ಹ್ಯಾಟ್ರಿಕ್ ಜಯದೊಂದಿಗೆ ಸೆಮಿಫೈನಲ್ ತಲುಪಿದ ಹಾಕಿ ತಂಡ, ಪದಕದ ನಿರೀಕ್ಷೆ

ಜಖಾರ್ತಾ, ಆಗಸ್ಟ್ 25: ಏಷಿಯನ್ ಗೇಮ್ಸ್‌ 2018ರಲ್ಲಿ ಪುರುಷರ ಹಾಕಿ ತಂಡವು ಜಪಾನ್ ವಿರುದ್ಧ 8-0 ಗೋಲುಗಳ ಭರ್ಜರಿ ಗೆಲುವು ಸಾಧಿಸಿ ಸೆಮಿಫೈನಲ್ ಪ್ರವೇಶಿಸಿದೆ.

ಭಾರತ ಹಾಕಿ ತಂಡಕ್ಕೆ ಈ ಗೆಲುವು ಟೂರ್ನಿಯ ಸತತ ಮೂರನೇ ಗೆಲುವಾಗಿದ್ದು, ಈ ಮೊದಲು ಇಂಡೋನೇಷ್ಯಾವನ್ನು 17-0 ಅಂತರದಿಂದ ಹಾಗೂ ಹಾಂಕಾಂಗ್‌ ಅನ್ನು 26-0 ಭಾರಿ ಅಂತರದಿಂದ ಗೆದ್ದಿತ್ತು.

ಏಷ್ಯನ್ ಗೇಮ್ಸ್ 2018 ವಿಶೇಷ ಪುಟಕ್ಕೆ ಕ್ಲಿಕ್ ಮಾಡಿ

ಜಪಾನ್ ತಂಡದ ವಿರುದ್ಧ ಆರು ಮಂದಿ ಭಾರತದ ಆಟಗಾರರು 8 ಗೋಲುಗಳನ್ನು ಭಾರಿಸಿದರು. ರೂಪಿಂದರ್ ಸಿಂಗ್ 17 ಮತ್ತು 37ನೇ ನಿಮಿಷದಲ್ಲಿ, ಮನವಿಂದರ್ ಸಿಂಗ್ 32 ಮತ್ತು 56ನೇ ನಿಮಿಷದಲ್ಲಿ, ಎಸ್‌.ವಿ.ಸುನಿಲ್ 7 ನೇ ನಿಮಿಷದಲ್ಲಿ, ದಿಲ್‌ಪ್ರೀತಿ ಸಿಂಗ್ 12ನೇ ನಿಮಿಷದಲ್ಲಿ, ಆಕಾಶ್ ದೀಪ್ ಸಿಂಗ್ 12ನೇ ನಿಮಿಷದಲ್ಲಿ, ವಿವೇಕ್ ಸಾಗರ್ ಪ್ರಸಾದ್ 47ನೇ ನಿಮಿಷದಲ್ಲಿ ಗೋಲು ಭಾರಿಸಿದರು.

ಈ ಗೆಲುವಿನ ಮೂಲಕ ಭಾರತ ಹಾಕಿ ತಂಡ ಸೆಮಿಫೈನಲ್ ಪ್ರವೇಶಿಸಿದ್ದು ಅಲ್ಲಿ ಅದು ದಕ್ಷಿಣ ಕೊರಿಯಾವನ್ನು ಎದಿರಸಲಿದೆ. ಸೆಮಿಫೈನಲ್‌ನಲ್ಲೂ ಗೆಲ್ಲುವ ವಿಶ್ವಾಸ ಭಾರತಕ್ಕೆ ಇದ್ದು ಚಿನ್ನದ ಪದಕಕ್ಕೆ ಮುತ್ತಿಡುವ ನಿರೀಕ್ಷೆಯಲ್ಲಿದೆ.