PKL 2022: ಪುಣೇರಿ ಪಲ್ಟನ್, ಹರಿಯಾಣ ಸ್ಟೀಲರ್ಸ್ ಸಮಬಲದ ಹೋರಾಟ, ರೋಚಕ ಪಂದ್ಯ ಟೈನಲ್ಲಿ ಅಂತ್ಯ

ಪ್ರೊಕಬಡ್ಡಿ ಲೀಗ್‌ನ ಎರಡನೇ ಚರಣದ ಪಂದ್ಯಗಳು ಪುಣೆಯ ಬಾಲೆವಾಡಿಯ ಶ್ರೀ ಶಿವ ಛತ್ರಪತಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್‌ನಲ್ಲಿ ನಡೆಯುತ್ತಿವೆ. ಅಕ್ಟೋಬರ್ 28ರಿಂದ ಎರಡನೇ ಚರಣದ ಪಂದ್ಯಗಳು ಆರಂಭವಾಗಿವೆ.

ತವರಿನಲ್ಲಿ ಈ ಸೀಸನ್‌ನ ಮೊದಲನೇ ಪಂದ್ಯವನ್ನಾಡಿದ ಪುಣೇರಿ ಪಲ್ಟನ್ ಗೆಲುವಿನ ಗುರಿ ಹೊಂದಿತ್ತು. ಗೆಲುವಿನತ್ತ ಮುನ್ನಡೆಯುತ್ತಿದ್ದ ಪುಣೆರಿ ತಂಡಕ್ಕೆ ಕೊನೆಯ ಕ್ಷಣದಲ್ಲಿ ಶಾಕ್ ಕೊಟ್ಟ ಹರ್ಯಾಣ ಸ್ಟೀಲರ್ಸ್ ಪಂದ್ಯವನ್ನು ರೋಚಕವಾಗಿ ಟೈ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾದರು. ಅಂತಿಮ ಕ್ಷಣದವರೆಗೂ ರೋಚಕ ಹಣಾಹಣಿಯಿಂದ ಕೂಡಿದ್ದ ಪಂದ್ಯ 27-27 ರಿಂದ ಟೈನಲ್ಲಿ ಕೊನೆಗೊಂಡಿತು.

ಸೂಪರ್ ರೈಡ್‌ನೊಂದಿಗೆ ಮೋಹಿತ್ ಗೋಯತ್ ಪಾಯಿಂಟ್ ಪಡೆಯುವ ಮೂಲಕ ಪಲ್ಟಾನ್ಸ್ ಸ್ಫೋಟಕ ಆರಂಭವನ್ನು ಮಾಡಿದರು. ಈ ಋತುವಿನಲ್ಲಿ ಮೊದಲ ಬಾರಿಗೆ ತವರಿನಲ್ಲಿ ಆಡುವಾಗ ಹೆಚ್ಚಿನ ವಿಶ್ವಾಸ ಹೊಂದಿದ್ದರಿಂದ ಆತ್ಮವಿಶ್ವಾಸದಿಂದಲೇ ಆಡಿದರು. ಮೊದಲಾರ್ಧದಲ್ಲಿ ಮಧ್ಯಭಾಗದಲ್ಲಿ ಪಲ್ಟಾನ್ಸ್ ನಿಯಂತ್ರಣದಲ್ಲಿತ್ತು ಮತ್ತು 1 ಪಾಯಿಂಟ್ ಮುನ್ನಡೆ ಸಾಧಿಸಿತು, ಎರಡೂ ಕಡೆಯಿಂದ ಸಮಬಲದ ಹೋರಾಟ ನಡೆಯುತ್ತಿತ್ತು.

ತವರಿನ ಬೆಂಬಲ ಪಡೆದ ಪಲ್ಟಾನ್ಸ್, ಫಝೆಲ್ ಅತ್ರಾಚಲಿ ಮತ್ತು ಸಹ ಆಟಗಾರರು ಉತ್ತಮವಾಗಿ ಆಡಿದರು. ಮೊದಲಾರ್ಧದ ಕೊನೆಯಲ್ಲಿ 13-10 ರಲ್ಲಿ 3 ಪಾಯಿಂಟ್ ಮುನ್ನಡೆ ಸಾಧಿಸಿದರು.

ರೋಚಕ ಟೈನಲ್ಲಿ ಅಂತ್ಯ

ಪುಣೇರಿಯು ದ್ವಿತೀಯಾರ್ಧವನ್ನು ಮುನ್ನಡೆಯೊಂದಿಗೆ ಪ್ರಾರಂಭಿಸಿತು, ಆಲ್ ಔಟ್‌ನೊಂದಿಗೆ 8 ಪಾಯಿಂಟ್‌ಗಳ ಮುನ್ನಡೆ ಸಾಧಿಸಿತು. ಸ್ವಲ್ಪ ಸಮಯದ ನಂತರ, ಸ್ಟೀಲರ್ಸ್ ತಿರುಗಿ ಬಿದ್ದಿತು. ಮಂಜೀತ್ ಜವಾಬ್ದಾರಿಯನ್ನು ವಹಿಸಿಕೊಂಡರು ಮತ್ತು ಮೋಹಿತ್ ಕೂಡಾ ದ್ವಿತೀಯಾರ್ಧದ ಮಧ್ಯದಲ್ಲಿ ಮುನ್ನಡೆಯನ್ನು ಗಮನಾರ್ಹವಾಗಿ ಕಡಿಮೆ ಮಾಡಿದರು.

ಮಂಜೀತ್ ಆಲ್ ಔಟ್ ಪಡೆಯುವ 36ನೇ ನಿಮಿಷದಲ್ಲಿ ಪಾಯಿಂಟ್‌ಗಳ ಅಂತರವನ್ನು 2ಕ್ಕೆ ಕಡಿಮೆ ಮಾಡಿದರು. ಮಂಜೀತ್ ಮತ್ತು ಅಮಿರ್ಹೋಸೇನ್ ಬಸ್ತಾಮಿ ಪಾಯಿಂಡ್ ಪಡೆಯುವ ಮೂಲಕ ಸ್ಕೋರ್ ಸಮವಾಯಿತು. ಆಟದ ಅಂತಿಮ ನಿಮಿಷಗಳು ರೋಚಕವಾಗಿದ್ದವು. ಆದರೆ, ಎರಡೂ ತಂಡಗಳು ಕೊನೆಯಲ್ಲಿ ಟೈಗೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು.