ಕೊಲಂಬಿಯಾ, ಜೂ. 5: ಗಾಲ್ಫ್ ಕ್ಷೇತ್ರದಲ್ಲಿ ಭಾರತವನ್ನು ಪ್ರತಿನಿಧಿಸುತ್ತ ಗಮನ ಸೆಳೆಯುತ್ತಿರುವ ಗಾಲ್ಫರ್ ಶುಭಂಕರ್ ಶರ್ಮ ಅವರು ಮತ್ತೊಂದು ಹೆಜ್ಜೆ ಇಟ್ಟಿದ್ದಾರೆ. ಮುಂದಿನ ವಾರ ನ್ಯೂಯಾರ್ಕ್ ನ ಶಿನ್ನೆಕಾಕ್ ಹಿಲ್ಸ್ ನಲ್ಲಿ ನಡೆಯಲಿರುವ ಯೂಎಸ್ ಓಪನ್ ಚಾಂಪಿಯನ್ ಶಿಪ್ ಗೆ ಶುಭಂಕರ್ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ.
ಪ್ರತಿಷ್ಠಿತ ಪಂದ್ಯಕ್ಕಾಗಿ ಸ್ಮರ್ಣಾರ್ಥ ಟೂರ್ನಮೆಂಟ್ ಮೂಲಕ ಅರ್ಹತಾ ಸ್ಪರ್ಧೆ ನಡೆಸಲಾಯಿತು. ಈ ಸಂದರ್ಭ ಬ್ರೂಕ್ ಸೈಡ್ ಗಾಲ್ಫ ಆಂಡ್ ಕಂಟ್ರಿ ಕ್ಲಬ್ ಮತ್ತು ದ ಲೇಕ್ಸ್ ಗಾಲ್ಫ್ ಆಂಡ್ ಕಂಟ್ರಿ ಕ್ಲಬ್ ನಡುವಿನ ಸ್ಪರ್ಧೆಯಲ್ಲಿ ಬ್ರೂಕ್ ಸೈಡ್ ಕ್ಲಬ್ ಪರ ಶುಭಂಕರ್ 69-68ರ ಅಪೂರ್ವ ಪ್ರದರ್ಶನ ನೀಡಿದರು.
Shubhankar Sharma qualifies for #USOpen Golf Championshipshttps://t.co/xzpox3iyb5
— Express Sports (@IExpressSports) June 5, 2018
21ರ ಹರೆಯದ ಶರ್ಮ ಮುಂದಿನ ಹಂತದ ಸ್ಪರ್ಧೆಗೆ ಪ್ರವೇಶಗಿಟ್ಟಿಸಿಕೊಂಡಿದ್ದರೆ, ಭಾರತೀಯ ಇನ್ನಿಬ್ಬರು ಗಾಲ್ಫರ್ ಗಳಾದ ಶಿವ ಕಪೂರ್ ಮತ್ತು ಅರ್ಜುನ್ ಅತ್ವಾಲ್ ವಿಫಲರಾಗಿದ್ದಾರೆ.
Shubhankar Sharma qualifies for US Open https://t.co/iD2XTa2aSb
— ashwin binoy (@ashwincbinoy) June 5, 2018
ಮುಂದಿನ ಸ್ಪರ್ಧೆಗೆ ಆಯ್ಕೆಯಾಗಿರುವ ಬಗ್ಗೆ ಖುಷಿ ವ್ಯಕ್ತಪಡಿಸುತ್ತ ಶುಭಂಕರ್, 'ನನ್ನ ಪಾಲಿಗಿದು ಅಪೂರ್ವ ದಿನ. ಸ್ಪರ್ಧೆಯೇನು ಸುಲಭವಿರಲಿಲ್ಲ. ಬ್ರೂಕರ್ ಸೈಡ್ ಪರ ಆಡಿ ಗೆದ್ದಿರುವುದಕ್ಕಾಗಿ ಖುಷಿಯಾಗಿದೆ' ಎಂದಿದ್ದಾರೆ.