ಪ್ರೊ ಕಬಡ್ಡಿ: ಡೆಲ್ಲಿ ಸೋಲಿಸಿ ಚೊಚ್ಚಲ ಟ್ರೋಫಿ ಎತ್ತಿದ ಬೆಂಗಾಲ್ ವಾರಿಯರ್ಸ್

ಅಹ್ಮದಾಬಾದ್, ಅಕ್ಟೋಬರ್ 19: ಪ್ರೊ ಕಬಡ್ಡಿ ಲೀಗ್ 2019ರ ಸೀಸನ್‌ನ ಚಾಂಪಿಯನ್‌ ಆಗಿ ಬೆಂಗಾಲ್ ವಾರಿಯರ್ಸ್ ಹೊರ ಹೊಮ್ಮಿದೆ. ಶನಿವಾರ (ಅಕ್ಟೋಬರ್ 19) ನಡೆದ ಫೈನಲ್ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ಕೆಸಿಯನ್ನು 39-34ರ ಅಂತರದಿಂದ ಸೋಲಿಸಿದ ಬೆಂಗಾಲ್ ಚೊಚ್ಚಲ ಟ್ರೋಫಿಗೆ ಮುತ್ತಿಕ್ಕಿದೆ.

ಬಾಂಗ್ಲಾದೇಶ ವಿರುದ್ಧದ ಟಿ20 ಸರಣಿಯಲ್ಲಿ ನಾಯಕ ವಿರಾಟ್ ಕೊಹ್ಲಿ ಆಡುತ್ತಿಲ್ಲ!

ಗುಜರಾತ್‌ನ ಅಹ್ಮದಾಬಾದ್‌ನಲ್ಲಿರುವ ಏಕ ಅರೇನಾ ಬೈ ಟ್ರಾನ್ಸ್‌ಸ್ಟೇಡಿಯಾದಲ್ಲಿ ನಡೆದ ಪಂದ್ಯದ ಆರಂಭದಲ್ಲಿ ದಬಾಂಗ್‌ ಡೆಲ್ಲಿ ಮುನ್ನಡೆ ಸಾಧಿಸಿತ್ತಾದರೂ ಬೆಂಗಾಲ್ ವಾರಿಯರ್ಸ್ ಪಂದ್ಯವನ್ನು ಮೊದಲ ಹಾಫ್‌ನಲ್ಲಿ ಜಿದ್ದಾಜಿದ್ದಿಗೆ ತೆಗೆದುಕೊಂಡು ಹೋಯಿತು. ದ್ವಿತೀಯಾರ್ಧದಲ್ಲಿ ಮುನ್ನಡೆ ಸಾಧಿಸುತ್ತಾ ಸಾಗಿ ಫಲಿತಾಂಶವನ್ನು ತನ್ನೆಡೆಗೆ ತಂದುಕೊಂಡಿತು.

ಬೆಂಗಾಲ್ ವಾರಿಯರ್ಸ್ ಪರ ಇಸ್ಮಾಯಿಲ್ ನಬಿಬಖ್ಷ್ ಮತ್ತು ಸುಕೇಶ್ ಹೆಗ್ಡೆ ಆಟ ಗೆಲುವಿನ ನೆಲೆಯಲ್ಲಿ ನೆರವಿಗೆ ಬಂತು. ಇಸ್ಮಾಯಿಲ್ 10, ಸುಕೇಶ್ 8, ರವೀಂದ್ರ ರಮೇಶ್ 6, ಜೀವ ಕುಮಾರ್ 4, ಬಲ್ದೇವ್ ಸಿಂಗ್ 2, ರಿಂಕು ನರ್ವಾಲ್ 2 ಅಂಕ ಸೇರಿಸಿ ತಂಡಕ್ಕೆ ಬಲ ತುಂಬಿದರು.

ಮೈದಾನಕ್ಕೆ ನುಗ್ಗಿದ ದಕ್ಷಿಣ ಆಫ್ರಿಕಾದ ಇಬ್ಬಿಬ್ಬರು ನಾಯಕರು: ವಿಡಿಯೋ

ದಬಾಂಗ್ ಡೆಲ್ಲಿ ಪರ ನವೀನ್‌ ಎಕ್ಸ್‌ಪ್ರೆಸ್‌ ಹೋರಾಡಿ ಗಮನ ಸೆಳೆದರು. ನವೀನ್ 18 (11 ರೈಡ್, 7 ಬೋನಸ್), ಅನಿಲ್ ಕುಮಾರ್ 3, ವಿಜಯ್ 3, ಚಂದ್ರನ್ ರಂಜಿತ್ 2, ಮೀರಜ್ ಶೇಖ್ 2, ರವೀಂದರ್ ಪಾಹಲ್ 1 ಅಂಕ ಸೇರಿಸಿ ತಕ್ಕ ಮಟ್ಟಿನ ಪೈಪೋಟಿ ನೀಡಿದರು.

For Quick Alerts
ALLOW NOTIFICATIONS
For Daily Alerts
Story first published: Saturday, October 19, 2019, 21:19 [IST]
Other articles published on Oct 19, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X