ರಾಷ್ಟ್ರೀಯ ಜೂನಿಯರ್ ಈಜು ದಾಖಲೆ ಮುರಿದ ನಟ ಮಾಧವನ್ ಪುತ್ರ ವೇದಾಂತ್; ತಂದೆಗೆ ಹೆಮ್ಮೆ

ಆರ್. ಮಾಧವನ್, ಚಿತ್ರೋದ್ಯಮದಲ್ಲಿ ಚಿರಪರಿಚಿತ ಹೆಸರು. ಈಜುಗಾರ ಹುಡುಗ ವೇದಾಂತ್ ಅವರ ಹೆಮ್ಮೆಯ ತಂದೆ. ಮಾಧವನ್ ಮಗ ಕ್ರೀಡಾ ಜಗತ್ತಿನಲ್ಲಿ ಹೆಮ್ಮೆಯಿಂದ ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ಬಹುಭಾಷಾ ನಟ ಆರ್. ಮಾಧವನ್ ಅವರ ಮಗ ವೇದಾಂತ್ ರಾಷ್ಟ್ರೀಯ ಜೂನಿಯರ್ ಈಜು ದಾಖಲೆಯನ್ನು ಮುರಿದಿದ್ದಾರೆ.

ವೇದಾಂತ್ 2022ರಲ್ಲಿ ಕೋಪನ್ ಹ್ಯಾಗನ್ ನಲ್ಲಿ ನಡೆದ ಡ್ಯಾನಿಶ್ ಓಪನ್‌ನ ಸ್ವಿಮ್ಮಿಂಗ್‌ನಲ್ಲಿ ಚಿನ್ನದ ಪದಕವನ್ನು ಗಳಿಸಿದ ಸ್ಪರ್ಧಾತ್ಮಕ ಈಜುಗಾರ.

ಜೂನಿಯರ್ ನ್ಯಾಷನಲ್ ಅಕ್ವಾಟಿಕ್ಸ್‌ನಲ್ಲಿ ತಮ್ಮ ಪುತ್ರ ವೇದಾಂತ್ 1500 ಮೀಟರ್ ಫ್ರೀಸ್ಟೈಲ್ ರಾಷ್ಟ್ರೀಯ ಜೂನಿಯರ್ ದಾಖಲೆಯನ್ನು ಮುರಿದಿರುವುದಕ್ಕೆ ನಟ ಮಾಧವನ್ ಸಂತಸ ವ್ಯಕ್ತಪಡಿಸಿದ್ದಾರೆ.

ವೇದಾಂತ್ ಹಿಂದಿನ ಚಾಂಪಿಯನ್ ಹೋಲ್ಡರ್‌ನ 16 ನಿಮಿಷಗಳ ಸಮಯವನ್ನು ಸೋಲಿಸುವ ಮೂಲಕ ಕೂಟದ ಹೊಸ ದಾಖಲೆಯನ್ನು ಸ್ಥಾಪಿಸಿದರು. ವೀಡಿಯೊ ಜೊತೆಗೆ ಆರ್. ಮಾಧವನ್ ಅವರ ಟ್ವಿಟರ್ ಪೋಸ್ಟ್‌ನ ಶೀರ್ಷಿಕೆ ಹೀಗಿದ್ದು, "ಆಗದು ಎಂದಿಗೂ ಹೇಳಬೇಡಿ. 1500 ಮೀಟರ್ ಫ್ರೀಸ್ಟೈಲ್‌ಗಾಗಿ ರಾಷ್ಟ್ರೀಯ ಜೂನಿಯರ್ ದಾಖಲೆಯನ್ನು ಮುರಿದಿದ್ದಾನೆ".

ನಟ ಮಾಧವನ್ ಹಂಚಿಕೊಂಡಿರುವ ವಿಡಿಯೋದಲ್ಲಿ ವೇದಾಂತ್ ಈಜು ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದು, ಕಾಮೆಂಟರಿ ಹಿನ್ನಲೆಯಲ್ಲಿ ಕೇಳಿಬರುತ್ತಿದೆ. ವೇದಾಂತ್ ಹೊಸ ಸಾಧನೆಯನ್ನು ಸಾಧಿಸಲು ವೇಗವಾಗಿ ವೇಗವನ್ನು ಹೆಚ್ಚಿಸುವುದನ್ನು ತೋರಿಸಲಾಗಿದೆ ಮತ್ತು ಅದು ಎಲ್ಲರನ್ನೂ ಬೆರಗುಗೊಳಿಸುತ್ತದೆ.

ಅಭಿಮಾನಿಗಳು ನಟ ಆರ್. ಮಾಧವನ್‌ಗೆ ಅಭಿನಂದನಾ ಸಂದೇಶಗಳ ಸುರಿಮಳೆಗೈದಿದ್ದು, ಮಗನ ಸಾಧನೆಗೆ ನಟನನ್ನು ಅಭಿನಂದಿಸಿದರು. ತನ್ನ ಮಗ ವೇದಾಂತ್‌ನ ಮೇಲಿನ ತಂದೆಯ ಕೊನೆಯಿಲ್ಲದ ಪ್ರೀತಿ ಮತ್ತು ಅಭಿಮಾನದ ಪುರಾವೆಯನ್ನು ಅವರ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವುದನ್ನು ನೋಡಬಹುದು.

ಭಾರತ ಮತ್ತು ವಿದೇಶಗಳಲ್ಲಿ ಈಜು ಪಂದ್ಯಾವಳಿಗಳಲ್ಲಿ ಹಲವಾರು ಪದಕಗಳನ್ನು ಗೆದ್ದಿರುವ ಈಜುಗಾರ, ಬರೀ ಆರ್. ಮಾಧವನ್ ಅವರ ಮಗನಾಗಲು ಬಯಸುವುದಿಲ್ಲ. ಬದಲಿಗೆ ಈ ಸಾಧನೆಯಿಂದ ವೇದಾಂತ್ ಅವರು ತಮ್ಮನ್ನು ತಾವು ಸ್ಥಾಪಿಸಿಕೊಳ್ಳಲು ಬಯಸುತ್ತಾರೆ ಎಂದು ಮನರಂಜನಾ ಪೋರ್ಟಲ್‌ಗೆ ತಿಳಿಸಿದ್ದಾರೆ.