ನೀಲಿಚಿತ್ರ ತಾರೆಯಾಗಿ ಮಿಂಚಿದ ಸೂಪರ್ ಕಾರ್ ರೇಸ್‌ನ ಚೆಲುವೆ ಮತ್ತೆ ರೇಸಿಂಗ್ ಕಣಕ್ಕೆ!

Renee Gracie Plots Return To Motorsport Using Onlyfans Money

ಆಸ್ಟ್ರೇಲಿಯಾದ ಸೂಪರ್ ಕಾರ್ಸ್ ರೇಸರ್ ರಿನೀ ಗ್ರೇಸಿ ಕ್ರೀಡಾ ಲೋಕಕ್ಕೆ ಶಾಕ್ ನೀಡಿದ್ದರು. ಮೋಟಾರ್ ಕಾರ್ ರೇಸಿಂಗ್ ಬಿಟ್ಟು ನೀಲಿ ಚಿತ್ರಲೋಕಕ್ಕೆ ಕಾಲಿಟ್ಟಿದ್ದರು. ಈ ಮೂಲಕ ತನ್ನ ಅಗತ್ಯಗಳನ್ನು ಪೂರೈಸಿಕೊಳ್ಳುವ ಇಂಗಿತವನ್ನು ವ್ಯಕ್ತಪಡಿಸಿದ್ದರು. ಈಗ ರಿನೀ ಗ್ರೇಸಿ ಮತ್ತೆ ರೇಸಿಂಗ್ ಕಣಕ್ಕೆ ಮರಳುವ ಬಗ್ಗೆ ಹೇಳಿಕೆಯನ್ನು ನೀಡಿದ್ದಾರೆ.

ಆಸ್ಟ್ರೇಲಿಯಾದ ವಿ8 ಸೂಪರ್‌ಕಾರ್ಸ್‌ನಲ್ಲಿ ಪೂರ್ಣ ಪ್ರಮಾಣದಲ್ಲಿ ಸ್ಪರ್ಧಿಯಾಗಿ ಕಣಕ್ಕಿಳಿದ ಮೊದಲ ಮಹಿಳೆ ಎಂಬ ಖ್ಯಾತಿ ರಿನೀ ಗ್ರೇಸಿ ಅವರಿಗಿದೆ. ಬ್ರಿಸ್ಬೈನ್‌ನಲ್ಲಿ ಜನಿಸಿದ ರೆನೀ ಗ್ರೇಸಿ ತಾನು ನೀಲಿ ಚಿತ್ರಲೋಕಕ್ಕೆ ಕಾಲಿಡಲು ಕಾರಣವನ್ನೂ ಹೇಳಿಕೊಂಡಿದ್ದರು. ಈಗ ವಾಪಾಸ್ ಬರುವ ಬಗ್ಗೆಯೂ ಸ್ಪಷ್ಟಪಡಿಸಿರುವ ಅವರು ತನ್ನ ಕನಸನ್ನು ಈಡೇರಿಸಲು ತನ್ನ ನಿರ್ಧಾರ ಅಗತ್ಯವಾಗಿತ್ತು ಎಂದು ಹೇಳಿದ್ದಾರೆ.

ಹಣ ಗಳಿಕೆಗಾಗಿ ಈ ನಿರ್ಧಾರ

ಹಣ ಗಳಿಕೆಗಾಗಿ ಈ ನಿರ್ಧಾರ

ಆರ್ಥಿಕ ಸಂಕಷ್ಟದಿಂದಾಗಿ ರೇಸಂಗ್ ಕ್ಷೇತ್ರದಲ್ಲಿ ಮುಂದುವರಿಯಲು ಸಾಧ್ಯವಾಗದೆ ನೀಲಿಚಿತ್ರಗಳತ್ತ ಮುಖಮಾಡಿದ್ದ ಆಸ್ಟ್ರೇಲಿಯಾದ ಮಹಿಳಾ ಸೂಪರ್ ಕಾರ್ ರೇಸರ್ ರೆನ್ನೀ ಗ್ರೇಸಿ ಉತ್ತಮ ಸಂಪಾದನೆ ಮಾಡಿಕೊಂಡಿರುವುದಾಗಿ ಹೇಳಿದ್ದಾರೆ. ಈ ಸಂಪಾದನೆಯಿಂದ ತನ್ನ ಆರ್ಥಿಕ ಸಂಕಷ್ಟದಿಂದ ಹೊರಬಂದಿರುವುದಾಗಿ ತಿಳಿಸಿದ್ದಾರೆ. ಹೀಗಾಗಿ ಮತ್ತೆ ಸೂಪರ್ ಕಾರ್ ಡ್ರೈವರ್ ಆಗಿ ಕಣಕ್ಕಿಳಿಯಲು ಬಯಸಿದ್ದಾರೆ.

ಸಾಕಷ್ಟು ಹಣ ಸಂಪಾದಿಸಿದ್ದೇನೆ

ಸಾಕಷ್ಟು ಹಣ ಸಂಪಾದಿಸಿದ್ದೇನೆ

ವಯಸ್ಕರ ಚಿತ್ರೋದ್ಯಮಕ್ಕೆ ಕಾಲಿಟ್ಟ ಕಾರಣದಿಂದಾಗಿ ಈಗ ಸಾಕಷ್ಟು ಸಂಪಾದನೆ ಮಾಡಿದ್ದೇನೆ ಎಂದಿರುವ 25 ವರ್ಷದ ರೆನ್ನೀ ಗ್ರೇಸಿ, ತಮ್ಮ ನೆಚ್ಚಿನ ಮೋಟಾರ್​ಸ್ಪೋರ್ಟ್ಸ್​​ನಲ್ಲೇ ಮತ್ತೆ ತೊಡಗಿಸಿಕೊಳ್ಳುವ ಆರ್ಥಿಕ ಶಕ್ತಿಯನ್ನೂ ಪಡೆದುಕೊಂಡಿರುವುದಾಗಿ ಹೇಳಿದ್ದಾರೆ. ‘ನಾನು ಈಗ ಆರ್ಥಿಕವಾಗಿ ಬಲಿಷ್ಠಳಾಗಿದ್ದೇನೆ. ಹಣಕಾಸಿನ ವಿಚಾರವಾಗಿ ಯಾವುದೇ ಅಂಜಿಕೆಯಿಲ್ಲದೆ ರೇಸಿಂಗ್​ನಲ್ಲಿ ತೊಡಗಿಸಿಕೊಳ್ಳಬಹುದಾಗಿದೆ. ರೇಸಿಂಗ್​ ಕಾರುಗಳ ವೆಚ್ಚದ ಬಗ್ಗೆ ನಾನಿನ್ನು ತಲೆಕೆಡಿಸಿಕೊಳ್ಳಬೇಕಾಗಿಲ್ಲ. ಪ್ರಾಯೋಜಕರನ್ನು ನಂಬಿಕೊಂಡು ನಾನು ಸ್ಪರ್ಧೆಗಿಳಿಯಬೇಕಾದ ಚಿಂತೆಯೂ ಇಲ್ಲ' ಎಂದು ರಿನೀ ಗ್ರೇಸಿ ಹೇಳಿದ್ದಾರೆ.

ಹಣಗಳಿಕೆಗಾಗಿ ಈ ನಿರ್ಧಾರ ಎಂದು ಸ್ಪಷ್ಟಪಡಿಸಿದ್ದ ರಿನೀ

ಹಣಗಳಿಕೆಗಾಗಿ ಈ ನಿರ್ಧಾರ ಎಂದು ಸ್ಪಷ್ಟಪಡಿಸಿದ್ದ ರಿನೀ

ಹಣ ಗಳಿಕೆಗಾಗಿ ಈ ಉದ್ಯಮಕ್ಕೆ ಇಳಿದಿದ್ದೇನೆ ಎಂದು ರಿನೀ ನೇರವಾಗಿಯೇ ಹೇಳಿದ್ದರು. ನಾನು ಈವರೆಗೆ ತೆಗೆದುಕೊಂಡಿರುವ ನಿರ್ಧಾರಗಳಲ್ಲಿ ಇದು ಅತ್ಯುತ್ತಮ ನಿರ್ಧಾರವಿದು ಎಂದು ತಿಳಿಸಿದ್ದರು ಈ ಮೊದಲು ನೀಡಿದ್ದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು. ಮೋಟಾರ್ ಸ್ಪೋರ್ಟ್ಸ್ ಬಗ್ಗೆ ಮಾತನಾಡುತ್ತಾ "ನನಗೆ ಬೇಕಾದ ಫಲಿತಾಂಶ ಪಡೆಯಲು ಸಾಧ್ಯವಾಗಲಿಲ್ಲ. ನನ್ನಿಂದಾಗುವ ಗರಿಷ್ಠ ಪ್ರಯತ್ನವನ್ನು ನಾನು ಮಾಡಿದ್ದೇನೆ ಎಂದು ಪ್ರತಿಕ್ರಿಯಿಸಿದ್ದರು.

ಕುಟುಂಬದ ಬೆಂಬಲವೂ ಇದೆ

ಕುಟುಂಬದ ಬೆಂಬಲವೂ ಇದೆ

"ಇದು ನನ್ನ ಇಡೀ ಜೀವನದಲ್ಲಿ ನಾನು ಮಾಡಿದ ಅತ್ಯುತ್ತಮ ಕೆಲಸವಾಗಿದೆ. ಇದು ಆರ್ಥಿಕವಾಗಿ ನಾನು ಹಿಂದೆಂದೂ ಕನಸು ಕಾಣದಂತಹ ಸ್ಥಿತಿಗೆ ತಂದಿದೆ. ಅದನ್ನು ನಿಜವಾಗಿಯೂ ಆನಂದಿಸುತ್ತೇನೆ. ಎಂದು ರಿನೀ ಗ್ರೇಸಿ ಪ್ರತಿಕ್ರಿಯಿಸಿದ್ದರು. ಇದಕ್ಕಾಗಿ ತನ್ನ ಈ ನಿರ್ಧಾರಕ್ಕೆ ಕುಟುಂಬದ ಬೆಂಬಲ ಸಂಪೂರ್ಣವಾಗಿ ಇದೆ ಎಂದೂ ತಿಳಿಸಿದ್ದರು.

ಚೆನ್ನಾಗಿ ಹಣಗಳಿಸುತ್ತಿದ್ದೇನೆ

ಚೆನ್ನಾಗಿ ಹಣಗಳಿಸುತ್ತಿದ್ದೇನೆ

ನಾನು ಅತ್ಯುತ್ತಮವಾಗಿ ಹಣವನ್ನು ಗಳಿಸುತ್ತಿದ್ದೇನೆ. ನಾನು ಈಗ ಇರುವಲ್ಲಿ ಆರಾಮಾಗಿದ್ದೇನೆ. ನನ್ನನ್ನು ಅವರು ಏನೆಂದು ಕರೆಯಲು ಬಯಸಿದರು ಅದರಲ್ಲಿ ನಾನು ಚೆನ್ನಾಗಿರುತ್ತೇನೆ ಎಂದು ವಿಶ್ವಾಸದಿಂದ ಹೇಳಿಕೆಯನ್ನು ನೀಡಿದ್ದರು. ಡೈಲಿ ಟೆಲಿಗ್ರಾಫ್‌ಗೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರವನ್ನು ಮೊದಲಿಗೆ ಬಹಿರಂಗಪಡಿಸಿದ್ದರು.

ಸಾಕಷ್ಟು ಸಂಶೋಧನೆ ನಡೆಸಿ ನಿರ್ಧಾರ

ಸಾಕಷ್ಟು ಸಂಶೋಧನೆ ನಡೆಸಿ ನಿರ್ಧಾರ

"ನಾನು ಈ ಉದ್ಯಮದೊಳಗೆ ಏನೂ ತಿಳಿದುಕೊಳ್ಳದೆ ಬಂದಿಲ್ಲ. ನಾನು ಇಲ್ಲಿಗೆ ಬರುವ ಮುನ್ನ ಸಾಕಷ್ಟು ಸಂಶೋಧನೆಯನ್ನು ನಡೆಸಿದ್ದೇನೆ. ಇದಲ್ಲಿ ಏನಿದೆ, ಏನೆಲ್ಲಾ ಒಳಗೊಂಡಿದ ಎಂದು ಎಲ್ಲವನ್ನೂ ಅರಿತುಕೊಂಡಿದ್ದೇನೆ. ನನಗೆ ಗೊತ್ತಿದೆ ಕೆಲ ವಿಷಯಗಳು ವಿವಾದಾತ್ಮಕವಾಗಿರುತ್ತದೆ. ಕೆಲ ವಿಷಯಗಳು ಸೋರಿಕೆಯಾಗುತ್ತದೆ. ನಾನು ಎಲ್ಲಾ ಸಂಶೋಧನೆ ಮಾಡಿ ಈ ಉದ್ಯಮಕ್ಕೆ ಬರುವ ನಿರ್ಧಾರವನ್ನು ತೆಗೆದುಕೊಂಡೆ" ಎಂದಿದ್ದಾರೆ.

ನೀಲಿ ಚಿತ್ರ ತೊರೆಯಲ್ಲ ಎಂದು ಸ್ಪಷ್ಟನೆ

ನೀಲಿ ಚಿತ್ರ ತೊರೆಯಲ್ಲ ಎಂದು ಸ್ಪಷ್ಟನೆ

ಇದೇ ಸಂದರ್ಭದಲ್ಲಿ ರೆನೀ ಗ್ರೀಸಿ ತಾನು ನೀಲಿ ಚಿತ್ರಗಳ ವೆಬ್‌ಸೈಟ್‌ ಜೊತೆಗಿನ ಒಪ್ಪಂದವನ್ನು ನಿಲ್ಲಿಸುತ್ತಿಲ್ಲ ಎಂಬೂದನ್ನೂ ಸ್ಪಷ್ಟಪಡಿಸಿದ್ದಾರೆ. ತಾನು ಅದನ್ನು ನಿಲ್ಲಿಸಲಾರೆ. ನಾನು ಅದರಿಂದ ಉತ್ತಮ ಆದಾಯ ಗಳಿಸುತ್ತಿದ್ದೇನೆ. ಅದರಿಂದಲೇ ನಾನು ರೇಸಿಂಗ್‌ಗೆ ಮರಳಲು ಸಾಧ್ಯವಾಗುತ್ತಿದೆ' ಎಂದು ಹೇಳಿಕೊಂಡಿದ್ದಾರೆ.

For Quick Alerts
ALLOW NOTIFICATIONS
For Daily Alerts

Story first published: Friday, July 24, 2020, 18:08 [IST]
Other articles published on Jul 24, 2020
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more