ಟೇಕ್ವಾಂಡೋ ಇಂಟರ್​ನ್ಯಾಷನಲ್​ ಚಾಂಪಿಯನ್​ಶಿಪ್; ಹರೀಶ್‌ಗೆ ಚಿನ್ನ

ಬ್ಯಾಂಕಾಕ್, ಅಕ್ಟೋಬರ್ 29: ಥೈಲ್ಯಾಂಡ್​​ನ ಬ್ಯಾಂಕಾಕ್‌ನಲ್ಲಿ ನಡೆದ 9ನೇ ತಿರಕ್​​​ ಟೇಕ್ವಾಂಡೋ ಇಂಟರ್​ನ್ಯಾಷನಲ್​​ ಚಾಂಪಿಯನ್​ಶಿಪ್​ನಲ್ಲಿ ಭಾರತಕ್ಕೆ ಬಂಗಾರ ಲಭಿಸಿದೆ. ಕನ್ನಡಿಗ, ಹರೀಶ್​ ಸೆಲ್ವರಾಜು 80 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.

ಇನ್ನು 27 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಗ್ರೀನ್​ ಬೆಲ್ಟ್​ ಹೋಲ್ಡರ್​ ಪ್ರತ್ಯುಷ್​​​ ರಂಗನಾಥ್ ಅವರು 3ನೇ ಸ್ಥಾನದೊಂದಿಗೆ ಕಂಚಿನ ಪದಕ ಪಡೆದುಕೊಂಡಿದ್ದಾರೆ. ಈ ವಿಭಾಗದ ಚಿನ್ನ ಥೈಲ್ಯಾಂಡ್ ಪಾಲಾದರೆ, ಬೆಳ್ಳಿ ಪದಕವನ್ನು ಚೀನಾ ಪಡೆದುಕೊಂಡಿತು.

ಪ್ರತ್ಯುಷ್​​​​​ ರಂಗನಾಥ್ ಕಳೆದ 1.8 ವರ್ಷಗಳಿಂದ ಮಲ್ಲೇಶ್ವರಂನ ನಕ್ಷತ್ರ ಅಕಾಡೆಮಿಯಲ್ಲಿ ನವೀನ್​ ಕುಮಾರ್​ ಅವರ ಅಡಿ ತರಬೇತಿ​ ಪಡೆದುಕೊಳ್ಳುತ್ತಿದ್ದಾರೆ. ಕಳೆದ ಆಗಸ್ಟ್​​ನಲ್ಲಿ ನಡೆದ​ ರಾಜ್ಯ ಮಟ್ಟದ ಸಬ್​ ಜೂನಿಯರ್​​ ವಿಭಾಗದ ಸ್ಪರ್ಧೆಯಲ್ಲಿ ಪ್ರತ್ಯುಷ್‌ಗೆ​​ ಚಿನ್ನದ ಪದಕ ದೊರೆತಿತ್ತು.