Pro Kabaddi League: ಸೆಮಿಸ್‌ನಲ್ಲಿ ಪಾಟ್ನಾ ಪೈರೇಟ್ಸ್ ಸೋಲಿಸಿ ಫೈನಲ್‌ಗೆ ಎಂಟ್ರಿ ಕೊಟ್ಟ ಪುಣೇರಿ ಪಲ್ಟಾನ್

ಬುಧವಾರ, ಫೆಬ್ರವರಿ 28ರಂದು ಹೈದರಾಬಾದ್‌ನ ಜಿಎಂಸಿ ಬಾಲಯೋಗಿ ಸ್ಟೇಡಿಯಂನಲ್ಲಿ ನಡೆದ 2024ರ ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್)ನ 10ನೇ ಆವೃತ್ತಿಯ ಸೆಮಿಫೈನಲ್ ಪಂದ್ಯದಲ್ಲಿ ಮೂರು ಬಾರಿ ವಿಜೇತರಾದ ಪಾಟ್ನಾ ಪೈರೇಟ್ಸ್ ವಿರುದ್ಧ 37-21 ಅಂತರದಿಂದ ಗೆಲುವು ಸಾಧಿಸಿದ ಪುಣೇರಿ ಪಲ್ಟಾನ್ ಮೊದಲ ಫೈನಲಿಸ್ಟ್ ಆಗಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿತು.

ಪುಣೇರಿ ಪಲ್ಟಾನ್ ತಂಡದ ಆಲ್‌ರೌಂಡ್ ಪ್ರದರ್ಶನದಲ್ಲಿ ತಮ್ಮ ಸಮರ್ಥ ನಾಯಕ ಅಸ್ಲಾಮ್ ಇನಾಮದಾರ್ ಅವರ 7 ರೇಡ್ ಪಾಯಿಂಟ್‌ಗಳಿಂದ ಮುನ್ನಡೆಸಿದರು.

ಇದರೊಂದಿಗೆ ಪುಣೇರಿ ಪಲ್ಟಾನ್ ತಂಡವು ಶುಕ್ರವಾರ, ಮಾರ್ಚ್ 1ರಂದು ಸೆಮಿಫೈನಲ್ 2ರ ವಿಜೇತ ತಂಡ ಹರಿಯಾಣ ಸ್ಟೀಲರ್ಸ್ ತಂಡದ ವಿರುದ್ಧ ಫೈನಲ್‌ನಲ್ಲಿ ಸೆಣಸಾಡಲಿದೆ.

ಪುಣೇರಿ ಪಲ್ಟಾನ್ ಮತ್ತು ಪಾಟ್ನಾ ಪೈರೇಟ್ಸ್ ಎರಡೂ ಆರಂಭಿಕ ಹಿನ್ನಡೆಗಳನ್ನು ಅನುಭವಿಸಿದ ನಂತರ, ಮೊದಲ ಸೆಮಿಫೈನಲ್ ರೋಚಕವಾಗಿ ಆರಂಭಗೊಂಡಿತು.

ರೈಡರ್ ಸಚಿನ್ ಮತ್ತೊಮ್ಮೆ ಪಾಟ್ನಾ ಪೈರೇಟ್ಸ್ ತಂಡಕ್ಕೆ ಆಸರೆಯಾಗಿದ್ದರು. ಆದರೆ ಮ್ಯಾಟ್‌ನ ಇನ್ನೊಂದು ಬದಿಯಲ್ಲಿ, ಪುಣೇರಿ ಪಲ್ಟಾನ್ ತಂಡದ ಆಲ್‌ರೌಂಡ್ ಪ್ರದರ್ಶನವು ಸ್ವಲ್ಪಮಟ್ಟಿಗೆ ಎದುರಾಳಿಗಳಿಗಿಂತ ಮುನ್ನಡೆ ಸಾಧಿಸಿದರು. ಇದು ಅಂತಿಮವಾಗಿ ಪಂದ್ಯದ ಮೇಲಿನ ಹಿಡಿತವನ್ನು ಪಡೆಯಲು ಪ್ರಾರಂಭಿಸಿತು.

6ನೇ ನಿಮಿಷದಲ್ಲಿ ಮೋಹಿತ್ ಗೋಯತ್ ಅವರ ಯಶಸ್ವಿ ಡು-ಆರ್-ಡೈ ದಾಳಿಯು ಪುಣೇರಿ ಪಲ್ಟನ್‌ಗೆ ಮೊದಲಾರ್ಧದ ಅಂತ್ಯದ ವೇಳೆಗೆ ಪಾಯಿಂಟ್‌ಗಳ ಸುರಿಮಳೆಯನ್ನು ಪ್ರಾರಂಭಿಸಿತು ಹಾಗೂ ಪಾಟ್ನಾ ಪೈರೇಟ್ಸ್ ಆಲೌಟ್ ಆಯಿತು.

ಸೀಸನ್ 10ರಲ್ಲಿ ತನ್ನ ಫಾರ್ಮ್ ಮುಂದುವರೆಸಿದ ಮೊಹಮ್ಮದ್ರೇಜಾ ಚಿಯಾನೆಹ್ ತನ್ನ ಟ್ಯಾಕ್ಲಿಂಗ್‌ನೊಂದಿಗೆ ಡಿಫೆನ್ಸ್ ಅನ್ನು ಮುನ್ನಡೆಸಿದರು. ಅಸ್ಲಾಂ ಇನಾಮದಾರ್ ಅವರ ರೈಡಿಂಗ್ ಮೊದಲಾರ್ಧದ ಅಂತ್ಯದಲ್ಲಿ ಪಲ್ಟಾನ್ ತಂಡಕ್ಕೆ 20-11 ಪಾಯಿಂಟ್‌ಗಳ ಮುನ್ನಡೆಯನ್ನು ತಂದುಕೊಟ್ಟಿತು.

ಪುಣೇರಿ ಪಲ್ಟಾನ್ ಅದೇ ವೇಗವನ್ನು ದ್ವಿತೀಯಾರ್ಧದಲ್ಲಿ ಮುಂದುವರೆಸಿ, ಮತ್ತೊಮ್ಮೆ ಪಾಟ್ನಾ ಪೈರೇಟ್ಸ್ ತಂಡವನ್ನು ಆಲೌಟ್ ಮಾಡಿತು. ಸಚಿನ್ ಮತ್ತು ಸುಧಾಕರ್ ಎಂ ಪಾಟ್ನಾ ಪೈರೇಟ್ಸ್‌ಗೆ ಪಾಯಿಂಟ್‌ಗಳನ್ನು ಸೇರಿಸುತ್ತಲೇ ಇದ್ದರು. ಆದರೆ ಕೊನೆಯಲ್ಲಿ ಪುಣೇರಿ ಪಲ್ಟನ್ ತಂಡವು ಗೆಲುವಿನ ಕಡೆಗೆ ಹೆಜ್ಜೆ ಹಾಕಿತು.

ಅಸ್ಲಾಂ ಇನಾಮದಾರ್ ಮತ್ತು ಪಂಕಜ್ ಮೋಹಿತೆ ಅವರು ರೈಡಿಂಗ್ ವಿಭಾಗದಲ್ಲಿ ಪರಸ್ಪರ ಉತ್ತಮವಾಗಿ ಕಾರ್ಯನಿರ್ವಹಿಸಿದರೆ, ಮೊಹಮ್ಮದ್ರೇಜಾ ಚಿಯಾನೆಹ್ ಅವರಿಗೆ ಅಭಿನೇಶ್ ನಾಡರಾಜನ್ ಮತ್ತು ಗೌರವ್ ಖತ್ರಿ ಅವರು ಟ್ಯಾಕ್ಲಿಂಗ್‌ನಲ್ಲಿ ಬೆಂಬಲ ನೀಡಿದರು.

ಪಾಟ್ನಾ ಪೈರೇಟ್ಸ್ ಕೊನೆಯವರೆಗೂ ಹೋರಾಡಿತು. ಆದರೆ ಸೆಮಿಫೈನಲ್‌ನಲ್ಲಿ ಪುಣೇರಿ ಪಲ್ಟಾನ್ ದೊಡ್ಡ ಗೆಲುವು ಸಾಧಿಸಿತು. ದ್ವಿತೀಯಾರ್ಧದಲ್ಲಿ ಪಾಟ್ನಾ ಪೈರೇಟ್ಸ್‌ಗೆ ಮಂಜೀತ್ ತಡವಾಗಿ ಮಿಂಚಿದರೂ, ಆಗಲೇ ತಂಡವು ಸೋಲಿನ ಕಡೆಗೆ ಮುಖ ಮಾಡಿತ್ತು.

ಆದಾಗ್ಯೂ, ಪಾಟ್ನಾ ಪೈರೇಟ್ಸ್ ತಂಡದ ಎಲ್ಲಾ ಪ್ರಶ್ನೆಗಳಿಗೆ ಪುಣೇರಿ ಪಲ್ಟಾನ್ ಉತ್ತರವನ್ನು ಹೊಂದಿತ್ತು. ತಮ್ಮ ಸತತ ಎರಡನೇ ಫೈನಲ್‌ನಲ್ಲಿ ಹೆಚ್ಚು ಅರ್ಹವಾದ ಸ್ಥಾನವನ್ನು ಗಟ್ಟಿಗೊಳಿಸಿತು.