ಶಾಟ್ ಫುಟ್ ಆಟಗಾರ್ತಿ ಮನ್ ಪ್ರೀತ್ ವಿರುದ್ಧ ತಾತ್ಕಾಲಿಕ ನಿಷೇಧ

ನಿಷೇಧಿತ ವಸ್ತು ಸೇವನೆ ಖಾತ್ರಿ

ಅವರ ರಕ್ತ 'ಎ' ಹಾಗೂ 'ಬಿ' ಸ್ಯಾಂಪಲ್ ಗಳನ್ನು ಪಡೆಯಲಾಗಿದೆ. ಇವುಗಳಲ್ಲಿ ಎ ಸ್ಯಾಂಪಲ್ ನಲ್ಲಿ ಅವರು ಉದ್ದೀಪನಾ ಮದ್ದು ಸೇವಿಸಿರುವುದು ಖಾತ್ರಿಯಾಗಿದೆಯಷ್ಟೆ.

ಬಿ ಸ್ಯಾಂಪಲ್ ನಲ್ಲಿ ಸಾಬೀತಾದರೆ ಶಿಕ್ಷೆ ಖಾತ್ರಿ

ಬಿ ಸ್ಯಾಂಪಲ್ ನಲ್ಲಿ ಪಡೆಯಲಾಗಿರುವ ಮೂತ್ರ ಪರೀಕ್ಷೆಯಲ್ಲೂ ಅವರು ಉದ್ದೀಪನಾ ಮದ್ದು ಸೇವನೆ ದೃಢಪಟ್ಟರೆ, ಅವರ ಮೇಲಿನ ನಿಷೇಧದ ಅವಧಿಯನ್ನು ನಿಗದಿಗೊಳಿಸಲಾಗುತ್ತದೆ.

ಚೀನಾ ಕ್ರೀಡಾಕೂಟದಲ್ಲೂ ಉದ್ದೀಪನಾ ಮದ್ದು ಸೇವನೆ ಸಾಬೀತು

ಇದೇ ವರ್ಷ ಏಪ್ರಿಲ್ ನಲ್ಲಿ ಚೀನಾದ ಜಿನ್ ಹುವಾದಲ್ಲಿ ನಡೆದಿದ್ದ ಏಷ್ಯನ್ ಗ್ರಾಂಡ್ ಪ್ರಿಕ್ಸ್ ಕ್ರೀಡಾಕೂಟದ ವೇಳೆಯಲ್ಲೂ ಅವರಿಂದ ಎ ಸ್ಯಾಂಪಲ್ ರಕ್ತ ಹಾಗೂ ಮೂತ್ರವನ್ನು ಪರೀಕ್ಷೆಗಾಗಿ ಪಡೆಯಲಾಗಿತ್ತು. ಅದರಲ್ಲೂ ಅವರು ಉದ್ದೀಪನಾ ಮದ್ದು ಸೇವಿಸಿರುವುದು ದೃಢಪಟ್ಟಿದೆ. ಹಾಗಾಗಿ, ಆ ಕ್ರೀಡಾಕೂಟದಲ್ಲಿ ಅವರು ಗಳಿಸಿದ್ದ ಚಿನ್ನದ ಪದಕವನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗುವುದು ಎಂದು ಐಎಎಫ್ ಹೇಳಿದೆ.

ಲಂಡನ್ ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳುವುದು ಅನುಮಾನ

ಅವರ ಮೇಲೆ ಈಗ ತಾತ್ಕಾಲಿಕ ನಿಷೇಧ ಹೇರಿರುವುದರಿಂದಾಗಿ, ಇದೇ ವರ್ಷ ಆಗಸ್ಟ್ 5ರಿಂದ 13ರವರೆಗೆ ಲಂಡನ್ ನಲ್ಲಿ ನಡೆಯಲಿರುವ ಐಎಎಎಫ್ ವಿಶ್ವ ಚಾಂಪಿಯನ್ ಶಿಪ್ ನಲ್ಲಿ ಪಾಲ್ಗೊಳ್ಳುವುದು ಅನುಮಾನವಾಗಿದೆ.