ಬೆಂಗಳೂರು ಬುಲ್ಸ್ vs ಯು ಮುಂಬಾ: ಹೆಚ್ಚು ಗೆದ್ದ ಬಲಿಷ್ಠ ತಂಡ ಹಾಗೂ ಕಣಕ್ಕಿಳಿಯುವ ಆಟಗಾರರ ಮಾಹಿತಿ

ಬೆಂಗಳೂರು ಬುಲ್ಸ್ vs ಯು ಮುಂಬಾ ಮುಖಾಮುಖಿ ಅಂಕಿ ಅಂಶ

ಪ್ರೊ ಕಬಡ್ಡಿ ಲೀಗ್‌ನ ಮೊದಲೆರಡು ಆವೃತ್ತಿಗಳಲ್ಲಿನ ಮಾಡು ಇಲ್ಲವೇ ಮಡಿ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡಕ್ಕೆ ಸೋಲುಣಿಸಿದ್ದ ಯು ಮುಂಬಾ ಬೆಂಗಳೂರು ಬುಲ್ಸ್ ತಂಡ ಟೂರ್ನಿಯಿಂದ ಹೊರ ಬೀಳುವಂತೆ ಮಾಡಿತ್ತು. ಹಾಗೂ ಈ ಸೇಡನ್ನು ಬೇಗನೆ ತೀರಿಸಿಕೊಂಡ ಬೆಂಗಳೂರು ಬುಲ್ಸ್ ಲೀಗ್ ಹಂತದ ಮಾಡು ಇಲ್ಲವೇ ಮಡಿ ಪಂದ್ಯವೊಂದರಲ್ಲಿ ಯು ಮುಂಬಾ ತಂಡವನ್ನು ಸೋಲಿಸಿ ಪ್ಲೇ ಆಫ್ ಸುತ್ತಿಗೆ ಅರ್ಹತೆ ಪಡೆದುಕೊಳ್ಳುವುದನ್ನು ತಪ್ಪಿಸಿತ್ತು. ಇನ್ನು ಕೊನೆಯ ಆವೃತ್ತಿಯಿಂದ ಯು ಮುಂಬಾಗೆ ಬೆಂಗಳೂರು ಬುಲ್ಸ್ ಎರಡೂ ಪಂದ್ಯಗಳಲ್ಲಿಯೂ ಸೋಲನ್ನು ಉಣಿಸಿದೆ. ಒಟ್ಟಾರೆ ಮುಖಾಮುಖಿ ಫಲಿತಾಂಶ

ಪಂದ್ಯಗಳು - 14

ಯು ಮುಂಬಾ - 9

ಬೆಂಗಳೂರು ಬುಲ್ಸ್ - 5

ಡ್ರಾ - 0

ನೇರಪ್ರಸಾರದ ಮಾಹಿತಿ

ಈ ಬಾರಿಯ ವಿವೋ ಪ್ರೊ ಕಬಡ್ಡಿ ಲೀಗ್‌ನ ಎಲ್ಲ ಪಂದ್ಯಗಳು ಸಹ ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್‌ ಚಾನೆಲ್‌ಗಳಲ್ಲಿ ಪ್ರಸಾರವಾಗಲಿದ್ದು, ಡಿಸ್ನೆ + ಹಾಟ್‌ಸ್ಟಾರ್ ಅಪ್ಲಿಕೇಶನ್‌ನಲ್ಲಿಯೂ ಕೂಡ ಪಂದ್ಯಗಳನ್ನು ವೀಕ್ಷಿಸಬಹುದಾಗಿದೆ.

ಸಂಭಾವ್ಯ ಆಡುವ ಬಳಗಗಳು

ಬೆಂಗಳೂರು ಬುಲ್ಸ್ ಸಂಭಾವ್ಯ ತಂಡ:

ಪವನ್ ಕುಮಾರ್ ಸೆಹ್ರಾವತ್ (ರೈಡರ್), ಚಂದ್ರನ್ ರಂಜಿತ್ (ರೈಡರ್), ಅಬೋಲ್ಫಜ್ಲ್ ಮಗ್ಸೋಡ್ಲೌ (ರೈಡರ್) ಮಹೇಂದರ್ ಸಿಂಗ್ (ಲೆಫ್ಟ್ ಕವರ್), ಮೋಹಿತ್ ಸೆಹ್ರಾವತ್ (ರೈಟ್ ಕವರ್), ಅಮಿತ್ ಶೆರಾನ್ (ಲೆಫ್ಟ್ ಕಾರ್ನರ್) ಮತ್ತು ಸೌರಭ್ ನಂದಲ್ (ರೈಟ್ ಕಾರ್ನರ್)

ಯು ಮುಂಬಾ ಸಂಭಾವ್ಯ ತಂಡ:

ಅಭಿಷೇಕ್ ಸಿಂಗ್ (ರೈಡರ್), ವಿ ಅಜಿತ್ ಕುಮಾರ್ (ರೈಡರ್), ಅಜಿಂಕ್ಯ ಕಪ್ರೆ (ಆಲ್ ರೌಂಡರ್), ಮೊಹ್ಸೆನ್ ಮಗ್ಸೌದ್ಲೌ (ಆಲ್ ರೌಂಡರ್), ಹರೇಂದ್ರ ಕುಮಾರ್ (ಲೆಫ್ಟ್ ಕವರ್), ಸುನಿಲ್ ಸಿದ್ಧಗವ್ಲಿ (ರೈಟ್ ಕವರ್) ಮತ್ತು ಫಾಜೆಲ್ ಅತ್ರಾಚಲಿ (ಲೆಫ್ಟ್ ಕಾರ್ನರ್)