ಪ್ರೊ ಕಬಡ್ಡಿ 2019: ಹರ್ಯಾಣ ಸ್ಟೀಲರ್ಸ್‌ಗೆ ಶರಣಾದ ದಬಾಂಗ್ ಡೆಲ್ಲಿ

ಕೋಲ್ಕತ್ತ, ಸೆಪ್ಟೆಂಬರ್ 7: ಕೋಲ್ಕತ್ತಾದ ನೇತಾಜಿ ಸುಭಾಶ್ಚಂದ್ರ ಬೋಸ್ ಇಂಡೋರ್ ಸ್ಟೇಡಿಯಂನಲ್ಲಿ ಶನಿವಾರ (ಸೆಪ್ಟೆಂಬರ್ 7) ನಡೆದ ಪ್ರೊ ಕಬಡ್ಡಿ 79ನೇ ಪಂದ್ಯದಲ್ಲಿ ಹರ್ಯಾಣ ಸ್ಟೀಲರ್ಸ್‌ಗೆ ದಂಬಾಂಗ್ ಡೆಲ್ಲಿ ಕೆಸಿ 47-25ರ ಅಂತರದಿಂದ ಶರಣಾಗಿದೆ. ಡೆಲ್ಲಿ ಗೆಲ್ಲಿಸಲು ನವೀನ್ ಕುಮಾರ್ ಮಾಡಿದ ಹೋರಾಟ ವ್ಯರ್ಥಗೊಂಡಿತು.

ಹರ್ಯಾಣ ಸ್ಟೀಲರ್ಸ್ ಪರ ವಿಕಾಸ್ ಖಂಡೋಲಾ 10, ಪ್ರಶಾಂತ್ ಕುಮಾರ್ ರೈ 10 ಅಂಕ ಸೇರಿಸಿ ತಂಡ ದೊಡ್ಡ ಅಂತರದ ಗೆಲುವು ಸಾಧಿಸಲು ಕಾರಣರಾದರು. ಇನ್ನು ವಿಕಾಸ್ ಕಾಲೆ 5, ಸುನಿಲ್ 4, ಧರ್ಮರಾಜ್ 4, ನವೀನ್ 4, ವಿನಯ್ 2, ರವಿಕುಮಾರ್ 1 ಅಂಕ ಸೇರಿಸಿ ಸ್ಟೀಲರ್ಸ್ ಬೆಂಬಲಿಸಿದರು.

ದಬಾಂಗ್ ಡೆಲ್ಲಿಯಿಂದ ನವೀನ್ ಕುಮಾರ್ 11, ಚಂದ್ರನ್ ರಂಜಿತ್ 5, ಜೋಗೀಂದರ್ ಸಿಂಗ್ ನರ್ವಾಲ್ 3, ವಿಶಾಲ್ ಮಾನೆ, ಅನಿಲ್ ಕುಮಾರ್, ವಿಜಯ್, ಅಮನ್ ಕಡಿಯಾನ್, ಮೇರಜ್ ಶೈಖ್ ತಲಾ 1 ಅಂಕದ ಕೊಡುಗೆಯಿತ್ತರು. ಸದ್ಯ ಅಂಕಪಟ್ಟಿಯಲ್ಲಿ ದಬಾಂಗ್ ಡೆಲ್ಲಿ, ಬೆಂಗಳೂರು ಬುಲ್ಸ್, ಹರ್ಯಾಣ ಸ್ಟೀಲರ್ಸ್ ಮೊದಲ ಮೂರು ಸ್ಥಾನಗಳಲ್ಲಿವೆ.