Pro Kabaddi: ತಲೈವಾಸ್‌ ಮಣಿಸಿದ ಪುಣೇರಿಯ ಅಗ್ರ ಸ್ಥಾನ ಭದ್ರ

10ನೇ ಆವೃತ್ತಿಯ ಪ್ರೊ ಕಬಡ್ಡಿ 60ನೇ ಪಂದ್ಯದಲ್ಲಿ ಪುಣೇರಿ ಪಲ್ಟನ್‌ 29-26 ರಿಂದ ತಮಿಳು ತಲೈವಾಸ್ ವಿರುದ್ಧ ಭರ್ಜರಿ ಜಯ ಸಾಧಿಸಿತು. ಅಲ್ಲದೆ ಪುಣೇರಿ ಅಂಕ ಪಟ್ಟಿಯಲ್ಲಿ ಅಂಕ ಪಟ್ಟಿಯಲ್ಲಿ ಮೊದಲ ಸ್ಥಾನ ಭಧ್ರ ಪಡಿಸಿಕೊಂಡಿತು.

ಈ ಜಯದೊಂದಿಗೆ ಪುಣೇರಿ ಪಲ್ಟನ್‌ ಆಡಿದ 10 ಪಂದ್ಯಗಳಲ್ಲಿ 9 ಜಯ, 1 ಸೋಲು ಕಂಡಿದ್ದು 46 ಅಂಕಗಳನ್ನು ಕಲೆ ಹಾಕಿದೆ. ತಮಿಳು ತಲೈವಾಸ್ ಮೂರನೇ ಗೆಲುವಿನ ಆಸೆ ಮುಂದಿನ ಪಂದ್ಯಕ್ಕೆ ಶಿಫ್ಟ್ ಆಗಿದೆ.

ಮೊದಲಾವಧಿಯ 20 ನಿಮಿಷದಲ್ಲಿ ಉಭಯ ತಂಡಗಳು ಅಂಕಗಳನ್ನು ಸುಲಭವಾಗಿ ಅಂಕಗಳನ್ನು ಬಿಟ್ಟುಕೊಡಲಿಲ್ಲ. ಈ ಅವಧಿಯಲ್ಲಿ ಜಿದ್ದಾಜಿದ್ದಿನ ಪಂದ್ಯ ಕಂಡು ಬಂದಿತು. ಪುಣೇರಿಗಿಂತ, ತಲೈವಾಸ್‌ ತಂಡದ ದಾಳಿ ಅಮೋಘವಾಗಿತ್ತು. ಮೊದಲಾವಧಿಯಲ್ಲಿ ಪುಣೇರಿ 12-11 ರಿಂದ ಅಲ್ಪ ಮುನ್ನಡೆ ಸಾಧಿಸಿತು. ಈ ಅವಧಿಯ ಆಟ ಅಭಿಮಾನಿಗಳನ್ನು ಕುರ್ಚಿಯ ತುದಿಯಲ್ಲಿ ಕುಳಿತುಕೊಳ್ಳುವಂತೆ ಮಾಡಿತ್ತು.

ಎರಡನೇ ಅವಧಿಯಲ್ಲೂ ಇದೇ ರೀತಿಯ ಆಟ ಕಂಡು ಬಂದಿತು. ಆದರೆ ಕೊನೆಯ ಕ್ಷಣದವರೆಗೂ ಸ್ಥಿರ ಪ್ರದರ್ಶನ ನೀಡಿದ ಪುಣೇರಿ ಅಂಕಗಳ ಬೇಟೆಯಲ್ಲಿ ಮುನ್ನಡೆ ಕಾಯ್ದುಕೊಂಡಿತು. ಪುಣೇರಿ ಈ ಅವಧಿಯಲ್ಲಿ 17-15 ಅಂಕಗಳಿಂದ ಮುನ್ನಡೆ ಸಾಧಿಸಿ ಜಯ ಸಾಧಿಸಿತು.

ಪುಣೇರಿ ಒಟ್ಟಾರೆ 46 ಬಾರಿ ಎದುರಾಳಿ ಕೋರ್ಟ್‌ಗೆ ಎಂಟ್ರಿ ನೀಡಿ 11 ಅಂಕಗಳನ್ನು ಕಲೆ ಹಾಕಿತು. ಇದರಲ್ಲಿ ಒಂದು ಸೂಪರ್ ರೇಡ್ ಸಹ ಸೇರಿದೆ. ತಮಿಳು ತಲೈವಾಸ್ 7 ಅಂಕ ದಾಳಿಯಲ್ಲಿ ಸೇರಿಸಿತು. ಟ್ಯಾಕಲ್‌ನಲ್ಲಿ ಪುಣೇರಿ 13, ತಮಿಳು ತಲೈವಾಸ್ 9 ಅಂಕ ಪೇರಿಸಿತು.

ಬೆಂಗಾಲ್‌ಗೆ ಆಘಾತ

ಭಾನುವಾರ ನಡೆದ ಎರಡನೇ ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ಸ್‌ ಅಮೋಘ ಆಟದ ಪ್ರದರ್ಶನ ನೀಡಿ, ಬೆಂಗಾಲ್ ವಾರಿಯರ್ಸ್ ತಂಡವನ್ನು ಮಣಿಸಿತು. ನಿಗದಿತ ಸಮಯದಲ್ಲಿ ಹರಿಯಾಣ 41-35 ರಿಂದ ಬೆಂಗಾಲ್ ತಂಡವನ್ನು ಸೋಲಿಸಿತು. ಹರಿಯಾಣ ಆಡಿದ 10 ಪಂದ್ಯಗಳಲ್ಲಿ 6 ಜಯ, 4 ಸೋಲು ಕಂಡಿದ್ದು 31 ಅಂಕಗಳೊಂದಿಗೆ ಅರನೇ ಸ್ಥಾನದಲ್ಲಿದೆ. ಬೆಂಗಾಲ್‌ ವಾರಿಯರ್ಸ್‌ ಆಡಿದ 10 ಪಂದ್ಯಗಳಲ್ಲಿ 3 ಜಯ, 5 ಸೋಲು, 2 ಡ್ರಾ ಸಾಧಿಸಿದ್ದು 23 ಅಂಕಗಳೊಂದಿಗೆ 9ನೇ ಸ್ಥಾನದಲ್ಲಿದೆ.

ಹರಿಯಾಣ ಸ್ಟೀಲರ್ಸ್‌ ತಂಡದ ಪರ ಚಂದ್ರನ್ ರಂಜಿತ್ ಹಾಗೂ ಶಿವಂ ಪಿ ತಲಾ ಏಳು ಅಂಕಗಳನ್ನು ಕಲೆ ಹಾಕಿದರು. ಬೆಂಗಾಲ್‌ ಪರ ಶ್ರೀಕಾಂತ್ ಜಾದವ್ 10 ಅಂಕ ಕಲೆ ಹಾಕಿ ಸೋಲಿನಲ್ಲಿ ಮಿಂಚಿದರು.