Asian Games 2023: ಉಜ್ಬೇಕಿಸ್ತಾನ ವಿರುದ್ಧ ಗೋಲಿನ ಸುರಿಮಳೆಗರೆದ ಭಾರತ ಹಾಕಿ ತಂಡ; ಗೆಲುವಿನೊಂದಿಗೆ ಶುಭಾರಂಭ

ಭಾನುವಾರ, ಸೆಪ್ಟೆಂಬರ್ 24ರಂದು ಚೀನಾದ ಹ್ಯಾಂಗ್‌ಝೌನಲ್ಲಿ ನಡೆಯುತ್ತಿರುವ 2023ರ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತೀಯ ಪುರುಷರ ಹಾಕಿ ತಂಡವು ತಮ್ಮ ಅಭಿಯಾನವನ್ನು ಉಜ್ಬೇಕಿಸ್ತಾನ್ ವಿರುದ್ಧ ಅದ್ಭುತ ಗೆಲುವಿನೊಂದಿಗೆ ಆರಂಭಿಸಿದೆ.

ಭಾರತ ತಂಡ ತಮ್ಮ ಎದುರಾಳಿಗಳ ವಿರುದ್ಧ ಸಂಪೂರ್ಣವಾಗಿ ಪ್ರಾಬಲ್ಯ ಸಾಧಿಸಿತು ಮತ್ತು ಅಂತಿಮವಾಗಿ 16-0 ಅಂತರದಿಂದ ಏಕಮುಖ ಜಯ ದಾಖಲಿಸಿತು.

ಲಲಿತ್ ಉಪಾಧ್ಯಾಯ ಮತ್ತು ವರುಣ್ ಕುಮಾರ್ ತಲಾ ನಾಲ್ಕು ಗೋಲುಗಳನ್ನು ಗಳಿಸಿದರೆ, ಮನ್‌ದೀಪ್ ಸಿಂಗ್ ಕೂಡ ಹ್ಯಾಟ್ರಿಕ್ ಸಾಧನೆಯೊಂದಿಗೆ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ವಿಜೇತ ಭಾರತ ಹಾಕಿ ತಂಡ ಏಷ್ಯನ್ ಗೇಮ್ಸ್‌ನಲ್ಲಿ ಗೆಲುವಿನ ಹೆಜ್ಜೆ ಗುರುತು ಹಾಕಿದರು.

ಮೊದಲ ಕ್ವಾರ್ಟರ್ ಪಂದ್ಯದ ಉಳಿದ ಭಾಗಕ್ಕೆ ವೇದಿಕೆ ಸಿದ್ಧಪಡಿಸಿತು. ಲಲಿತ್ ಉಪಾಧ್ಯಾಯ ಮತ್ತು ವರುಣ್ ಕುಮಾರ್ ಇಬ್ಬರೂ ಎರಡು ಗೋಲುಗಳಿಂದ ಭಾರತದ ಗೋಲು ಖಾತೆಯನ್ನು ಮುನ್ನಡೆಸಿದರು.

ಇನ್ನು ಎರಡನೇ ಕ್ವಾರ್ಟರ್‌ನಲ್ಲಿ ಭಾರತ ತಂಡದಿಂದ ಮತ್ತಷ್ಟು ಪ್ರಭಾವಿ ಪ್ರದರ್ಶನ ಕಂಡಿತು. ಅಭಿಷೇಕ್, ಮನ್‌ದೀಪ್ ಸಿಂಗ್ ಮತ್ತು ಲಲಿತ್ ಉಪಾಧ್ಯಾಯ ಎಲ್ಲರೂ ಗೋಲು ಗಳಿಸಿ ಸ್ಕೋರ್ ಅನ್ನು 5-0ಗೆ ಕೊಂಡೊಯ್ದರು.

ಮನ್‌ದೀಪ್ ಸಿಂಗ್ ತಮ್ಮ ಗೋಲುಗಳ ಆರ್ಭಟವನ್ನು ಮುಂದುವರೆಸಿದರು, ಪಂದ್ಯದ ಮೊದಲಾರ್ಧಕ್ಕೆ ಮೊದಲು ಎರಡು ಗೋಲುಗಳನ್ನು ಗಳಿಸಿದ್ದರಿಂದ ಸ್ಕೋರ್ 7-0 ಭಾರತದ ಪರವಾಗಿ ಮಾಡಿದರು.

ಮೂರನೇ ಕ್ವಾರ್ಟರ್ ಆರಂಭವಾಗುತ್ತಿದ್ದಂತೆ ಭಾರತ ನಿಧಾನಗತಿಯ ಆಟಕ್ಕೆ ಹೋಗದೆ, ಆಕ್ರಮಣಕಾರಿ ಪ್ರದರ್ಶನ ನೀಡಿತು. ವರುಣ್ ಕುಮಾರ್, ಸುಖಜೀತ್ ಮತ್ತು ಅಮಿತ್ ರೋಹಿದಾಸ್ ಗೋಲು ಗಳಿಸಿ ಭಾರತದ ಗೋಲುಗಳ ಸಂಖ್ಯೆಯನ್ನು 10-0 ಗೆ ಕೊಂಡೊಯ್ದರು.

ನಂತರ, ಸುಖಜೀತ್ ಮತ್ತು ಲಲಿತ್ ಉಪಾಧ್ಯಾಯ ಅವರು ಮತ್ತೆ ಎರಡು ಗೋಲುಗಳನ್ನು ಬಾರಿಸಿದರು. ಇದು ಭಾರತ 12-0 ಅಂತರದಲ್ಲಿ ಮುನ್ನಡೆಯೊಂದಿಗೆ ಮೂರನೇ ಕ್ವಾರ್ಟರ್ ಕೊನೆಗೊಳಿಸಿತು.

ಅಂತಿಮ ಕ್ವಾರ್ಟರ್‌ನಲ್ಲಿ ಭಾರತ ತನ್ನ ದಾಳಿಯನ್ನು ಮುಂದುವರಿಸಿತು. ವರುಣ್ ಕುಮಾರ್ ಪಂದ್ಯದ ನಾಲ್ಕನೇ ಗೋಲು ಗಳಿಸಿದರು. ಆ ಬಳಿಕ ಲಲಿತ್ ಉಪಾಧ್ಯಾಯ ಕೂಡ ತಮ್ಮ ನಾಲ್ಕನೇ ಗೋಲು ಗಳಿಸಿದರು.

ಪಟ್ಟುಬಿಡದ ಭಾರತ ತಂಡವು ಮತ್ತೆ ಎರಡು ಗೋಲುಗಳನ್ನು ಗಳಿಸಿತು. ವರುಣ್ ಕುಮಾರ್ ಮತ್ತು ಸಂಜಯ್ ಅವರಿಂದ ತಲಾ ಒಂದು ಗೋಲುಗಳ ನೆರವಿನಿಂದ ಅಂತಿಮ ಸ್ಕೋರ್ 16-0 ಆಯಿತು.

ಈ ಗೆಲುವು ಭಾರತದ 2023ರ ಏಷ್ಯನ್ ಗೇಮ್ಸ್ ಅಭಿಯಾನಕ್ಕೆ ಉತ್ತಮ ಆರಂಭವನ್ನು ಸೂಚಿಸುತ್ತದೆ. ಭಾರತದ ಮುಂದಿನ ಪಂದ್ಯಗಳಿಗೆ ದೊಡ್ಡ ಆತ್ಮವಿಶ್ವಾಸವನ್ನು ನೀಡಲಿದೆ.

ತಂಡದ ಪ್ರದರ್ಶನವು ಅತ್ಯುತ್ತಮ ಒಗ್ಗಟ್ಟು, ಆಕ್ರಮಣಕಾರಿ ಆಟ ಮತ್ತು ನಿಖರವಾದ ಸ್ಕೋರಿಂಗ್‌ನಿಂದ ಗುರುತಿಸಲ್ಪಟ್ಟಿದೆ. ಭಾರತ ಹಾಕಿ ತಂಡವು ಉಜ್ಬೇಕಿಸ್ತಾನ್‌ಗೆ ಪ್ರತೀಕಾರ ತೀರಿಸಿಕೊಳ್ಳಲು ಒಂದೇ ಒಂದು ಅವಕಾಶವಿಲ್ಲದಂತೆ ಮಾಡಿದರು.

ಭಾರತ ಹಾಕಿ ತಂಡ ತನ್ನ ಎರಡನೇ ಪಂದ್ಯದಲ್ಲಿ ಸಿಂಗಾಪುರ ತಂಡವನ್ನು ಮಂಗಳವಾರ, ಸೆಪ್ಟೆಂಬರ್ 26ರಂದು ಎದುರಿಸಲಿದೆ.