ರಾಹುಲ್- ಅಥಿಯಾ ಮದುವೆ ಬಗ್ಗೆ ಅಚ್ಚರಿಯ ಹೇಳಿಕೆ ನೀಡಿದ ಸುನಿಲ್ ಶೆಟ್ಟಿ

ಸುನಿಲ್ ಶೆಟ್ಟಿ ವ್ಯಂಗ್ಯ ಪ್ರತಿಕ್ರಿಯೆ

ಆದರೆ ಈ ಮಧ್ಯೆ ಪುತ್ರಿ ಅಥಿಯಾ ಶೆಟ್ಟಿ ಮದುವೆ ವಿಚಾರವಾಗಿ ಸುನಿಲ್ ಶೆಟ್ಟಿ ವ್ಯಂಗ್ಯವಾಗಿ ಪ್ರತಿಕ್ರಿಯಿಸಿದ್ದಾರೆ. "ನಿಮಗೆ ಮದುವೆಯ ದಿನಾಂಕ ಖಚಿತವಾಗಿ ತಿಳಿದಾಗ ನನಗೂ ತಿಳಿಸಿ. ನಾನು ಕೂಡ ಮದುವೆಯಲ್ಲಿ ಭಾಗಿಯಾಗಬಹುದು" ಎಂದು ತಮಾಷೆಯಾಗಿ ಸುನಿಲ್ ಶೆಟ್ಟಿ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಮೂಲಕ ಮದುವೆಯ ದಿನಾಂಕಗಳ ಬಗ್ಗೆ ಹರಿದಾಡುತ್ತಿರುವ ಸುದ್ದಿಯನ್ನು ಬಾಲಿವುಡ್ ಹಿರಿಯ ನಟ ನಿರಾಕರಿಸಿದ್ದಾರೆ.

ಮದುವೆಯ ಬಗ್ಗೆ ಮಾತನಾಡಿದ್ದ ಸುನಿಲ್ ಶೆಟ್ಟಿ

ಗಮನಾರ್ಹ ಸಂಗತಿಯೆಂದರೆ ಸ್ವತಃ ಸುನಿಲ್ ಶೆಟ್ಟಿಯವರು ಕೆಲ ಸಮಯಗಳ ಹಿಂದೆ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಡುವುದನ್ನು ಖಚಿತಪಡಿಸಿದ್ದರು. ಆಗಸ್ಟ್ ತಿಂಗಳಿನಲ್ಲಿ ಸುನಿಲ್ ಶೆಟ್ಟಿ ಮಾತನಾಡುತ್ತಾ ಕೆಎಲ್ ರಾಹುಲ್ ಅವರ ಬ್ಯುಸಿ ಶೆಡ್ಯೂಲ್ ಬಗ್ಗೆ ಉಲ್ಲೇಖಿಸಿದ್ದರು. ಏಷ್ಯಾಕಪ್, ವಿಶ್ವಕಪ್, ಆಸ್ಟ್ರೇಲಿಯಾ ಪ್ರವಾಸ ಹಾಗೂ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ರಾಹುಲ್ ಭಾಗವಹಿಸುವುರಿಂದ ಮಕ್ಕಳ ಮದುವೆ ಒಳ್ಳೆಯ ವಿಶ್ರಾಂತಿ ಸಿಕ್ಕಾಗ ಮಾತ್ರ ನಡೆಯಲಿದೆ ಹಾಗೂ ಕೇವಲ ಒಂದು ದಿನದ ವಿಶ್ರಾಂತಿ ಸಿಗುವ ದಿನದಂದು ಮದುವೆ ಮಾಡಲು ಆಗುವುದಿಲ್ಲ ಎಂದು ಸುನಿಲ್ ಶೆಟ್ಟಿ ಹೇಳಿಕೆ ನೀಡಿದ್ದರು.

ಮೂರು ವರ್ಷಗಳಿಂದ ಪ್ರೀತಿಯಲ್ಲಿದ್ದಾರೆ ಈ ಜೋಡಿ

ಕೆಎಲ್ ರಾಹುಲ್ ಹಾಗು ಆಥಿಯಾ ಶೆಟ್ಟಿ ಕಳದ ಮೂರು ವರ್ಷಗಳಿಗೂ ಅಧಿಕ ಕಾಲದಿಂದ ಪ್ರೀತಿಯಲ್ಲಿದ್ದು ಜೊತೆಯಾಗಿ ಸುತ್ತಾಡುತ್ತಿದ್ದಾರೆ. ಇದೀಗ ವೈವಾಹಿಕ ಜೀವನಕ್ಕೆ ಕಾಲಿಡಲು ಈ ಜೋಡಿ ನಿರ್ಧರಿಸಿದೆ. ಆದರೆ ಮದುವೆ ದಿನಾಂಕಗಳ ಬಗ್ಗೆ ಮಾತ್ರ ಇಬ್ಬರ ಕುಟಂಬಸ್ಥರಿಂದಲೂ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.