Asian Games: ಪುರುಷರ 4x400 ರಿಲೇಯಲ್ಲಿ ಭಾರತಕ್ಕೆ ಚಿನ್ನ: ಅವಿನಾಶ್ ಸಾಬ್ಲೆ, ಹರ್ಮಿಲನ್ ಬೈನ್‌ಗೆ ಬೆಳ್ಳಿ ಪದಕ

ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತದ ಅದ್ಭುತ ಪ್ರದರ್ಶನ ಇಂದು ಮುಂದುವರಿದಿದೆ. ಭಾರತೀಯ ಪುರುಷರ 4x400 ಮೀ ರಿಲೇ ತಂಡ 3:01.58 ರ ಅದ್ಭುತ ಸಮಯದೊಂದಿಗೆ ಫೈನಲ್‌ನಲ್ಲಿ ಮೊದಲ ಸ್ಥಾನವನ್ನು ಪಡೆದುಕೊಂಡಿದ್ದು ಈ ಮೂಲಕ ಚಿನ್ನದ ಪದಕವನ್ನು ಗೆದ್ದುಕೊಂಡಿದೆ.

ಮುಹಮ್ಮದ್ ಅನಾಸ್, ಅಮೋಜ್ ಜಾಕೋಬ್, ಅಜ್ಮಲ್ ಮುಹಮ್ಮದ್ ಮತ್ತು ರಾಜೇಶ್ ರಮೇಶ್ ಅವರನ್ನು ಒಳಗೊಂಡ ಭಾರತ ಪುರುಷರ ರಿಲೇ ತಂಡ ಭರ್ಜರಿಯಾಗಿ ಗೆಲುವು ಸಾಧಿಸಿದೆ. ಈ ಮೂಲಕ ಭಾರತದ ಪದಕದ ಸಾಧನೆಯನ್ನು 81ಕ್ಕೆ ಏರಿಸಿದ್ದಾರೆ. ಈ ಮೂಲಕ ಈ ಕ್ರೀಡಾಕೂಟದ 11ನೇ ದಿನ ಭಾರತ ಪದಕ ಪಟ್ಟಿಯಲ್ಲಿ ಈ ಹಿಂದಿನ ದಾಖಲೆಯನ್ನು ಅಳಿಸಿ ಹಾಕಿದ್ದು ಹೊಸ ದಾಖಲೆ ಬರೆದಿದೆ.

ಬುಧವಾರ ಭಾರತ ಪದಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನವನ್ನು ಮತ್ತಷ್ಟು ಭದ್ರಪಡಿಸಿಕೊಂಡಿದೆ. 18 ಚಿನ್ನದ ಪದಕವನ್ನು ಭಾರತ ಗೆದ್ದಿಕೊಂಡಿದ್ದು 31 ಬೆಳ್ಳಿ ಹಾಗೂ 32 ಕಂಚಿನ ಪದಕವನ್ನು ತನ್ನದಾಗಿಸಿಕೊಂಡಿದೆ. ಈ ಮೂಲಕ ಪದಕ ಪಟ್ಟಿಯಲ್ಲಿ ತನ್ನ ಈ ಹಿಂದಿನ ಎಲ್ಲಾ ಸಾಧನೆಯನ್ನು ಭಾರತ ಹಿಂದಿಕ್ಕಿದೆ.

ಬುಧವಾರ ಇಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್‌ನ ಪುರುಷರ 5000 ಮೀ ಓಟದಲ್ಲಿ ಭಾರತದ ದೂರದ ಓಟಗಾರ ಅವಿನಾಶ್ ಸಾಬ್ಲೆ ತಮ್ಮ ಆಕರ್ಷಕ ಪ್ರದರ್ಶನವನ್ನು ಮುಂದುವರೆಸಿದರು. 29 ವರ್ಷದ ಭಾರತೀಯ ಆಟಗಾರ 13:21.09 ಸೆಕೆಂಡ್‌ನಲ್ಲಿ ಗುರಿ ತಲುಪಿ ಎರಡನೇ ಸ್ಥಾನವನ್ನು ಪಡೆದುಕೊಂಡು ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ್ದಾರೆ.

ಬಹ್ರೇನ್‌ನ ಬಿರ್ಹಾನು ಯೆಮಾತಾವ್ ಬಲೆವ್ ಅವರು 13:17:40 ನಿಮಿಷದೊಂದಿಗೆ ಚಿನ್ನವನ್ನು ಗೆದ್ದುಕೊಂಡಿದ್ದು ಬಹ್ರೇನ್‌ನವರೇ ಆದ ದಾವಿತ್ ಫಿಕಾಡು ಅಡ್ಮಾಸು 13:25:63 ನಿಮಿಷದಲ್ಲಿ ಗುರಿ ತಲುಪಿ ಕಂಚಿನ ಪದಕವನ್ನು ಗೆದ್ದುಕೊಂಡಿದ್ದಾರೆ.

ಇನ್ನು ಈ 5000 ಮೀಟರ್ ಓಟದ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕವನ್ನು ಗೆಲ್ಲುವ ಮೂಲಕ ಭಾರತದ ಅವಿನಾಶ್ ಸಾಬ್ಲೆ ಈ ಬಾರಿಯ ಏಷ್ಯನ್ ಗೇಮ್ಸ್‌ನಲ್ಲಿ ಎರಡನೇ ಪದಕವನ್ನು ಗೆದ್ದುಕೊಂಡಂತಾಗಿದೆ. ಇದಕ್ಕೂ ಮುನ್ನ ಅವರು 3000 ಮೀಟರ್ ಸ್ಟೀಪಲ್‌ಚೇಸ್ ಸ್ಪರ್ಧೆಯಲ್ಲಿ ಚಿನ್ನದ ಪದಕವನ್ನು ಗೆದ್ದುಕೊಂಡಿದ್ದರು. ಇನ್ನು ಭಾರತದ ಮತ್ತೋರ್ವ ಸ್ಪರ್ಧಿ ಗುಲ್ವೀರ್ ಸಿಂಗ್ 13:29:93 ನಿಮಿಷದಲ್ಲಿ ಗುರಿ ತಲುಪಿ ವೈಯಕ್ತಿ ದಾಖಲೆಯನ್ನು ಉತ್ತಮಗೊಳಿಸಿದರೂ ಸ್ಪರ್ಧೆಯಲ್ಲಿ ನಾಲ್ಕನೇ ಸ್ಥಾನ ಗಳಿಸಿ ಪದಕದಿಂದ ವಂಚಿತರಾದರು.

ಬುಧವಾರ ಇಲ್ಲಿ ನಡೆದ ಈ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಹರ್ಮಿಲನ್ ಬೇನ್ಸ್ ಅವರು ಮಹಿಳೆಯರ 800 ಮೀಟರ್ ಓಟದಲ್ಲಿ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದರು. ಪಂಜಾಬ್‌ನ 25 ವರ್ಷ ವಯಸ್ಸಿನವರು ಹೆಚ್ಚು ಸ್ಪರ್ಧಾತ್ಮಕ ಓಟದಲ್ಲಿ ಬೆಳ್ಳಿಯನ್ನು ಪಡೆಯಲು 2:03.75 ರ ಆಕರ್ಷಕ ಸಮಯವನ್ನು ಗಳಿಸಿದರು. 2:03.20 ರಲ್ಲಿ ಟೇಪ್ ಸ್ಪರ್ಶಿಸಿದ ಶ್ರೀಲಂಕಾದ ತರುಷಿ ದಿಸ್ಸಾನಾಯಕಾ ಚಿನ್ನ ಪಡೆದರು.

ಕಂಚಿನ ಪದಕವನ್ನು ಚೀನಾದ ಚುನ್ಯು ವಾಂಗ್ ಪಡೆದರು, ಅವರು 2.03:90 ಟೈಮಿಂಗ್‌ನಲ್ಲಿ ಮುಗಿಸಿದರು. ಬೇನ್ಸ್ ಈ ಹಿಂದೆ ಕ್ರೀಡಾಕೂಟದ ಈ ಆವೃತ್ತಿಯಲ್ಲಿ ಮಹಿಳೆಯರ 1500 ಮೀಟರ್ ಓಟದಲ್ಲಿ ಬೆಳ್ಳಿ ಗೆದ್ದಿದ್ದರು. 800 ಮೀ ಓಟದಲ್ಲಿ ಭಾರತದ ಮತ್ತೊಬ್ಬ ಓಟಗಾರ, ಚಂದಾ 2:05.69 ಸಮಯದೊಂದಿಗೆ ಏಳನೇ ಸ್ಥಾನ ಪಡೆದರು.

ಇನ್ನು ಮತ್ತೊಂದೆಡೆ ಮಹಿಳೆಯರ 800 ಮೀಟರ್ ಓಟದ ಸ್ಪರ್ಧೆಯಲ್ಲಿ ಭಾರತದ ಹರ್ಮಿಲನ್ ಬೇನ್ಸ್ ಅವರು ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ. ಪಂಜಾಬ್‌ನ 25 ವರ್ಷದ ಯುವ ಸ್ಪರ್ಧಿ ಪೈಪೋಟಿಯ ಸೆಣೆಸಾಟದಲ್ಲಿ 2:03.75 ನಿಮಿಷದಲ್ಲಿ ಗುರಿ ತಲುಪಿದ್ದು ಬೆಳ್ಳಿ ಪದಕವನ್ನು ಗೆದ್ದುಕೊಂಡಿದ್ದಾರೆ. 2:03.20 ನಿಮಿಷದಲ್ಲಿ ಗುರಿ ತಲುಪಿದ ಶ್ರೀಲಂಕಾದ ತರುಷಿ ದಿಸ್ಸಾನಾಯಕಾ ಚಿನ್ನದ ಪದಕವನ್ನು ಈ ಸ್ಪರ್ಧೆಯಲ್ಲಿ ಗೆದ್ದುಕೊಂಡರು.