ಬಾಲ್ಯದ ಗೆಳತಿಯರನ್ನೇ ಜೀವನ ಸಂಗಾತಿಯನ್ನರಾಗಿ ಮಾಡಿಕೊಂಡ 7 ಭಾರತೀಯ ಕ್ರಿಕೆಟಿಗರು

ಪ್ರೀತಿ ಎನ್ನುವುದು ತನ್ನಿಂದ ತಾನೇ ನಡೆಯುವಂಥದ್ದು. ಇದು ಸ್ವಾಭಾವಿಕವಾಗಿ ಒಂದು ಗಂಡು ಮತ್ತು ಹೆಣ್ಣಿನ ನಡುವೆ ಅರಳುವ ಭಾವನೆ. ಸುಮ್ಮನೆ ಈ ಭಾವನೆ ಯೋಚಿಸಿ ಬರಲು ಸಾಧ್ಯವಿಲ್ಲ.

ಪ್ರೀತಿಸುತ್ತಿರುವ ಮನಸ್ಸುಗಳನ್ನು ಮದುವೆಯಾಗುವುದಕ್ಕಿಂತ ಉತ್ತಮವಾದ ಭಾವನೆ ಈ ಜಗತ್ತಿನಲ್ಲಿ ಬೇರೊಂದು ಇಲ್ಲ. ಅನೇಕ ವರ್ಷಗಳಲ್ಲಿ ಪ್ರತಿ ಪ್ರೇಮಕಥೆಯು ಒಂದೇ ರೀತಿಯ ಮಾದರಿಯನ್ನು ಹೊಂದಿರುತ್ತವೆ ಎಂದು ಸಿನಿಮಾಗಳು ತೋರಿಸಿವೆ. ಅಲ್ಲಿ ಒಂದು ಹುಡುಗಿ ಮತ್ತು ಹುಡುಗ ಸ್ನೇಹಿತರಾಗುತ್ತಾರೆ ಮತ್ತು ನಂತರ ಕ್ರಮೇಣ ಸ್ನೇಹ ಪ್ರೀತಿಯಾಗಿ ಬದಲಾಗುತ್ತದೆ.

ಇದೇ ಭಾವನೆ ಹಲವಾರು ಕ್ರಿಕೆಟಿಗರ ಜೀವನದಲ್ಲಿ ಘಟಿಸಿದೆ ಮತ್ತು ತಮ್ಮ ನಿಜವಾದ ಪ್ರೀತಿಯನ್ನು ಕಂಡುಕೊಳ್ಳಲು ಸಹಾಯ ಮಾಡಿದೆ. ಹೌದು, ವೀರೇಂದ್ರ ಸೆಹ್ವಾಗ್‌ರಿಂದ ಹಿಡಿದು ಸುರೇಶ್ ರೈನಾವರೆಗೆ, ಕ್ರಿಕೆಟ್‌ನ ಹಲವು ಲೆಜೆಂಡ್‌ಗಳು ಬಾಲ್ಯದಿಂದಲೂ ತಮ್ಮ ಉತ್ತಮ ಸ್ನೇಹಿತೆಯರನ್ನು ಮದುವೆಯಾಗಿದ್ದಾರೆ. ಅಂತಹ ಕ್ರಿಕೆಟಿಗರ ಪಟ್ಟಿ ಇಲ್ಲದೆ.

1. ಸುರೇಶ್ ರೈನಾ ಮತ್ತು ಪ್ರಿಯಾಂಕಾ ಚೌಧರಿ ರೈನಾ

ಭಾರತ ಕ್ರಿಕೆಟ್ ತಂಡದ ಅತ್ಯುತ್ತಮ ಮಧ್ಯಮ ಕ್ರಮಾಂಕದ ಬ್ಯಾಟರ್‌ಗಳಲ್ಲಿ ಒಬ್ಬರಾದ ಸುರೇಶ್ ರೈನಾ ಕೂಡ ಅಂತಹದೇ ಪ್ರೇಮಕಥೆಯನ್ನು ಹೊಂದಿದ್ದಾರೆ. ಪ್ರಿಯಾಂಕಾ ಚೌಧರಿ ಮತ್ತು ಸುರೇಶ್ ರೈನಾ ಇಬ್ಬರೂ ಬಾಲ್ಯದಿಂದಲೂ ಉತ್ತಮ ಸ್ನೇಹಿತರಾಗಿದ್ದರು.

ಪ್ರಿಯಾಂಕಾ ಚೌಧರಿ ಅವರ ಕುಟುಂಬ ಉತ್ತರಪ್ರದೇಶದಿಂದ ಪಂಜಾಬ್‌ಗೆ ಸ್ಥಳಾಂತರಗೊಂಡಾಗ, ಇಬ್ಬರು ಸಂಪರ್ಕವನ್ನು ಕಳೆದುಕೊಂಡರು. ಆದರೆ ವಿಧಿ ಅವರನ್ನು ಮತ್ತೊಮ್ಮೆ ಒಟ್ಟಿಗೆ ಸೇರಿಸಿತು ಮತ್ತು ಈ ಸಮಯದಲ್ಲಿ ಪ್ರೀತಿ ಅರಳಿತು. ಅವರ ಕುಟುಂಬದವರು ಸೇರಿ ಇಬ್ಬರ ಮದುವೆಗೆ ಅನುಮತಿ ನೀಡಿದರು.

2. ಸೌರವ್ ಗಂಗೂಲಿ ಮತ್ತು ಡೋನಾ ಗಂಗೂಲಿ

ಭಾರತ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರು ತಮ್ಮ ಬಾಲ್ಯದ ಗೆಳತಿ ಡೋನಾ ಅವರನ್ನು ಹುಚ್ಚನಂತೆ ಪ್ರೀತಿಸುತ್ತಿದ್ದರು ಎನ್ನಲಾಗಿದೆ.

ಆದಾಗ್ಯೂ, ಈ ಜೋಡಿ ತಮ್ಮ ಪ್ರೇಮ ಸಂಬಂಧವನ್ನು ತಮ್ಮ ಕುಟುಂಬಗಳಿಂದ ಮರೆಮಾಡಿದ್ದರು. ಅವರ ಕುಟುಂಬಗಳು ಅವರ ಪ್ರೀತಿಗೆ ವಿರುದ್ಧವಾಗಿದ್ದರೂ, ಗಂಗೂಲಿ ಮತ್ತು ಡೋನಾ ಪರಸ್ಪರ ಅಂಟಿಕೊಳ್ಳಲು ನಿರ್ಧರಿಸಿದರು. ಕೊನೆಯಲ್ಲಿ ಅದು ಫಲ ನೀಡಿತು ಮತ್ತು ಇಬ್ಬರೂ ಮದುವೆಯಾದರು.

3. ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್

ಭಾರತದ ಅನುಭವಿ ಕ್ರಿಕೆಟಿಗ ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ರಹಾನೆ ಮುಂಬೈನಲ್ಲಿ ನೆರೆಹೊರೆಯವರು. ಆರಂಭದಲ್ಲಿ ಅವರು ಒಬ್ಬರಿಗೊಬ್ಬರು ಉತ್ತಮ ಸ್ನೇಹಿತರಾಗಿದ್ದರು. ನಂತರ ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರು ಮತ್ತು ಅಂತಿಮವಾಗಿ ತಮ್ಮ ಸಂಬಂಧವನ್ನು ಜೀವಿತಾವಧಿಯ ಬಂಧವಾಗಿ ಪರಿವರ್ತಿಸಿಕೊಂಡರು.

4. ಭುವನೇಶ್ವರ್ ಕುಮಾರ್ ಮತ್ತು ನೂಪುರ್

ಭಾರತ ತಂಡದ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಮತ್ತು ನೂಪುರ್ ಬಾಲ್ಯದಿಂದಲೂ ಸ್ನೇಹಿತರಾಗಿದ್ದರು. ಇಬ್ಬರೂ ಮೀರತ್‌ನ ಒಂದೇ ಕಾಲೋನಿಯಲ್ಲಿ ಬೆಳೆವರಾಗಿದ್ದಾರೆ.

ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರು ಮತ್ತು ಡೇಟಿಂಗ್ ಪ್ರಾರಂಭಿಸಿದರು. ಭುವಿ ಅಂತಾರಾಷ್ಟ್ರೀಯ ಕ್ರಿಕೆಟಿಗನಾಗಿ ತನ್ನನ್ನು ತಾನು ಸ್ಥಾಪಿಸಿಕೊಂಡ ನಂತರ, ಆನಂತರ ನೂಪುರ್‌ಗೆ ತನ್ನ ಪ್ರೀತಿಯನ್ನು ಪ್ರಸ್ತಾಪಿಸಿದನು. ಅವಳು ಅದಕ್ಕೆ ಒಪ್ಪಿಗೆ ಸೂಚಿಸಿ ಮದುವೆಗೆ ನಿರ್ಧರಿಸಿದರು.

5. ಎಂಎಸ್ ಧೋನಿ ಮತ್ತು ಸಾಕ್ಷಿ ಧೋನಿ

ಭಾರತ ತಂಡದ ಯಶಸ್ವಿ ನಾಯಕರಾಗಿದ್ದ ಎಂಎಸ್ ಧೋನಿ ಮತ್ತು ಸಾಕ್ಷಿ ಧೋನಿ ಕೂಡ ಬಾಲ್ಯದ ಸ್ನೇಹಿತರಾಗಿದ್ದರು. ಇಬ್ಬರೂ ಒಂದೇ ಶಾಲೆಯಲ್ಲಿ ಓದಿದರು ಮತ್ತು ರಾಂಚಿಯಲ್ಲಿ ಬೆಳೆದರು. ಆದರೆ, ಸಾಕ್ಷಿಯ ತಂದೆಗೆ ವರ್ಗಾವಣೆಯಾದ ನಂತರ ಆಕೆಯ ಕುಟುಂಬವು ಬೇರೆ ನಗರಕ್ಕೆ ಸ್ಥಳಾಂತರಗೊಂಡಿತು.

ಕೆಲವು ವರ್ಷಗಳ ಕಾಲ ಧೋನಿ ಮತ್ತು ಸಾಕ್ಷಿ ಪರಸ್ಪರ ಸಂಪರ್ಕದಲ್ಲಿರಲಿಲ್ಲ. ಆದರೆ ಅದೃಷ್ಟ ಅವರನ್ನು ಒಟ್ಟಿಗೆ ಸೇರಿಸಿತು. ಎಂಎಸ್ ಧೋನಿ ಕೋಲ್ಕತ್ತಾದ ಹೋಟೆಲ್‌ನಲ್ಲಿ ತಂಗಿದ್ದರು. ಅಲ್ಲಿ ಅವರು ಮತ್ತೊಮ್ಮೆ ಅಲ್ಲಿ ಇಂಟರ್ನ್ ಆಗಿ ಕೆಲಸ ಮಾಡುತ್ತಿದ್ದ ಸಾಕ್ಷಿಯನ್ನು ಭೇಟಿಯಾದರು. ಇಬ್ಬರೂ ತಮ್ಮ ಸಂಖ್ಯೆಯನ್ನು ವಿನಿಮಯ ಮಾಡಿಕೊಂಡರು ಮತ್ತು ಶೀಘ್ರದಲ್ಲೇ ಪರಸ್ಪರ ಪ್ರೀತಿಸುತ್ತಿದ್ದರು.

ನಂತರ, ಎಂಎಸ್ ಧೋನಿ ಮತ್ತು ಸಾಕ್ಷಿ ತಮ್ಮ ಕುಟುಂಬಗಳನ್ನು ಒಪ್ಪಿಸಿ ಮದುವೆಯಾದರು. ಇದೀಗ ಝೀವಾ ಎಂಬ ಮಗಳಿಗೆ ತಂದೆ-ತಾಯಿಗಳಾಗಿದ್ದಾರೆ. ಉಳಿದದ್ದು ಇತಿಹಾಸ.

6. ವರುಣ್ ಆರೋನ್ ಮತ್ತು ರಾಗಿಣಿ

2022ರ ಐಪಿಎಲ್ ಚಾಂಪಿಯನ್ ವರುಣ್ ಆರೋನ್ ಮತ್ತು ಅವರ ಅರ್ಧಾಂಗಿ ರಾಗಿಣಿ ಸಿಂಗ್ ಜಮ್ಶೆಡ್‌ಪುರದಲ್ಲಿ ಶಾಲಾ ಸಹಪಾಠಿಗಳಾಗಿದ್ದರು. ನಂತರ ಸ್ನೇಹಿತರಾದರು ಮತ್ತು ವರ್ಷಗಳು ಕಳೆದಂತೆ ಪ್ರೀತಿಯಲ್ಲಿ ಬಿದ್ದರು. 2016ರಲ್ಲಿ ಅವರು ನ್ಯಾಯಾಲಯದಲ್ಲಿ ಪರಸ್ಪರ ವಿವಾಹವಾದರು.

7. ವೀರೇಂದ್ರ ಸೆಹ್ವಾಗ್ ಮತ್ತು ಆರತಿ

ಭಾರತದ ಮಾಜಿ ಸ್ಫೋಟಕ ಬ್ಯಾಟರ್ ವೀರೇಂದ್ರ ಸೆಹ್ವಾಗ್ ಮತ್ತು ಆರತಿ ಕೂಡ ಬಾಲ್ಯದ ಸ್ನೇಹಿತರಾಗಿದ್ದರು. ನಂತರ 2004ರಲ್ಲಿ ಈ ಜೋಡಿ ಪರಸ್ಪರ ವಿವಾಹವಾದರು. ಈಗ ಅವರಿಗೆ ಇಬ್ಬರು ಗಂಡುಮಕ್ಕಳಿದ್ದಾರೆ.