ರಗ್ಬಿ ಆಟಗಾರ್ತಿ ಮದ್ವೆಗೆ ಗೆಳತಿಯ ಚುಂಬನ ಮುದ್ರೆ

ರಿಯೋ ಡಿ ಜನೈರೋ, ಆಗಸ್ಟ್ 10 : ರಿಯೋ ಒಲಿಂಪಿಕ್ಸ್​ ಗೇಮ್ಸ್ ಒಂದು ವಿಶಿಷ್ಟ ಹಾಗೂ ಪ್ರಥಮ ಬಾರಿಗೆ ಒಂದು ಮದುವೆ ಪ್ರಪೋಸ್, ಕಿಸ್ ಗೆ ಸಾಕ್ಷಿಯಾಗಿದೆ. ಬ್ರೆಜಿಲ್ ನ ರಗ್ಬಿ ಆಟಗಾರ್ತಿಗೆ ಆಕೆಯ ಗೆಳತಿಯಿಂದ ಬಂದ ಮದುವೆ ಆಹ್ವಾನಕ್ಕೆ ಸಿಹಿ ಚುಂಬನದ ಒಪ್ಪಿಗೆ ಮುದ್ರೆ ಸಿಕ್ಕಿದೆ.

ರಿಯೋ ಒಲಿಂಪಿಕ್ಸ್ 2016 : ಗ್ಯಾಲರಿ || ವಿಶೇಷ ಪುಟ

ಬ್ರೆಜಿಲ್​ನ ರಗ್ಬಿ ಸೆವೆನ್ ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಆಸ್ಟ್ರೇಲಿಯಾ ತಂಡ ಸೋಲಿಸಿ ಚಿನ್ನದ ಪದಕ ಗೆದ್ದ ಬಳಿಕ ಮೈದಾನದಲ್ಲಿ ಇಂಥದ್ದೊಂದು ಘಟನೆ ನಡೆದಿದೆ.

ಇಬ್ಬರು ಮಹಿಳೆಯರ ಮದುವೆ ಪ್ರೊಪೊಸಲ್ ಪ್ರಸಂಗಕ್ಕೆ ಸಹ ಆಟಗಾರರು ಸಾಕ್ಷಿಯಾಗಿ, ಚಪ್ಪಾಳೆ ತಟ್ಟಿ ಶುಭಹಾರೈಸಿದ್ದಾರೆ.[ರಿಯೋ ಒಲಿಂಪಿಕ್ಸ್ 2016 : ಪತ್ರಕರ್ತರಿದ್ದ ಬಸ್ಸಿನ ಮೇಲೆ ದಾಳಿ]

ಬ್ರೆಜಿಲ್ ​ನ ಆಟಗಾರ್ತಿ ಇಸಾದೊರ ಸೆರೆಲ್ಲೊ (25) ಮುಂದೆ ಮದುವೆ ಪ್ರಸ್ತಾಪ ಇಟ್ಟಿದ್ದು ಆಕೆಯ ಗೆಳತಿ ಹಾಗೂ ರಗ್ಬಿ ಫೈನಲ್ಸ್ ನಡೆದ ದಿಯೊದೊರಾ ಕ್ರೀಡಾಂಗಣದ ಮ್ಯಾನೆಜರ್ ಮಾರ್ಜೊರಿ ಎನ್ಯಾ(28) .

ಸೆರೆಲ್ಲೋ ಬೆರಳಿಗೆ ಉಂಗುರದಂತೆ ಹಳದಿ ಬಣ್ಣದ ರಿಬ್ಬನ್ ಕಟ್ಟುವ ಮೂಲಕ ಎನ್ಯಾ ಮದುವೆ ಬಗ್ಗೆ ಕೇಳಿದ್ದಾರೆ.

ಬ್ರೆಜಿಲ್ ಮೂಲದವರಾದರೂ ಸೆರೆಲ್ಲೋ ಓದಿದ್ದು ಬೆಳೆದಿದ್ದು ಉತ್ತರ ಕರೋಲಿನಾ ಹಗೂ ಕೊಲಂಬಿಯಾ ವಿಶ್ವವಿದ್ಯಾಲಯದಲ್ಲಿ, ಓದಿನ ನಡುವೆ ರಿಯೋದಲ್ಲಿ ಪಾಲ್ಗೊಳ್ಳಲು ಆಗಮಿಸಿದ್ದಾರೆ.[ಹಾಕಿ: ಅರ್ಜೆಂಟೀನಾ ವಿರುದ್ಧ ಭಾರತಕ್ಕೆ ಜಯ]

ಗೆಳತಿ ಎನ್ಯಾಳ ಮನವಿ ಒಪ್ಪಿದ ಸೆರೆಲ್ಲೋ ಕ್ರೀಡಾಂಗಣದಲ್ಲೆ ಆಕೆಯನ್ನು ಅಪ್ಪಿಕೊಂಡು ಚುಂಬಿಸುವ ಮೂಲಕ ಮದುವೆಗೆ ಒಪ್ಪಿಗೆ ಮುದ್ರೆ ಹಾಕಿದ್ದಾರೆ. ನಾವಿಬ್ಬರು ಎರಡು ವರ್ಷದಿಂದ ಪರಸ್ಪರ ಪ್ರೀತಿಸುತ್ತಿದ್ದೇವೆ, ಸರಿಯಾದ ಸಮಯಕ್ಕೆ ಕಾಯುತ್ತಿದ್ದೆ ಎಂದು ಎನ್ಯಾ ಭಾವುಕರಾಗಿ ಹೇಳಿದರು.

ರಿಯೋದಲ್ಲಿ ಸಲಿಂಗಿ, ತೃತಿಯಲಿಂಗಿ ಅಥ್ಲಿಟ್​ಗಳ ಸಮೇತ ಮೂವರು ಕೋಚ್​ಗಳು ಸದ್ಯ ಒಲಿಂಪಿಕ್ಸ್​ನಲ್ಲಿ ಭಾಗವಹಿಸಿರುವುದು ವಿಶೇಷ.