ಪ್ರೊ ಕಬಡ್ಡಿ: ಮೊದಲ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಅಬ್ಬರ: ದಬಾಂಗ್ ಡೆಲ್ಲಿ, ಯೋಧಾಸ್‌ಗೂ ಗೆಲುವು

ಮಂಕಾದ ಯು ಮುಂಬಾ

ಯು ಮುಂಬಾ ತಂಡ ಮೊದಲ ಪಂದ್ಯದಲ್ಲಿಯೇ ಮಂಕಾದಂತೆ ಕಂಡುಬಂದಿದೆ. ಸುರಿಂದರ್ ಸಿಂಗ್ ನಾಯಕತ್ವದ ಯು ಮುಂಬಾ ಪರವಾಗಿ ಆಶಿಶ್ 7 ಅಂಕಗಳನ್ನು ಗಳಿಸಿ ತಂಡದ ಪರ ಹೆಚ್ಚು ಅಂಕಗಳಿಸಿದ ಆಟಗಾರ ಎನಿಸಿದ್ದಾರೆ. ಅಂತಿಮವಾಗಿ ಈ ಪಂದ್ಯದಲ್ಲಿ ಡೆಲ್ಲಿ ದಬಾಂಗ್ ತಂಡ 41-27 ಅಂಕಗಳೊಂದಿಗೆ ಗೆಲುವು ಸಾಧಿಸಿದೆ.

ಅಬ್ಬರಿಸಿದ ಬೆಂಗಳೂರು ಬುಲ್ಸ್

ಇನ್ನು ಎರಡನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಹಾಗೂ ತೆಲುಗು ಟೈಟನ್ಸ್ ತಂಡಗಳು ಮುಖಾಮುಖಿಯಾಗಿದೆ. ಮಹೇಂದರ್ ಸಿಂಗ್ ನಾಯಕತ್ವದಲ್ಲಿ ಕಣಕ್ಕಿಳಿದ ಬುಲ್ಸ್ ತಂಡ ಇಂದು ಸಾಂಗಿಕ ಪ್ರದರ್ಶನ ನೀಡಿತು. ನೀರಜ್ ನರ್ವಾಲ್ 7 ಅಂಕಗಳನ್ನು ಗಳಿಸಿದರೆ ವಿಕಾಶ್ ಕಂಡೀಲ 5 ಅಂಕಗಳನ್ನು ಗಳಿಸಿದರು.ಸೌರಬ್ ನಂದಾಲ್ ಡಿಫೆಂಡರ್ ಆಗಿ ನಾಲ್ಕು ಅಂಕಗಳನ್ನು ತಂಡದ ಪರವಾಗಿ ಗಳಿಸಿದರು. ಇನ್ನು ಎದುರಾಳಿ ಟೈಟನ್ಸ್ ತಂಡದ ಪರವಾಗಿ ವಿನಯ್ ಹಾಗೂ ರಜ್ನೀಶ್ ತಲಾ 7 ಅಂಕಗಳನ್ನು ತಂಡಕ್ಕೆ ನೀಡಿದರು. ಅಂತಿಮವಾಗಿ ಈ ಪಂದ್ಯವನ್ನು ಬೆಂಗಳುರು ಬುಲ್ಸ್ ತಂಡ 34-29 ಅಂತರದಿಂದ ಗೆಲ್ಲುವಲ್ಲಿ ಯಶಸ್ವುಯಾಯಿತು. ಈ ಮೂಲಕ ಬೆಂಗಳೂರು ಬುಲ್ಸ್ ತಂಡ ಶುಭಾರಂಭ ಮಾಡಿದೆ.

ಯುಪಿ ಯೋಧಾಸ್‌ಗೆ ರೋಚಕ ಗೆಲುವು

ಇನ್ನು ಇಂದಿನ ಮೂರನೇ ಪಂದ್ಯ ಜೈಪುರ್ ಪಿಂಕ್ ಪ್ಯಾಂಥರ್ಸ್ ಹಾಗೂ ಯುಪಿ ಯೋಧಾಸ್ ಮಧ್ಯೆ ನಡೆಯಿತು. ಸಾಕಷ್ಟು ಪೈಪೋಟಿಯಿಂದ ಕೂಡಿದ್ದ ಈ ಪಂದ್ಯದಲ್ಲಿ ಅಂತಿಮವಾಗಿ ಯುಪಿ ಯೋಧಾಸ್ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಗಿದೆ. ಯೋಧಾಸ್ ಪರವಾಗಿ ಸುರೇಂದರ್ ಗಿಲ್ 9 ಅಂಕಗಳನ್ನು ಗಳಿಸಿದರೆ ಪರ್ದೀಪ್ ನರ್ವಾಲ್ 7 ಅಂಕಗಳನ್ನು ಗಳಿಸಿದರು. ಪ್ಯಾಂಥರ್ಸ್ ತಂಡದ ಪರವಾಗಿ ರೈಡರ್ ಆಗಿ ಅರ್ಜುನ್ ದೇಶ್ವಾಲ್ ಉತ್ತಮ ಪ್ರದರ್ಶನ ನೀಡಿದ್ದು 8 ಅಂಕಗಳನ್ನು ಗಳಿಸಿದರು.