ಪ್ರೊ ಕಬಡ್ಡಿ: ಪುಣೇರಿ ಪಲ್ಟಾನ್ ವಿರುದ್ಧ ತಮಿಳ್ ತಲೈವಾಸ್ ಗೆ ರೋಚಕ ಜಯ

ಪುಣೆ, ಅಕ್ಟೋಬರ್ 23: ಪುಣೆಯ ಶ್ರೀ ಛತ್ರಪತಿ ಕ್ರೀಡಾಗ್ರಾಮದಲ್ಲಿ ನಡೆದ ಪ್ರೊ ಕಬಡ್ಡಿ 3ನೇ ಇಂಟರ್ ಝೋನ್ ಪಂದ್ಯದಲ್ಲಿ ಪುಣೇರಿ ಪಲ್ಟಾನ್ ವಿರುದ್ಧ ತಮಿಳ್ ತಲೈವಾಸ್ 36-31ರ ರೋಚಕ ಗೆಲುವು ಸಾಧಿಸಿದೆ. ತಲೈವಾಸ್ ಗೆ ಟೂರ್ನಿಯ ಎರಡನೇ ಜಯವಿದು.

ಪ್ರೊ ಕಬಡ್ಡಿ ಮುಖಪುಟಕ್ಕಾಗಿ ಕ್ಲಿಕ್ ಮಾಡಿ

ಚೆನ್ನೈ ನಲ್ಲಿ ನಡೆದಿದ್ದ ಆರಂಭಿಕ ಪಂದ್ಯದಲ್ಲಿ ಗೆದ್ದಿದ್ದು ಬಿಟ್ಟರೆ ತಲೈವಾಸ್ ಮತ್ತೆಲ್ಲಾ ಪಂದ್ಯಗಳನ್ನು ಸೋತಿತ್ತು. ಇಂದಿನ (ಅಕ್ಟೋಬರ್ 23) ಪಂದ್ಯದಲ್ಲಿ ತಲೈವಾಸ್ ನ ಅಜೈಯ್ ಠಾಕೂರ್ 12 ರೈಡಿಂಗ್ ಪಾಯಿಂಟ್ಸ್ ಸೇರಿಸಿ ತಂಡದ ಗೆಲುವಿಗೆ ಕಾರಣರಾದರು. ತಲೈವಾಸ್ ನ ಮನ್ಜೀತ್ ಚಿಲ್ಲರ್ 4 ಟ್ಯಾಕ್ಲ್ ಪಾಯಿಂಟ್ಸ್ ಸೇರಿಸಿದ್ದರು.

ಇದಕ್ಕೂ ಮೊದಲಿನ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ವಿರುದ್ಧ ಬಲಿಷ್ಟ ಯು ಮುಂಬಾ ತಂಡ 41-20ರ ಗೆಲುವು ಸಾಧಿಸಿತ್ತು. ಈ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ನ ರಾಹುಲ್ ಚೌಧರಿ 700 ಪಾಯಿಂಟ್ಸ್ ಗಳನ್ನು ಗಳಿಸಿದ ಸಾಧನೆ ಮೆರೆದರು.