಂಗಳವಾರ, ನವೆಂಬರ್ 22ರಂದು ರಿಯೊ ಡಿ ಜನೈರೊದ ಮರಕಾನಾದಲ್ಲಿ ನಡೆದ 2026ರ ಫುಟ್ಬಾಲ್ ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಹಾಲಿ ವಿಶ್ವ ಚಾಂಪಿಯನ್ ಅರ್ಜೆಂಟೀನಾ ತಂಡವು ಬ್ರೆಜಿಲ್ ತಂಡವನ್ನು 1-0 ಗೋಲುಗಳಿಂದ ಮಣಿಸಿತು.

ಅನುಭವಿ ಡಿಫೆಂಡರ್ ನಿಕೋಲಸ್ ಒಟಮೆಂಡಿ ಅವರ 63ನೇ ನಿಮಿಷದ ಹೆಡರ್ ಅರ್ಜೆಂಟೀನಾ ತಂಡಕ್ಕೆ ಗೆಲುವು ಖಚಿತಪಡಿಸಿತು. ಲಿಯೋನೆಲ್ ಮೆಸ್ಸಿ ನಾಯಕತ್ವದ ವಿಶ್ವ ಚಾಂಪಿಯನ್ಸ್ ಕಳೆದ ಪಂದ್ಯದಲ್ಲಿ ಉರುಗ್ವೆ ವಿರುದ್ಧದ ಸೋಲಿನ ಕಹಿಯಿಂದ ದಕ್ಷಿಣ ಅಮೆರಿಕಾದ ಎದುರಾಳಿಗಳನ್ನು ಸೋಲಿಸಿದೆ.

ರಿಯೊದ ಐಕಾನಿಕ್ ಮರಕಾನಾ ಸ್ಟೇಡಿಯಂನಲ್ಲಿನ ಗೆಲುವು ಅರ್ಜೆಂಟೀನಾ ತಂಡ ಆರು ಪಂದ್ಯಗಳಿಂದ 15 ಅಂಕಗಳೊಂದಿಗೆ ದಕ್ಷಿಣ ಅಮೆರಿಕಾದ ಅರ್ಹತಾ ಅಂಕಗಳಲ್ಲಿ ಅಗ್ರಸ್ಥಾನದಲ್ಲಿದೆ.

ಮಂಗಳವಾರದಂದು ಬ್ರೆಜಿಲ್ ಮತ್ತು ಅರ್ಜೆಂಟೀನಾ ಫುಟ್ಬಾಲ್ ತಂಡಗಳ ಬೆಂಬಲಿಗರ ನಡುವಿನ ಘರ್ಷಣೆಯ ನಂತರ ಪಂದ್ಯವು ಸುಮಾರು 30 ನಿಮಿಷಗಳ ಕಾಲ ವಿಳಂಬವಾಯಿತು.

ದಕ್ಷಿಣ ಅಮೆರಿಕಾದ ಫುಟ್ಬಾಲ್‌ನ ಎರಡು ಮಹಾಶಕ್ತಿಗಳ ನಡುವಿನ ಬಹು ನಿರೀಕ್ಷಿತ ಪಂದ್ಯವು ಸ್ಥಳೀಯ ಕಾಲಮಾನ ರಾತ್ರಿ 9.30ಕ್ಕೆ (00:30 GMT ಬುಧವಾರ) ಪ್ರಾರಂಭವಾಗಬೇಕಿತ್ತು. ಆದರೆ ಪ್ರೇಕ್ಷಕರ ಸ್ಟ್ಯಾಂಡ್‌ನಲ್ಲಿ ಗಲಾಟೆಯ ನಂತರ ಆಟವನ್ನು ಸ್ಥಗಿತಗೊಳಿಸಲಾಗಿತ್ತು.

ಅರ್ಜೆಂಟೀನಾದ ಗೋಲ್‌ಕೀಪರ್ ಎಮಿಲಿಯಾನೊ ಮಾರ್ಟಿನೆಜ್ ಅವರು ತಮ್ಮ ದೇಶದ ಅಭಿಮಾನಿಗಳತ್ತ ಲಾಠಿ ಬೀಸುತ್ತಿದ್ದ ಬ್ರೆಜಿಲ್ ಪೊಲೀಸ್ ಅಧಿಕಾರಿಯನ್ನು ಪ್ರಶ್ನಿಸಲು ಒಂದು ಹಂತದಲ್ಲಿ ಸ್ಟ್ಯಾಂಡ್ ಪ್ರದೇಶಕ್ಕೆ ಜಿಗಿಯಲು ಪ್ರಯತ್ನಿಸಿದರು.

ಅರ್ಜೆಂಟೀನಾ ಫುಟ್ಬಾಲ್ ತಂಡದ ನಾಯಕ ಲಿಯೋನೆಲ್ ಮೆಸ್ಸಿ ತನ್ನ ಸಹ ಆಟಗಾರರನ್ನು ಡ್ರೆಸ್ಸಿಂಗ್ ರೂಮ್‌ಗೆ ಕರೆದೊಯ್ಯುವ ಮೊದಲು, ಕೆಲವು ಅರ್ಜೆಂಟೀನಾ ಆಟಗಾರರು ಶಾಂತತೆಗಾಗಿ ಮನವಿ ಮಾಡುವ ಪ್ರಯತ್ನದಲ್ಲಿ ಗಲಾಟೆ ನಡೆಯುತ್ತಿದ್ದ ಕಡೆಗೆ ಹೋದರು.

"ನಾವು ಪಂದ್ಯವನ್ನು ಆಡುತ್ತಿಲ್ಲ, ನಾವು ಹೊರಡುತ್ತಿದ್ದೇವೆ," ಎಂದು ಅರ್ಜೆಂಟೀನಾ ನಾಯಕ ಲಿಯೋನೆಲ್ ಮೆಸ್ಸಿ ಮೈದಾನದಿಂದ ಹೊರಡುವಾಗ ಹೇಳುವುದು ಕೇಳಿಬಂತು.

ಅರ್ಜೆಂಟೀನಾ ಆಟಗಾರರನ್ನು ಹೇಡಿಗಳು ಎಂದು ಹೀಯಾಳಿಸಿದ ಬ್ರೆಜಿಲ್ ಆಟಗಾರ ರೋಡ್ರಿಗೋ ಗೋಸ್ ಅವರೊಂದಿಗೆ ಲಿಯೋನೆಲ್ ಮೆಸ್ಸಿ ಮಾತಿನ ಚಕಮಕಿಯಲ್ಲಿ ಭಾಗಿಯಾಗಿದ್ದರು.

ನಂತರ, 63ನೇ ನಿಮಿಷದಲ್ಲಿ ಡಿಫೆಂಡರ್ ನಿಕೊಲಾಸ್ ಒಟಮೆಂಡಿ ಅವರು ಕಾರ್ನರ್‌ನಿಂದ ಗೋಲು ಹೊಡೆದ ನಂತರ ಅರ್ಜೆಂಟೀನಾ ಮುನ್ನಡೆ ಸಾಧಿಸಿತು.

ಅರ್ಜೆಂಟೀನಾ ಮಿಡ್‌ಫೀಲ್ಡರ್ ರೋಡ್ರಿಗೋ ಡಿ ಪಾಲ್ ಅವರೊಂದಿಗೆ ಚೆಂಡಿನ ಘರ್ಷಣೆಗಾಗಿ ಜೋಲಿಂಟನ್ ಅವರಿಗೆ ನೇರವಾಗಿ ರೆಡ್ ಕಾರ್ಡ್ ತೋರಿಸುವ ಮುನ್ನ, ಮೊದಲಾರ್ಧದಲ್ಲಿ ಮೂವರು ಬ್ರೆಜಿಲ್ ಆಟಗಾರರು ರೆಡ್ ಕಾರ್ಡ್ ಪಡೆದಿದ್ದರು. ಬ್ರೆಜಿಲ್ ತಂಡವು ಈಗಾಗಲೇ 0-1 ಗೋಲಿನ ಅಂತರದಿಂದ ಹಿಂದುಳಿದಿತ್ತು.

ಉಭಯ ತಂಡಗಳ ಅಭಿಮಾನಿಗಳಿಂದ ಆರಂಭವಾದ ಗಲಾಟೆ ಅಂತಿಮವಾಗಿ, ಎರಡು ತಂಡಗಳ ಆಟಗಾರರ ನಡುವೆ ವಾಗ್ಯುದ್ದ ನಡೆಯುವ ಹಂತಕ್ಕೆ ಹೋಯಿತು. ವಾತಾವರಣವನ್ನು ತಂಪಾಗಿಸುವ ನಿಟ್ಟಿನಲ್ಲಿ ತನ್ನ ತಂಡದ ಸಹ ಆಟಗಾರರನ್ನು ಮೈದಾನದಿಂದ ಹೊರಗೆ ಕರೆದೊಯ್ದಿದ್ದೇನೆ ಎಂದು ಲಿಯೋನೆಲ್ ಮೆಸ್ಸಿ ಪಂದ್ಯದ ನಂತರ ವಿವರಿಸಿದರು.

"ನಾವು ಲಾಕರ್ ಕೋಣೆಗೆ ಹೋದೆವು. ಅದು ಸ್ವಲ್ಪಮಟ್ಟಿಗೆ ಪರಿಸ್ಥಿತಿಯನ್ನು ಶಾಂತಗೊಳಿಸುವ ಮಾರ್ಗವಾಗಿತ್ತು. ನಾವು ನಮ್ಮ ಕುಟುಂಬಗಳು ಮತ್ತು ನಮ್ಮ ತಂಡದ ಅಭಿಮಾನಿಗಳಿಗೆ ಏನು ಮಾಡುತ್ತಿದ್ದಾರೆಂದು ನೋಡಲು ಹೋದೆವು. ಪರಿಸ್ಥಿತಿ ಶಾಂತವಾದ ಬಳಿಕ ಮೈದಾನಕ್ಕೆ ನಾವು ಹಿಂತಿರುಗಿದ್ದೇವೆ," ಎಂದು ಅರ್ಜೆಂಟೀನಾ ನಾಯಕ ಲಿಯೋನೆಲ್ ಮೆಸ್ಸಿ ಹೇಳಿದರು.

ಬ್ರೆಜಿಲ್ ನೆಲದಲ್ಲಿ ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಅರ್ಜೆಂಟೀನಾ ಮೊದಲ ಗೆಲುವು ಸಾಧಿಸಿದೆ. ಇದೇ ವೇಳೆ, ಐದು ಬಾರಿಯ ಚಾಂಪಿಯನ್ ಬ್ರೆಜಿಲ್ ಆರು ಪಂದ್ಯಗಳಿಂದ ಏಳು ಅಂಕಗಳೊಂದಿಗೆ ಆರನೇ ಸ್ಥಾನದಲ್ಲಿದೆ.