ಶುದ್ಧ ಸಸ್ಯಾಹಾರಿ ವಿರಾಟ್ ಕೊಹ್ಲಿ 'ಚಿಕನ್ ಟಿಕ್ಕಾ' ತಿಂದ್ರಾ?; ಅಭಿಮಾನಿಗಳನ್ನು ದಂಗುಬಡಿಸಿದ ಪೋಸ್ಟ್... ಟ್ವಿಸ್ಟ್ ಇಲ್ಲಿದೆ!

ಭಾರತ ಕ್ರಿಕೆಟ್ ತಂಡದ ಸೂಪರ್‌ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಕೆಲವು ವರ್ಷಗಳಿಂದ ಶುದ್ಧ ಸಸ್ಯಾಹಾರಿಯಾಗಿ ಬದಲಾಗಿದ್ದಾರೆ. ಒಂದು ಕಾಲದಲ್ಲಿ ಬಟರ್ ಚಿಕನ್ ಅನ್ನು ಹೆಚ್ಚು ಪ್ರೀತಿಸುತ್ತಿದ್ದ ಕೊಹ್ಲಿ, ತನ್ನ ಫಿಟ್ನೆಸ್ ಮತ್ತು ಪ್ರೋಟೀನ್ ಅಗತ್ಯಗಳಿಗಾಗಿ ಸಸ್ಯಾಹಾರಿ ಆಹಾರದ ಕಡೆಗೆ ತಿರುಗಿದ್ದು ಅನೇಕರಿಗೆ ದಿಗ್ಭ್ರಮೆ ಉಂಟಾಗಿತ್ತು.

ಆದರೆ, ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರು ಇದಕ್ಕೆ ಕಾರಣಗಳನ್ನು ಹೊಂದಿದ್ದರು. ಮಾಂಸಾಹಾರಿ ಆಹಾರವನ್ನು ತ್ಯಜಿಸುವುದು ಹೇಗೆ ತನ್ನ ಫಿಟ್‌ನೆಸ್ ಅನ್ನು ಹೊಸ ಮಟ್ಟಕ್ಕೆ ಕೊಂಡೊಯ್ಯಲು ಸಹಾಯ ಮಾಡಿತು ಎಂಬುದನ್ನು ಸ್ವತಃ ವಿವರಿಸಿದರು.

ಆದರೆ, ವಿರಾಟ್ ಕೊಹ್ಲಿ ತನ್ನ ಇನ್‌ಸ್ಟಾಗ್ರಾಮ್‌ನ ಸ್ಟೋರಿಯಲ್ಲಿ 'ಮಾಕ್ ಚಿಕನ್ ಟಿಕ್ಕಾ' ಎಂದು ಹೇಳಿದಾಗ, ಅವರ ಲಕ್ಷಾಂತರ ಅಭಿಮಾನಿಗಳು ತಲೆ ಕೆರೆದುಕೊಂಡಿದ್ದಾರೆ. ಆದಾಗ್ಯೂ, ಕೆಲವು ಅಭಿಮಾನಿಗಳು ಅರ್ಥಮಾಡಿಕೊಳ್ಳಲು ವಿಫಲವಾದ ಸ್ಟೋರಿಗೆ ಮತ್ತೊಂದು ಕಥೆಯ ಭಾಗವಿದೆ.

ಕೆಲವು ವರ್ಷಗಳ ಹಿಂದೆ ಬೆನ್ನೆಲುಬಿನ ಸಮಸ್ಯೆಯಿಂದಾಗಿ ತಾನು ಮಾಂಸಾಹಾರಯನ್ನು ತ್ಯಜಿಸಿದ್ದೇನೆ ಎಂದು ವಿರಾಟ್ ಕೊಹ್ಲಿ ಬಹಿರಂಗಪಡಿಸಿದ್ದರು. ಆತನ ದೇಹವು ಹೆಚ್ಚು ಯೂರಿಕ್ ಆಮ್ಲವನ್ನು ಸೃಷ್ಟಿಸುತ್ತಿರುವುದರಿಂದ, ತನ್ನ ಆಹಾರದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಬೇಕಾಗಿತ್ತು. ಮಾಂಸಾಹಾರದಿಂದ ಸಸ್ಯಾಹಾರಕ್ಕೆ ಬದಲಾಗಿದ್ದು ದೊಡ್ಡದಾಗಿತ್ತು.

ವಿರಾಟ್ ಕೊಹ್ಲಿ ಹಂಚಿಕೊಂಡಿರುವ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ, 'ಮಾಕ್ ಚಿಕನ್ ಟಿಕ್ಕಾ' ತಿನ್ನುತ್ತಿದ್ದಾರೆ. ಆದರೆ ಅದು ಪ್ರಾಣಿ ಆಧಾರಿತ ಟಿಕ್ಕಾ ಅಲ್ಲ, ಸಸ್ಯ ಆಧಾರಿತವಾಗಿದ್ದಾಗಿದೆ. ಹೀಗಾಗಿ, ಇದು ಸಸ್ಯಾಹಾರಿ ಭಕ್ಷ್ಯವಾಗಿದೆ.

ಏನಿದು 'ಮಾಕ್ ಚಿಕನ್ ಟಿಕ್ಕಾ'?

ಸಾಮಾನ್ಯವಾಗಿ, ಮಾಕ್ ಚಿಕನ್ ಟಿಕ್ಕಾ ಕೋಳಿಯಿಂದ ಮಾಡಲ್ಪಟ್ಟ ಚಿಕನ್ ಟಿಕ್ಕಾದಂತೆ ಕಂಡರೂ, ಅದಕ್ಕಿಂತ ಭಿನ್ನವಾಗಿರುತ್ತದೆ. ಕೋಳಿ ಬದಲಾಗಿ ಸೋಯಾವನ್ನು ಬಳಸಲಾಗುತ್ತದೆ. ಕೆಲವು ವರ್ಷಗಳಲ್ಲಿ ಕೋಳಿ ಮತ್ತು ಮಾಂಸದ ಪದಾರ್ಥಗಳಂತೆ ಅನೇಕ ಸಸ್ಯಾಹಾರಿ ಭಕ್ಷ್ಯಗಳು ಬಂದಿವೆ. ಅವುಗಳನ್ನು ಹೆಚ್ಚಾಗಿ ಸೋಯಾದಿಂದ ತಯಾರಿಸಲಾಗುತ್ತದೆ.

ಸೋಯಾದಿಂದ ಮಾಡಿದ ಆಹಾರ ಪದಾರ್ಥದ ಸುವಾಸನೆ ಮತ್ತು ಟೆಕ್ಶ್ಚರ್‌ಗಳು ಸಾಮಾನ್ಯವಾಗಿ ಎರಡರ ನಡುವೆ ವ್ಯತ್ಯಾಸವನ್ನು ಕಂಡುಹಿಡಿಯಲು ಜನರಿಗೆ ಕಷ್ಟಕರವಾಗಿಸುತ್ತದೆ. ಆದರೆ, ಚಿಕನ್ ಐಟಂಗಳ "ಮಾಕ್' ಆವೃತ್ತಿಯು ಸಂಪೂರ್ಣವಾಗಿ ಸೋಯಾವನ್ನು ಆಧರಿಸಿದೆ.