Paris Olympics 2024: 3ನೇ ದಿನದಂದು ಭಾರತದ ಸ್ಪರ್ಧೆಗಳ ವೇಳಾಪಟ್ಟಿ; ಪದಕಗಳ ಮೇಲೆ ಶೂಟರ್‌ಗಳ ಕಣ್ಣು

ಭಾನುವಾರ, ಜುಲೈ 28ರಂದು 2024ರ ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ನಡೆದ ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ಕಂಚಿನ ಪದಕ ಗೆದ್ದ ನಂತರ, ಭಾರತದ ಮನು ಭಾಕರ್ ಸೋಮವಾರ, ಜುಲೈ 29ರಂದು ಮತ್ತೆ ಆಟಕ್ಕೆ ಬರಲಿದ್ದಾರೆ.

ಕ್ರೀಡಾಕೂಟದ 3ನೇ ದಿನದಂದು, ಯುವ ಆಟಗಾರ ಸರಬ್ಜೋತ್ ಸಿಂಗ್ ಅವರೊಂದಿಗೆ ಮನು ಭಾಕರ್ 10 ಮೀಟರ್ ಏರ್ ಪಿಸ್ತೂಲ್ ಮಿಶ್ರ ತಂಡ ಈವೆಂಟ್‌ನ ಅರ್ಹತಾ ಸುತ್ತಿಗೆ ಸೇರಲಿದ್ದಾರೆ. ಅದೇ ಸ್ಪರ್ಧೆಯಲ್ಲಿ ರಿದಮ್ ಸಾಂಗ್ವಾನ್ ಮತ್ತು ಅರ್ಜುನ್ ಸಿಂಗ್ ಭಾರತದ ಮತ್ತೊಂದು ಜೋಡಿಯಾಗಿದೆ.

ಪೃಥ್ವಿರಾಜ್ ತೊಂಡೈಮಾನ್ ಟ್ರ್ಯಾಪ್ ಪುರುಷರ ಅರ್ಹತಾ ಸುತ್ತಿನಲ್ಲಿ ಮತ್ತು ರಮಿತಾ ಜಿಂದಾಲ್ 10 ಮೀಟರ್ ಏರ್ ರೈಫಲ್ ಮಹಿಳೆಯರ ಫೈನಲ್‌ ಸ್ಪರ್ಧೆಯಲ್ಲಿ ಭಾಗವಹಿಸಲಿದ್ದಾರೆ.

ಅರ್ಜುನ್ ಬಾಬುತಾ ಅವರು 10 ಮೀಟರ್ ಏರ್ ರೈಫಲ್ ಪುರುಷರ ಫೈನಲ್‌ನಲ್ಲಿ ಭಾಗವಹಿಸುವ ಮೂಲಕ ಭಾರತಕ್ಕೆ ಎರಡನೇ ಪದಕವನ್ನು ಗೆಲ್ಲುವ ನಿರೀಕ್ಷೆಯಲ್ಲಿದ್ದಾರೆ.

ಬ್ಯಾಡ್ಮಿಂಟನ್‌ನಲ್ಲಿ ಕೆವಿನ್ ಕಾರ್ಡನ್ ಗಾಯದ ಕಾರಣದಿಂದ ಹಿಂದೆ ಸರಿದ ನಂತರ, ಮೊದಲ ಗೆಲುವು ಪಡೆದ ಸ್ಟಾರ್ ಷಟ್ಲರ್ ಲಕ್ಷ್ಯ ಸೇನ್ ಅವರು ಜೂಲಿಯನ್ ಕರಾಗ್ಗಿ ಅವರನ್ನು ಎದುರಿಸಲಿದ್ದಾರೆ.

ಬ್ಯಾಡ್ಮಿಂಟನ್‌ನ ಪುರುಷರ ಡಬಲ್ಸ್‌ನಲ್ಲಿ ಸಾತ್ವಿಕ್‌ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಜೋಡಿ ಆಡಬೇಕಿತ್ತು. ಆದರೆ, ಅವರ ಎದುರಾಳಿಗಳ ಹಿಂಪಡೆಯುವಿಕೆ ನಂತರ, ಅವರು ಸೋಮವಾರ ಆಟವನ್ನು ತೆಗೆದುಕೊಳ್ಳುವುದಿಲ್ಲ ಮತ್ತು ಮುಂದಿನ ಸುತ್ತಿಗೆ ಅರ್ಹತೆ ಪಡೆದಿದ್ದಾರೆ.

ಭಾರತ ಹಾಕಿ ತಂಡವು ತನ್ನ ಆರಂಭಿಕ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು 3-2 ಗೋಲಿನ ಅಂತರದಲ್ಲಿ ಸೋಲಿಸಿದ ನಂತರ, ಇಂದು ಅರ್ಜೆಂಟೀನಾ ತಂಡವನ್ನು ಎದುರಿಸಲಿದೆ.

ಧೀರಜ್ ಬೊಮ್ಮದೇವರ, ತರುಣದೀಪ್ ರೈ ಮತ್ತು ಪ್ರವೀಣ್ ರಮೇಶ್ ಜಾಧವ್ ಅವರು ಆರ್ಚರಿ ಪುರುಷರ ತಂಡ ವಿಭಾಗದ ಕ್ವಾರ್ಟರ್ ಫೈನಲ್‌ನಲ್ಲಿ ಭಾಗವಹಿಸಲಿದ್ದಾರೆ.

ಪ್ಯಾರಿಸ್ ಒಲಿಂಪಿಕ್ಸ್ 2024: 3ನೇ ದಿನದ ಭಾರತದ ಸ್ಪರ್ಧೆಗಳ ವೇಳಾಪಟ್ಟಿ

12:45 PM: ಶೂಟಿಂಗ್: 10 ಮೀ ಏರ್ ಪಿಸ್ತೂಲ್ ಮಿಶ್ರ ತಂಡ ಅರ್ಹತಾ ಸುತ್ತು - ಸರಬ್ಜೋತ್ ಸಿಂಗ್/ಮನು ಭಾಕರ್, ಅರ್ಜುನ್ ಸಿಂಗ್ ಚೀಮಾ/ರಿದಮ್ ಸಾಂಗ್ವಾನ್

12:50 PM: ಬ್ಯಾಡ್ಮಿಂಟನ್: ಮಹಿಳೆಯರ ಡಬಲ್ಸ್ - ತನಿಶಾ ಕ್ರಾಸ್ಟೊ/ಅಶ್ವನಿ ಪೊನ್ನಪ್ಪ vs ನಮಿ ಮತ್ಸುಯಮಾ/ಚಿಹಾರು ಶಿದಾ

1 PM: ಶೂಟಿಂಗ್: ಟ್ರ್ಯಾಪ್ ಪುರುಷರ ಅರ್ಹತಾ ಸುತ್ತು - ಪೃಥ್ವಿರಾಜ್ ತೊಂಡೈಮಾನ್

1 PM: ಶೂಟಿಂಗ್ - ಪದಕ ಸುತ್ತು - 10 ಮೀ ಏರ್ ರೈಫಲ್ ಮಹಿಳೆಯರ ಫೈನಲ್ - ರಮಿತಾ ಜಿಂದಾಲ್

3:30 PM: ಶೂಟಿಂಗ್ - ಪದಕ ಸುತ್ತು - 10 ಮೀ ಏರ್ ರೈಫಲ್ ಪುರುಷರ ಫೈನಲ್ - ಅರ್ಜುನ್ ಬಾಬುತಾ

4:15 PM: ಹಾಕಿ - ಪುರುಷರ ಗುಂಪು ಬಿ - ಭಾರತ vs ಅರ್ಜೆಂಟೀನಾ

5:30 PM: ಬ್ಯಾಡ್ಮಿಂಟನ್ - ಪುರುಷರ ಸಿಂಗಲ್ಸ್ ಗುಂಪು ಹಂತ - ಲಕ್ಷ್ಯ ಸೇನ್ vs ಜೂಲಿಯನ್ ಕರಾಗ್ಗಿ

6:31 PM: ಆರ್ಚರಿ - ಪುರುಷರ ತಂಡ ಕ್ವಾರ್ಟರ್-ಫೈನಲ್ - ಭಾರತ vs TBD (ಧೀರಜ್ ಬೊಮ್ಮದೇವರ, ತರುಣದೀಪ್ ರೈ, ಪ್ರವೀಣ್ ರಮೇಶ್ ಜಾಧವ್)

7:40 PM: ಆರ್ಚರಿ - ಪುರುಷರ ತಂಡ ಸೆಮಿಫೈನಲ್ - ಭಾರತ vs TBD (ಅರ್ಹತೆ ಪಡೆದರೆ)

8:18 PM: ಆರ್ಚರಿ - ಪದಕ ಸುತ್ತು - ಪುರುಷರ ತಂಡ ಕಂಚಿನ ಪದಕ ಪಂದ್ಯ - ಭಾರತ vs TBD (ಅರ್ಹತೆ ಪಡೆದರೆ)

8:41 PM: ಆರ್ಚರಿ - ಪದಕ ಸುತ್ತು - ಪುರುಷರ ತಂಡ ಚಿನ್ನದ ಪದಕದ ಪಂದ್ಯ - ಭಾರತ vs TBD (ಅರ್ಹತೆ ಪಡೆದರೆ)

11:30 PM: ಟೇಬಲ್ ಟೆನ್ನಿಸ್ - 32ರ ಮಹಿಳಾ ಸಿಂಗಲ್ಸ್ ರೌಂಡ್ - ಮಣಿಕಾ ಬಾತ್ರಾ vs ಪ್ರಿತಿಕಾ ಪವಾಡೆ (ಫ್ರಾನ್ಸ್)