ಪಬ್ ಜಿ ಮೊಬೈಲ್ ಸರಣಿ ರಿಟರ್ನ್ಸ್, 50 ಲಕ್ಷ ಬಹುಮಾನ

ಪ್ರತಿ ತಂಡಗಳು ತಲಾ 2 ಪಂದ್ಯಗಳನ್ನು ಆಡಲಿವೆ

ಪ್ರತಿ ತಂಡಗಳು ತಲಾ 2 ಪಂದ್ಯಗಳನ್ನು ಆಡಲಿದ್ದು, ಲೀಡರ್ ಬೋರ್ಡ್ ಪಡೆಯಲು ಸೆಣಸಲಿವೆ. ಈ ಮೂಲಕ ಟಾಪ್ 3 ಸ್ಲಾಟ್ ಗಳನ್ನು ಹೊಂದುವ ಗುಂಪುಗಳು ಕ್ವಾರ್ಟರ್ ಫೈನಲ್ ಗೆ ಅರ್ಹತೆ ಹೊಂದಲಿವೆ. ಕ್ವಾರ್ಟರ್ ಫೈನಲ್ ಗಳಲ್ಲಿ ಒಟ್ಟು 64 ತಂಡಗಳಿದ್ದು, ಆನ್ ಲೈನ್ ಅರ್ಹತೆಯಲ್ಲಿ ಸ್ಪರ್ಧಿಸಲಿವೆ. ಈ ಪೈಕಿ ಟಾಪ್ 48 ತಂಡಗಳು ಕ್ವಾರ್ಟರ್ ಫೈನಲ್ಸ್ ಗೆ ಪ್ರವೇಶ ಪಡೆಯಲಿವೆ.

ಅತಿ ದೊಡ್ಡ ಗೇಮ್, ನೋಂದಣಿ ಹೇಗೆ

ಈ ಕ್ವಾರ್ಟರ್ ಫೈನಲ್ ನಲ್ಲೂ ಸಹ 8 ಆಹ್ವಾನಿತ ತಂಡಗಳಿರುತ್ತವೆ. ಈ ತಂಡಗಳನ್ನು ಟಾಪ್ ಕಿಲ್ಸ್ ಆಧಾರದ ಮೇಲೆ ಆಯ್ಕೆ ಮಾಡಲಾಗುತ್ತದೆ. ಈ ತಂಡಗಳು ಸೆಮಿಫೈನಲ್ ತಲುಪಲು 4 ದಿನಗಳ ಕಾಲ ಲೀಡರ್ ಬೋರ್ಡ್ ನಲ್ಲಿನ ಟಾಪ್ 32 ಸ್ಲಾಟ್ ಗಳನ್ನು ಪಡೆಯಲು ಸೆಣಸಲಿವೆ. ಕ್ವಾರ್ಟರ್ ಫೈನಲ್ ನ ಟಾಪ್ 32 ತಂಡಗಳು ಕ್ವಾರ್ಟರ್ ಫೈನಲ್ಸ್ ನಲ್ಲಿ ಸ್ಪರ್ಧಿಸಲಿವೆ.
ನೋಂದಣಿ ಹೇಗೆ?:
PUBGಮೊಬೈಲ್ ವೆಬ್ ತಾಣಕ್ಕೆ ಭೇಟಿ ನೀಡಿ 2020 ಮೊಬೈಲ್ ಸರಣಿಗೆ ನೋಂದಣಿ ಕ್ಲಿಕ್ ಮಾಡಿ
ತಂಡದ ಹೆಸರು ನಮೂದಿಸಿ, ಮೊಬೈಲ್ ನಂಬರ್ ಹಾಗೂ ಲೋಗೋ ಹಾಕಿ
ತಂಡದ ನಾಯಕ ಹಾಗೂ ತಂಡದ ಸದಸ್ಯರ ಹೆಸರು ತಿಳಿಸಿ
ನೋಂದಣಿ ಸಲ್ಲಿಸಿ, ಅರ್ಜಿ ಪೂರ್ತಿಗೊಳಿಸಿ

ಟಾಪ್ 16 ತಂಡಗಳು ಫೈನಲ್ಸ್ ನಲ್ಲಿ ಆಡಲಿವೆ

ಹಳೆಯ ತಂಡಗಳು ಮತ್ತು ಹೊಸ ಪ್ರತಿಭಾನ್ವಿತ ಯುವ ತಂಡಗಳ ಸಮ್ಮಿಳಿತದೊಂದಿಗೆ ಈ ಬಾರಿ ಆರೋಗ್ಯಕರವಾದ ಸ್ಪರ್ಧೆ ಏರ್ಪಡಲಿದೆ. ಸೆಮಿಫೈನಲ್ಸ್ ನಲ್ಲಿ ಹಳೆಯ ಮತ್ತು ಹೊಸ ತಂಡಗಳು ಇರಲಿದ್ದು ರಾಷ್ಟ್ರೀಯ ಮನ್ನಣೆಗಾಗಿ ಸ್ಪರ್ಧಿಸಲಿವೆ. ತಂಡಗಳು ಟಾಪ್ 16 ಸ್ಲಾಟ್ ಗಳಲ್ಲಿ ಸೆಣಸಾಟ ನಡೆಸಲಿದ್ದು, ಈ ಟಾಪ್ 16 ತಂಡಗಳು ಅದ್ಧೂರಿ ಫೈನಲ್ಸ್ ನಲ್ಲಿ ತಮ್ಮ ಪ್ರತಿಭೆಯನ್ನು ಅನಾವರಣಗೊಳಿಸಲಿವೆ.

ಇದರಲ್ಲಿ ವಿಜಯಶಾಲಿಯಾಗಲಿರುವ ತಂಡಗಳಿಗೆ ಒಟ್ಟು ಬರೋಬ್ಬರಿ 50 ಲಕ್ಷ ರೂಪಾಯಿಗಳ ಬಹುಮಾನ ದೊರೆಯಲಿದೆ. 3 ದಿನಗಳ ಕಾಲ 18 ಪಂದ್ಯಗಳನ್ನು ಆಡಲಿರುವ ಈ ತಂಡಗಳ ಪೈಕಿ ವಿಜೇತರಾಗುವ ತಂಡಕ್ಕೆ ಚಾಂಪಿಯನ್ ಪಟ್ಟ ಕಟ್ಟಲಾಗುತ್ತದೆ.

ಟೆನ್ಸೆಂಟ್ ಗೇಮ್ಸ್ ಇಂಡಿಯಾದ ಅರವಿಂದ್

ಈ ಎರಡನೇ ಆವೃತ್ತಿಯ ಇಂಡಿಯಾ ಸರಣಿಗಳ ಬಗ್ಗೆ ಮಾತನಾಡಿದ ಟೆನ್ಸೆಂಟ್ ಗೇಮ್ಸ್ ಇಂಡಿಯಾದ ಪ್ರಧಾನ ವ್ಯವಸ್ಥಾಪಕರಾದ ಅನೀಶ್ ಅರವಿಂದ ಅವರು, "ಪಬ್ ಜಿ ಮೊಬೈಲ್ ಗೆ ಭಾರತದ ಜನತೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹೊಸ ಮತ್ತು ಅತ್ಯುತ್ತಮ ಮಾರ್ಗದಲ್ಲಿ ನಮ್ಮ ಆಟಗಾರರಿಗೆ ಸವಾಲು ಮತ್ತು ಮನೋರಂಜನೆಯನ್ನು ನೀಡಲು ನಮಗೆ ಪ್ರೇರಣೆಯಾಗಿದೆ. ನಾವು ಕಳೆದ ವರ್ಷ ಮೊದಲ ಬಾರಿಗೆ ಭಾರತದಲ್ಲಿ ಎಲ್ಲರಿಗೂ ಮುಕ್ತವಾದ ಇ-ಸ್ಪೋರ್ಟ್ಸ್ ಟೂರ್ನಮೆಂಟ್ ಗಳನ್ನು ಆರಂಭಿಸಿದ್ದೆವು.

ಕಳೆದ ವರ್ಷ 5,75,000 ಮಂದಿ ಸ್ಪರ್ಧೆ

ಕಳೆದ ವರ್ಷದ ಈ ಪಬ್ ಜಿ ಮೊಬೈಲ್ ಇಂಡಿಯಾ ಸೀರೀಸ್ ನಲ್ಲಿ 5,75,000 ಮಂದಿ ಸ್ಪರ್ಧೆ ನಡೆಸಿದ್ದರು. ಇದು ಹಲವಾರು ಪ್ರತಿಭಾನ್ವಿತ ಆಟಗಾರರಿಗೆ ಅಡಿಪಾಯವಾಗಿತ್ತು. ಇ-ಸ್ಪೋರ್ಟ್ಸ್ ಇಕೋಸಿಸ್ಟಂ ಮತ್ತು ಪಬ್ ಜಿ ಮೊಬೈಲ್ ಆಟಗಾರರು ಕಳೆದ ಒಂದು ವರ್ಷದಲ್ಲಿ ಬಹುದೂರ ಸಾಗಿ ಬಂದಿದ್ದಾರೆ. ಈ ಹಿನ್ನೆಲೆಯಲ್ಲಿ ನಾವು ಅವರಿಗೆ ವೇಗ ತುಂಬಿ ಅವರ ಬೆಳವಣಿಗೆಯನ್ನು ಇನ್ನೂ ಹೆಚ್ಚು ಮಾಡಲು ಬಯಸಿದ್ದೇವೆ. ನಮ್ಮ ಪಿಎಂಐಎಸ್ 2020 ಆಟಗಾರರಿಗೆ ಮತ್ತು ತಂಡಗಳಿಗೆ ಪ್ರೇರಣೆಯನ್ನು ನೀಡಲಿದೆ" ಎಂದು ತಿಳಿಸಿದರು.

ಈ ಟೂರ್ನಮೆಂಟ್ ವಿನೂತನವಾಗಿದೆ

ಈ ಟೂರ್ನಮೆಂಟ್ ವಿನೂತನವಾಗಿದೆ. ಎಲ್ಲಾ ಪಬ್ ಜಿ ಮೊಬೈಲ್ ಆಟಗಾರರಿಗೆ ಉತ್ತಮ ವೇದಿಕೆಯನ್ನು ಒದಗಿಸುತ್ತದೆ. ಆಟಗಾರರು ಎಷ್ಟು ನೋಂದಣಿಗಳನ್ನಾದರೂ ಮಾಡಿಕೊಳ್ಳಬಹುದು. ಆದರೆ, ಈ ನೋಂದಣಿಗಳನ್ನು ಆನ್ ಲೈನ್-ಕಟ್ ಆಫ್ ಆಧಾರದಲ್ಲಿ ಆಯ್ಕೆ ಮಾಡಲಾಗುತ್ತದೆ. ಈ ಸ್ಪರ್ಧೆಯಲ್ಲಿ ಮೊದಲ ಸ್ಥಾನ ಪಡೆಯುವ ತಂಡಕ್ಕೆ 20,00,000 ರೂಪಾಯಿ, ಎರಡನೇ ಬಹುಮಾನ ಪಡೆಯುವ ತಂಡಕ್ಕೆ 5,00,000 ರೂಪಾಯಿ ಹಾಗೂ ಮೂರನೇ ತಂಡಕ್ಕೆ 3,00,000 ರೂಪಾಯಿ ನಗದು ಬಹುಮಾನ ದೊರೆಯಲಿದೆ. ಇದಲ್ಲದೇ, ಮೊದಲ 16 ಸ್ಥಾನಗಳನ್ನು ಗಳಿಸುವ ಎಲ್ಲಾ ತಂಡಗಳಿಗೂ ನಗದು ಬಹುಮಾನ ಸಿಗಲಿದೆ. ಆಟದ ಮಾದರಿಯ ವಿವರಣೆಗಳನ್ನು ವಿಡಿಯೋದಲ್ಲಿ ಪಡೆಯಬಹುದಾಗಿದೆ.