ಎಫ್‌ಐಎಚ್‌ ಸೀರೀಸ್ ಫೈನಲ್ಸ್: ಭಾರತಕ್ಕೆ ಆನೆಬಲ ತಂಡ ರಮಣ್‌ದೀಪ್

ಭುವನೇಶ್ವರ್, ಮೇ 28: ಅತ್ಯುತ್ತಮ ಸ್ಟ್ರೈಕರ್ ರಮಣ್‌ದೀಪ್ ಸಿಂಗ್ ಭಾರತದ ಪುರುಷರ ಹಾಕಿ ತಂಡವನ್ನು ಮತ್ತೆ ಸೇರಿಕೊಂಡಿದ್ದಾರೆ. ಜೂನ್ 6ರಿಂದ ಭುವನೇಶ್ವರ್‌ನಲ್ಲಿ ಇಂಟರ್ ನ್ಯಾಷನಲ್ ಹಾಕಿ ಫೆಡರೇಷನ್ (ಎಫ್‌ಐಎಚ್) ಸೀರೀಸ್ ಫೈನಲ್ಸ್ ಆರಂಭಗೊಳ್ಳಲಿರುವುದರಿಂದ ರಮಣ್ ತಂಡಕ್ಕೆ ಬಲ ತುಂಬಿಲಿದ್ದಾರೆ.

ಮಹಿಳಾ ಹಾಕಿ: ದ. ಕೊರಿಯಾ ವಿರುದ್ಧ ಭಾರತ ತಂಡಕ್ಕೆ ಸೋಲು

ಮೊಣಕಾಲು ಗಾಯಕ್ಕೀಡಾಗಿದ್ದ ಪ್ರತಿಭಾನ್ವಿತ ಆಟಗಾರ ರಮಣ್ ಸಿಂಗ್, ಸುಮಾರು 9 ತಿಂಗಳ ಕಾಲ ತಂಡದಿಂದ ಹೊರಗುಳಿದಿದ್ದರು. ಮಂಗಳವಾರ (ಮೇ 28) 26ರ ಹರೆಯದ ರಮಣ್ ಅವರನ್ನು ಮತ್ತೆ ತಂಡಕ್ಕೆ ಸೇರಿಕೊಳ್ಳಲಾಗಿದೆ. ಮನ್‌ದೀಪ್ ಸಿಂಗ್, ಗುರ್‌ಸಹಿಬ್ಜಿತ್ ಸಿಂಗ್, ಸಿಮ್ರನ್‌ಜೀತ್ ಸಿಂಗ್ ಮತ್ತು ಆಕಾಶ್ ದೀಪ್ ಸಿಂಗ್ ಜೊತೆ ರಮಣ್, ತಂಡದ ಫಾರ್ವರ್ಡ್ ವಿಭಾಗದಲ್ಲಿ ಆಡಲಿದ್ದಾರೆ.

Hockey : India’s striker Ramandeep Singh recalled to be a part of the Indian squad for the FIH Men’s Series Finals, commencing on June 6 in Bhubaneswar. pic.twitter.com/MQ3fQgmT8d

— All India Radio Sports (@akashvanisports) May 28, 2019

ಆಸ್ಟ್ರೇಲಿಯಾ ಪ್ರವಾಸದ ವೇಳೆ ವಿಶ್ರಾಂತಿಯಲ್ಲಿದ್ದ ವರುಣ್ ಕುಮಾರ್, ಅಮಿತ್ ರೋಹಿದಸ್ ಕೂಡ ತಂಡಕ್ಕೆ ಹಿಂದಿರುಗಿದ್ದಾರೆ. ಮತ್ತೊಬ್ಬ ಮಿಡ್ ಫೀಲ್ಡರ್ ಸುಮಿತ್ ಕೂಡ ಪ್ರತಿಷ್ಠಿತ ಟೂರ್ನಿ ನಿಮಿತ್ತ ತಂಡ ಸೇರಿಕೊಂಡಿದ್ದಾರೆ. ಮನ್‌ಪ್ರೀತ್ ಸಿಂಗ್ ಮುನ್ನಡೆಸುತ್ತಿರುವ ಭಾರತ ತಂಡದ ಉಪ ನಾಯಕ ಜವಾಬ್ದಾರಿ ಬಿರೇಂದ್ರ ಲಕ್ರಾ ವಹಿಸಿಕೊಂಡಿದ್ದಾರೆ.