ಪ್ರೊ ಕಬಡ್ಡಿ 2018: ತೆಲುಗು ಟೈಟಾನ್ಸ್ ವಿರುದ್ಧ ಯು ಮುಂಬಾ ಜಯಭೇರಿ

ಪುಣೆ, ಅಕ್ಟೋಬರ್ 23: ಪುಣೆಯ ಶ್ರೀ ಛತ್ರಪತಿ ಕ್ರೀಡಾಗ್ರಾಮದಲ್ಲಿ ನಡೆದ ಪ್ರೊ ಕಬಡ್ಡಿ 2ನೇ ಇಂಟರ್ ಝೋನ್ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ವಿರುದ್ಧ ಬಲಿಷ್ಟ ಯು ಮುಂಬಾ ತಂಡ 41-20ರ ಗೆಲುವು ಸಾಧಿಸಿದೆ. ಇದು ಟೂರ್ನಿಯಲ್ಲಿ ಮುಂಬೈಯ ನಾಲ್ಕನೇ ಗೆಲುವು.

ಪಂದ್ಯದ ಆರಂಭದಿಂದಲೂ ಮುನ್ನಡೆ ಕಾದಿರಿಕೊಂಡ ಮುಂಬೈ, ಟೈಟಾನ್ಸ್ ಗೆ ಸೋಲುಣಿಸಿತು. ಯು ಮುಂಬಾ ಪರ ಸಿದ್ಧಾರ್ಥ್ ದೇಸಾಯ್ ಆಕರ್ಷಕ ಆಟವಾಡಿದರು. ರೈಡಿಂಗ್ ನಲ್ಲಿ ಮಿಂಚಿದ ಸಿದ್ಧಾರ್ಥ್ ಒಟ್ಟು 14 (+3 ಬೋನಸ್) ಪಾಯಿಂಟ್ ಗಳನ್ನು ತಂಡಕ್ಕೆ ಸೇರಿಸಿದರು. ಟೈಟಾನ್ಸ್ ನ ರಾಹುಲ್ ಚೌಧರಿ 700 ಪಾಯಿಂಟ್ಸ್ ಗಳನ್ನು ಗಳಿಸಿದ ಸಾಧನೆ ಮೆರೆದರು.

ಯು ಮುಂಬಾದ ಫಝಲ್ ಅಟ್ರಾಚಲಿ 4 ಟ್ಯಾಕ್ಲ್ ಪಾಯಿಂಟ್ ಸೇರಿಸಿದ್ದೂ ಮುಂಬೈ ಗೆಲುವಿಗೆ ಕಾರಣವಾಯ್ತು. ಈ ಪಂದ್ಯದ ಬಳಿಕ ಮುಂಬೈ ಆಡಿರುವ 6 ಪಂದ್ಯಗಳಲ್ಲಿ 4 ಗೆಲುವು, ಒಂದು ಸೋಲು ಮತ್ತೊಂದು ಪಂದ್ಯ ಟೈ ಮಾಡಿಕೊಂಡಿದೆ. ಟೈಟಾನ್ಸ್ 5ರಲ್ಲಿ ಮೂರು ಪಂದ್ಯ ಗೆದ್ದಂತಾಗಿದೆ.