Tokyo Paralympics 2020: ಟೋಕಿಯೋ ಪ್ಯಾರಾಲಂಪಿಕ್ಸ್ ಆರಂಭೋತ್ಸವ: ದಿನಾಂಕ, ಸಮಯ, ಪ್ರಮುಖ ಮಾಹಿತಿ

ಟೋಕಿಯೋ: ಟೋಕಿಯೋ ಪ್ಯಾರಾಲಂಪಿಕ್ಸ್ ಆಗಸ್ಟ್ 24ರಿಂದ ಆರಂಭಗೊಳ್ಳಲಿದೆ. ಜಪಾನ್‌ನ ಟೋಕಿಯೋದಲ್ಲಿ ಪ್ಯಾರಾಲಂಪಿಕ್ಸ್ ಆರಂಭೋತ್ಸವದೊಂದಿಗೆ ಜಾಗತಿಕ ಕ್ರೀಡಾ ಹಬ್ಬ ಚಾಲನೆಗೊಳ್ಳಲಿದೆ. ಮಂಗಳವಾರ ನಡೆಯುವ ಟೋಕಿಯೋ ಪ್ಯಾರಾಲಂಪಿಕ್ಸ್‌ ಆರಂಭೋತ್ಸವದಲ್ಲಿ ಭಾರತದ ಕೇವಲ 6 ಅಧಿಕಾರಿಗಳು ಮಾತ್ರ ಪಾಲ್ಗೊಳ್ಳಲಿದ್ದಾರೆ ಎಂದು ಚೆಫ್ ಡೆ ಮಿಶನ್ ಗುರುಶರಣ್ ಸಿಂಗ್ ಭಾನುವಾರ ಮಾಹಿತಿ ನೀಡಿದ್ದರು.

ಪ್ಯಾರಾಲಂಪಿಕ್ಸ್ ಕ್ರೀಡಾಕೂಟವನ್ನು ಭಾರತದಲ್ಲಿ ಯೂರೋ ಸ್ಪೋರ್ಟ್ ಮತ್ತು ರಾಷ್ಟ್ರೀಯ ನೆಟ್ವರ್ಕ್ ದೂರದರ್ಶನ್ ನೇರಪ್ರಸಾರ ಪ್ರಸಾರಗೊಳಿಸಲಿದೆ. ಟೋಕಿಯೋ ಪ್ಯಾರಾಲಂಪಿಕ್ಸ್‌ ನೇರಪ್ರಸಾರ ಭಾರತದಲ್ಲಿ ಡಿಡಿ ಮತ್ತು ಯೂರೋ ನೆಟ್ವರ್ಕ್ ಉಚಿತವಾಗಿ ನೀಡಲಿದೆ. 24ರಂದು ನಡೆಯುವ ಪ್ರಾರಂಭೋತ್ಸವ ಕೇಬಲ್ ಮತ್ತು ಡಿಟಿಎಚ್ ಚಾನೆಲ್‌ಗಳಲ್ಲಿ ನೇರಪ್ರಸಾರವಾಗಲಿದೆ.

ಜಪಾನ್‌ನಲ್ಲಿ ಟೋಕಿಯೋ ಒಲಿಂಪಿಕ್ಸ್ ಮುಕ್ತಾಯಗೊಂಡು ಎರಡು ವಾರಗಳ ಬಳಿಕ ಟೋಕಿಯದಲ್ಲೇ ಪ್ಯಾರಾಲಿಂಪಿಕ್ಸ್ ಆರಂಭಗೊಳ್ಳುತ್ತಿದೆ. ಯಶಸ್ವಿಯಾಗಿ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಪ್ರದರ್ಶನ ನೀಡಿದ್ದ ಭಾರತ ಪ್ಯಾರಾಲಿಂಪಿಕ್ಸ್‌ನಲ್ಲೂ ಪದಕಗಳಿಗಾಗಿ ಸ್ಪರ್ಧಿಸಲಿದೆ. ಒಟ್ಟು 54 ಭಾರತೀಯ ಸ್ಪರ್ಧಿಗಳು ವಿವಿಧ ಒಂಭತ್ತು ಸ್ಪರ್ಧೆಗಳಲ್ಲಿ ಭಾರತ ಪ್ರತಿನಿಧಿಸಲಿದ್ದಾರೆ.

ಪ್ಯಾರಾ ಆರ್ಚರಿ, ಪ್ಯಾರಾ ಅಥ್ಲೆಟಿಕ್ಸ್, ಪ್ಯಾರಾ ಬ್ಯಾಡ್ಮಿಂಟನ್, ಪ್ಯಾರಾ ಕ್ಯಾನೋಯಿಂಗ್, ಪ್ಯಾರಾ ಕ್ರೀಡೆ, ಪ್ಯಾರಾ ಈಜು, ಪ್ಯಾರಾ ಪವರ್ ಲಿಫ್ಟಿಂಗ್, ಪ್ಯಾರಾ ಟೇಬಲ್ ಟೆನಿಸ್ ಮತ್ತು ಪ್ಯಾರಾ ಟೇಕ್ವಾಂಡೋ ಸ್ಪರ್ಧೆಗಳಲ್ಲಿ ಭಾರತ ಸ್ಪರ್ಧಿಸುತ್ತಿದೆ. ಟೋಕಿಯೋ ಪ್ಯಾರಾಲಿಂಪಿಕ್ಸ್‌ನಲ್ಲಿ ಐದು ಬಂಗಾರದ ಪದಕಗಳು ಸೇರಿ ಒಟ್ಟಿಗೆ 15ರಷ್ಟು ಪದಕಗಳ ನಿರೀಕ್ಷೆಯಿದೆ. ಪ್ಯಾರಾ ಅಥ್ಲೆಟಿಕ್ಸ್, ಪ್ಯಾರಾ ಬ್ಯಾಡ್ಮಿಂಟನ್, ಪ್ಯಾರಾ ಶೂಟಿಂಗ್, ಪ್ಯಾರಾ ಆರ್ಚರಿ ಸ್ಪರ್ಧೆಗಳಲ್ಲಿ ಭಾರತಕ್ಕೆ ಹೆಚ್ಚಿನ ಪದಕಗಳ ಭರವಸೆಯಿದೆ.

ಟೋಕಿಯೋ ಪ್ಯಾರಾಲಂಪಿಕ್ಸ್‌ ಪ್ರಮುಖ ಸಂಗತಿಗಳಿಗೆ ಸಂಬಂಧಿಸಿ ಪ್ರಶ್ನೋತ್ತರಗಳು ಕೆಳಗಿವೆ
* ಪ್ಯಾರಾಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ 2021 ಯಾವಾಗ ಆರಂಭವಾಗುತ್ತದೆ? - ದಿನಾಂಕ?
# ಟೋಕಿಯೊ ಪ್ಯಾರಾಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ 2021 ಆಗಸ್ಟ್ 24 ರಂದು ಆರಂಭವಾಗಲಿದೆ.

* ಪ್ಯಾರಾಲಿಂಪಿಕ್ಸ್ 2021 ನಲ್ಲಿ ಭಾರತೀಯ ಆಟಗಾರರು ಯಾವಾಗ ಆಡುತ್ತಾರೆ?
# ಟೋಕಿಯೊ ಪ್ಯಾರಾಲಿಂಪಿಕ್ಸ್ 2021ರಲ್ಲಿ ಭಾರತೀಯ ಆಟಗಾರರು ಆಗಸ್ಟ್ 24ರಂದೇ ಆಡಲಿದ್ದಾರೆ.

* 2021 ಯಾವ ಸಮಯ ಪ್ಯಾರಾಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ ಆರಂಭವಾಗಲಿದೆ? ಸಮಯ?
# ಟೋಕಿಯೊ ಪ್ಯಾರಾಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ 2021 ರಂದು ಬೆಳಿಗ್ಗೆ 7 ಗಂಟೆಗೆ ಅಥವಾ ಭಾರತೀಯ ಕಾಲಮಾನದ ಪ್ರಕಾರ ಆಗಸ್ಟ್ 24 ರಂದು ಸಂಜೆ 4:30 ಕ್ಕೆ ಆರಂಭವಾಗಲಿದೆ.

* ಪ್ಯಾರಾಲಿಂಪಿಕ್ಸ್ 2021 ರ ಸ್ಥಳಗಳು ಯಾವುವು? - ಸ್ಥಳ
# ಟೋಕಿಯೊ ಪ್ಯಾರಾಲಿಂಪಿಕ್ಸ್ ಉದ್ಘಾಟನಾ ಸಮಾರಂಭ 2021 ಜಪಾನ್‌ನಲ್ಲಿ ನಡೆಯಲಿದೆ.

* ಟಿವಿಯಲ್ಲಿ ಪ್ಯಾರಾಲಿಂಪಿಕ್ಸ್ 2021 ಅನ್ನು ನಾನು ಹೇಗೆ ಲೈವ್ ಆಗಿ ವೀಕ್ಷಿಸಬಹುದು?
# ದೂರದರ್ಶನವು ಟೋಕಿಯೋ ಪ್ಯಾರಾಲಿಂಪಿಕ್ಸ್ ಲೈವ್ ಅನ್ನು ಪ್ರಸಾರ ಮಾಡುತ್ತದೆ - ಪ್ರಸಾರ ಭಾರತಿಯ ದೂರದರ್ಶನವು ಟೋಕಿಯೋ ಪ್ಯಾರಾಲಿಂಪಿಕ್ಸ್ ಲೈವ್ ಅನ್ನು ಪ್ರಸಾರ ಮಾಡುತ್ತದೆ ಮತ್ತು ನೇರ ಪ್ರಸಾರ ಮಾಡುತ್ತದೆ, ದೂರದರ್ಶನವು ಟೋಕಿಯೋ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತೀಯ ಕಾರ್ಯಕ್ರಮಗಳನ್ನು ಮಾತ್ರ ನೇರ ಪ್ರಸಾರ ಮಾಡುತ್ತದೆ. ನೀವು ಮೈಖೇಲ್ ಕನ್ನಡದಲ್ಲೂ ಪ್ರಮುಖ ಮಾಹಿತಿಯನ್ನು ಪಡೆದುಕೊಳ್ಳಬಹುದು.

ಪ್ಯಾರಾಲಿಂಪಿಕ್ ಉದ್ಘಾಟನಾ ಸಮಾರಂಭ (ನೇರಪ್ರಸಾರ)
ಯಾವಾಗ: 4:30 PM, 7 am ET
ಎಲ್ಲಿ: NBCOlympics.com, NBC ಸ್ಪೋರ್ಟ್ಸ್ ಆ್ಯಪ್‌ನಲ್ಲಿ