Paris Olympic 2024: ಒಲಿಂಪಿಕ್ಸ್‌ನಲ್ಲಿ ಭಾರತ ಹಾಕಿ ತಂಡದ ಪಯಣ; ಪ್ರಮುಖ ಆಟಗಾರರೊಂದಿಗೆ ವೇಳಾಪಟ್ಟಿ ತಿಳಿಯಿರಿ

ಜುಲೈ 16 ಮಂಗಳವಾರ, ಪ್ಯಾರಿಸ್‌ ಒಲಿಂಪಿಕ್ಸ್‌ ಜುಲೈ 26ರಿಂದ ಆರಂಭವಾಗಲಿದೆ. ಭಾರತ ಹಾಕಿ ತಂಡವು ಈ ಮೆಗಾ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದೆ. ಈ ಬಾರಿ ಹಾಕಿ ತಂಡದ ಚಿನ್ನದ ಪದಕ ಗೆಲ್ಲುವ ನಿರೀಕ್ಷೆಯಲ್ಲಿದೆ.

ಹಾಕಿ ತಂಡವು ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಗರಿಷ್ಠ ಸಂಖ್ಯೆಯ ಪದಕಗಳನ್ನು ಗೆದ್ದುಕೊಟ್ಟಿದೆ. ಹಾಕಿಯಲ್ಲಿ ಮಾತ್ರ ಭಾರತಕ್ಕೆ ಮೊದಲ ಚಿನ್ನದ ಪದಕ ಸಿಕ್ಕಿತು. ಇದೀಗ ಮತ್ತೊಮ್ಮೆ ಭಾರತೀಯ ಪುರುಷರ ಹಾಕಿ ತಂಡ ಪ್ಯಾರಿಸ್‌ನಲ್ಲಿ ತನ್ನ ವೈಭವವನ್ನು ಪ್ರದರ್ಶಿಸಲು ಸಜ್ಜಾಗಿದೆ.

ಅದಕ್ಕೂ ಮುನ್ನ ಒಲಿಂಪಿಕ್ಸ್ ಮತ್ತು ಭಾರತದಲ್ಲಿ ಹಾಕಿ ಇತಿಹಾಸ ಹಾಗು ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಹಾಕಿ ತಂಡದ ಸಂಪೂರ್ಣ ವೇಳಾಪಟ್ಟಿ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಒಲಿಂಪಿಕ್ಸ್‌ನಲ್ಲಿ ಹಾಕಿ ಇತಿಹಾಸ

ಹಾಕಿ ವಿಶ್ವದ ಅತ್ಯಂತ ಹಳೆಯ ಆಟ ಎಂಬ ದಾಖಲೆ ಹೊಂದಿದೆ. ಮೂಲಗಳ ಪ್ರಕಾರ, ಹಾಕಿ 1527 ರಲ್ಲಿ ಸ್ಕಾಟ್ಲೆಂಡ್‌ನಲ್ಲಿ ಪ್ರಾರಂಭವಾಯಿತು ಎಂದು ಪರಿಗಣಿಸಲಾಗಿದೆ. ಪುರುಷರ ಹಾಕಿಯನ್ನು ಮೊದಲು 1908 ರಲ್ಲಿ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಸೇರಿಸಲಾಯಿತು.

ಇದಾದ ಬಳಿಕ ಹಾಕಿಯನ್ನು 1912 ಮತ್ತು 1924 ರ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಸೇರಿಸಲಿಲ್ಲ. 1928 ರಲ್ಲಿ ಹಾಕಿಯನ್ನು ಮತ್ತೆ ಒಲಿಂಪಿಕ್ಸ್‌ನಲ್ಲಿ ಶಾಶ್ವತವಾಗಿ ಸೇರಿಸಲಾಯಿತು. ಅಂದಿನಿಂದ, ಹಾಕಿಯು ಒಲಿಂಪಿಕ್ಸ್‌ನ ಮುಖ್ಯ ಕ್ರೀಡೆಯಾಗಿ ಉಳಿದಿದೆ. ಮಹಿಳಾ ಹಾಕಿಯನ್ನು 1980ರ ಮಾಸ್ಕೋ ಒಲಿಂಪಿಕ್ಸ್‌ನಲ್ಲಿ ಆಡಿಸಲಾಯಿತು.

ಒಲಿಂಪಿಕ್ಸ್‌ನಲ್ಲಿ ಭಾರತ ಹಾಕಿ ತಂಡ

1925ರಲ್ಲಿ ಸ್ವದೇಶದಲ್ಲಿ ಭಾರತೀಯ ಹಾಕಿ ಸಂಸ್ಥೆಯನ್ನು ಸ್ಥಾಪಿಸಲಾಯಿತು. ಇದಾದ ನಂತರ ಭಾರತ ಹಾಕಿ ತಂಡ 1928ರಲ್ಲಿ ಮೊದಲ ಬಾರಿಗೆ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸಿತು. ಮೊದಲ ಪ್ರಯತ್ನದಲ್ಲಿಯೇ ಭಾರತ ಚಿನ್ನಕ್ಕೆ ಗುರಿಯಾಯಿತು.

ಒಲಿಂಪಿಕ್ಸ್ ಇತಿಹಾಸದಲ್ಲಿ ಭಾರತ ಹಾಕಿಯಲ್ಲಿ ಒಟ್ಟು 8 ಚಿನ್ನದ ಪದಕಗಳನ್ನು ಗೆದ್ದಿದೆ. ಭಾರತ 1928 ರಿಂದ 1956 ರವರೆಗೆ ಸತತ 6 ಚಿನ್ನದ ಪದಕಗಳನ್ನು ಗೆದ್ದಿದೆ. ಇದಾದ ನಂತರ ಭಾರತ ಮತ್ತೆ 1964 ಮತ್ತು 1980ರಲ್ಲಿ ಚಿನ್ನದ ಪದಕ ಗೆದ್ದಿತ್ತು.

ಇದಲ್ಲದೆ ಭಾರತ ತಂಡ 1960ರಲ್ಲಿ ಬೆಳ್ಳಿ, 1968, 1972 ಮತ್ತು 2020ರ ಒಲಿಂಪಿಕ್ಸ್‌ನಲ್ಲಿ ಕಂಚು ಜಯಿಸಿದೆ. ಒಲಿಂಪಿಕ್ ಇತಿಹಾಸದಲ್ಲಿ, ಭಾರತ ಹಾಕಿಯಲ್ಲಿ ಒಟ್ಟು 12 ಪದಕಗಳನ್ನು ಗೆದ್ದಿದೆ, ಇದರಲ್ಲಿ 8 ಚಿನ್ನ, 1 ಬೆಳ್ಳಿ ಮತ್ತು 3 ಕಂಚಿನ ಪದಕಗಳು ಸೇರಿವೆ.

ಪ್ಯಾರಿಸ್ ಒಲಿಂಪಿಕ್ಸ್ 2024ರ ಭಾರತೀಯ ಪುರುಷರ ಹಾಕಿ ತಂಡ

ಗೋಲ್ ಕೀಪರ್: ಶ್ರೀಜೇಶ್ ಪರಟ್ಟು ರವೀಂದ್ರನ್
ಡಿಫೆಂಡರ್‌ಗಳು: ಜರ್ಮನ್‌ಪ್ರೀತ್ ಸಿಂಗ್, ಅಮಿತ್ ರೋಹಿದಾಸ್, ಹರ್ಮನ್‌ಪ್ರೀತ್ ಸಿಂಗ್, ಸುಮಿತ್, ಸಂಜಯ್
ಮಿಡ್‌ಫೀಲ್ಡರ್‌ಗಳು: ರಾಜ್‌ಕುಮಾರ್ ಪಾಲ್, ಶಂಶೇರ್ ಸಿಂಗ್, ಮನ್‌ಪ್ರೀತ್ ಸಿಂಗ್, ಹಾರ್ದಿಕ್ ಸಿಂಗ್, ವಿವೇಕ್ ಸಾಗರ್ ಪ್ರಸಾದ್
ಫಾರ್ವರ್ಡ್: ಅಭಿಷೇಕ್, ಸುಖಜಿತ್ ಸಿಂಗ್, ಲಲಿತ್ ಕುಮಾರ್ ಉಪಾಧ್ಯಾಯ, ಮನದೀಪ್ ಸಿಂಗ್, ಗುರ್ಜಂತ್ ಸಿಂಗ್‌
ಪರ್ಯಾಯ ಆಟಗಾರರು: ನೀಲಕಾಂತ್ ಶರ್ಮಾ, ಜುಗರಾಜ್ ಸಿಂಗ್, ಕೃಷ್ಣ ಬಹದ್ದೂರ್ ಪಾಠಕ್

ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಹಾಕಿ ತಂಡದ ವೇಳಾಪಟ್ಟಿ

1) ಮೊದಲ ಪಂದ್ಯ - ಜುಲೈ 27: ಭಾರತ vs ನ್ಯೂಜಿಲೆಂಡ್
2) ಎರಡನೇ ಪಂದ್ಯ - 29 ಜುಲೈ: ಭಾರತ vs ಅರ್ಜೆಂಟೀನಾ
3) ಮೂರನೇ ಪಂದ್ಯ - 30 ಜುಲೈ: ಭಾರತ vs ಐರ್ಲೆಂಡ್
4) ನಾಲ್ಕನೇ ಪಂದ್ಯ - ಆಗಸ್ಟ್ 1: ಭಾರತ vs ಬೆಲ್ಜಿಯಂ
5) ಐದನೇ ಪಂದ್ಯ - ಆಗಸ್ಟ್ 2: ಭಾರತ vs ಆಸ್ಟ್ರೇಲಿಯಾ