ಕಬಡ್ಡಿ: ತಮಿಳ್ ತಲೈವಾಸ್ ಸೋಲಿಸಿದ ಗುಜರಾತ್ ಫಾರ್ಚೂನ್ ಜಿಯಾಂಟ್ಸ್

ಪಾಟ್ನಾ, ಅಕ್ಟೋಬರ್ 26: ಬಿಹಾರ ರಾಜ್ಯದ ಪಾಟ್ನಾದ ಪಾಟಲೀಪುತ್ರ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ನಲ್ಲಿ ಶುಕ್ರವಾರ (ಅಕ್ಟೋಬರ್ 26) ನಡೆದ ಪ್ರೊ ಕಬಡ್ಡಿ ಇಂಟರ್ ಜೋನ್ 7ನೇ ಪಂದ್ಯದಲ್ಲಿ ತಮಿಳ್ ತಲೈವಾಸ್ ವಿರುದ್ಧ ಗುಜರಾತ್ ಫಾರ್ಚೂನ್ ಜಿಯಾಂಟ್ಸ್ 36-25ರ ಜಯ ಸಾಧಿಸಿದೆ. ಗುಜರಾತ್ ಗೆ ಲಭಿಸುತ್ತಿರುವ ಮೊದಲ ಜಯವಿದು.

'ಮೈಖೇಲ್ ಪ್ರೊ-ಕಬಡ್ಡಿ ಮುಖಪುಟ'ಕ್ಕೆ ಕ್ಲಿಕ್ ಮಾಡಿ

ಆಡಿರುವ 3 ಪಂದ್ಯಗಳಲ್ಲಿ ಗುಜರಾತ್ ಒಂದು ಗೆಲುವು, ಒಂದು ಸೋಲು, ಒಂದು ಪಂದ್ಯ ಡ್ರಾ ಮಾಡಿಕೊಂಡಂತಾಗಿದೆ. ಇತ್ತ ತಮಿಳ್ ತಲೈವಾಸ್ ಗೆ ಇದು ಐದನೇ ಸೋಲು. ತಲೈವಾಸ್ 7 ಪಂದ್ಯಗಳಲ್ಲಿ ಎರಡರಲ್ಲಷ್ಟೇ ಗೆದ್ದಿದೆ. ಹೀಗಾಗಿ ಬಿ ಝೋನ್ ನಲ್ಲಿರುವ ತಲೈವಾಸ್ ಅಂಕಪಟ್ಟಿಯ ತಳ ಸೇರಿದೆ.

ಶುಕ್ರವಾರವೇ ನಡೆದ 8ನೇ ಇಂಟರ್ ಜೋನ್ ಪಂದ್ಯದಲ್ಲಿ ಪಾಟ್ನಾ ಪೈರೇಟ್ಸ್ ತಂಡ ಜೈಪುರ್ ಪಿಂಕ್ ಪ್ಯಾಂಥರ್ಸ್ ಎದುರು 41-30 ಭರ್ಜರಿ ಗೆಲುವನ್ನು ಸಂಭ್ರಮಿಸಿತು. ಝೋನ್ ಬಿಯಲ್ಲಿರುವ ಪಿಂಕ್ ಪ್ಯಾಂಥರ್ಸ್ ನಾಲ್ಕರಲ್ಲಿ ಮೂರು ಸೋಲಿನೊಂದಿಗೆ ಅಂಕಪಟ್ಟಿಯ ತಳಕ್ಕೆ ಕುಸಿದಿದೆ.