ವೀಡಿಯೋ : ಬೋಲ್ಟ್ 100 ಮೀ ವಿಶ್ವ ಚಾಂಪಿಯನ್

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

ಬೀಜಿಂಗ್, ಆಗಸ್ಟ್ 24: ಜಮೈಕಾದ ದಿಗ್ಗಜ ಅಥ್ಲೀಟ್ ಉಸೇನ್ ಬೋಲ್ಟ್ ಮತ್ತೊಮ್ಮೆ ವಿಶ್ವ ಚಾಂಪಿಯನ್ ಕಿರೀಟ ಧರಿಸಿದ್ದಾರೆ. ಇಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ನ 100 ಮೀಟರ್ ಓಟದಲ್ಲಿ ಕೂದಲೆಳೆ ಅಂತರದಲ್ಲಿ ಚಿನ್ನದ ಪದಕ ತಮ್ಮದಾಗಿಸಿಕೊಂಡಿದ್ದಾರೆ. ಬೋಲ್ಟ್ ಸಾಧನೆಗೆ ಕ್ರಿಕೆಟರ್ ಕ್ರಿಸ್ ಗೇಲ್ ಸೇರಿದಂತೆ ಅನೇಕ ಮಂದಿ ಟ್ವೀಟ್ ಮಾಡಿ ಶುಭ ಹಾರೈಸಿದ್ದಾರೆ.

ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ನ 100 ಮೀಟರ್ ಓಟದಲ್ಲಿ ವಿಶ್ವದ ವೇಗದ ಓಟಗಾರ ಜಮೈಕಾದ 29 ವರ್ಷ ವಯಸ್ಸಿನ ಉಸೇನ್ ಬೋಲ್ಟ್ ಅವರು ಅಮೆರಿಕದ ಜಸ್ಟಿನ್ ಗ್ಯಾಟ್ಲಿನ್ ಅವರನ್ನು 0.01 ಸೆಕೆಂಡ್ ಅಂತರದಲ್ಲಿ ಸೋಲಿಸಿದ್ದಾರೆ.

ಇದೇ ಅಥ್ಲೆಟಿಕ್ಸ್ ಚಾಂಪಿಯನ್ಸ್ ನ ಮಹಿಳೆಯ ವಿಭಾಗದಲ್ಲಿ ಬ್ರಿಟನ್ನ ಜೆಸ್ಸಿಕಾ ಎನ್ನಿಸ್ ಹೆಪ್ಟ್ ಥ್ಲಾನ್ನಲ್ಲಿ ಚಿನ್ನ ಗೆದ್ದು ಕೊಂಡಿದ್ದಾರೆ. ಶಾಟ್ಪುಟ್ ಸ್ಪರ್ಧೆಯಲ್ಲಿ ಭಾರತದ ಭರವಸೆಯ ಎಸೆತಗಾರ ಇಂದ್ರಜಿತ್ ಸಿಂಗ್ ಫೈನಲ್ನಲ್ಲಿ 11ನೇ ಸ್ಥಾನ ಪಡೆದು ನಿರಾಶೆ ಮೂಡಿಸಿದರು.

ಬೀಜಿಂಗ್ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ 100 ಮೀ. ಸ್ಪರ್ಧೆಯಲ್ಲಿ ಜಮೈಕಾದ ತಾರೆ ಬೋಲ್ಟ್ 9.79 ಸೆಕೆಂಡ್ಗಳಲ್ಲಿ ಕ್ರಮಿಸಿ ಚಿನ್ನ ಗೆದ್ದರೂ ಮುಂದಿನ ಒಲಿಂಪಿಕ್ಸ್ ನಲ್ಲಿ ಕಠಿಣ ಸವಾಲು ಎದುರಿಸಬೇಕಾಗುತ್ತದೆ. ಪ್ರಬಲ ಪ್ರತಿಸ್ಪರ್ಧಿ ಜಸ್ಟಿನ್ ಗ್ಯಾಟ್ಲಿನ್ (9.80ಸೆ.) ಅಂತರದಿಂದ ಮಾತ್ರ ಹಿಂದೆ ಉಳಿದಿದ್ದರು. ರಿಯೋ ಒಲಿಂಪಿಕ್ಸ್ನಲ್ಲಿ ಬೋಲ್ಟ್ಗೆ ಸವಾಲು ಹಾಕಬಲ್ಲ ಓಟಗಾರ ಸಿಕ್ಕಿದ್ದಾನೆ ಎಂದು ವಿಶ್ವದ ಹಲವಾರು ಮಾಧ್ಯಮಗಳು ಗ್ಯಾಟ್ಲಿನ್ ಸಾಧನೆಯನ್ನು ಪ್ರಶಂಸಿಸಿವೆ.

ಓಟಕ್ಕೂ ಮುನ್ನ ಬೋಲ್ಟ್ ಕಾಣಿಸಿದ್ದು ಹೀಗೆ

ಬೋಲ್ಟ್ 9.79 ಸೆಕೆಂಡ್, ಜಸ್ಟಿನ್ ಗ್ಯಾಟ್ಲಿನ್ (9.80ಸೆ.) ನಂತರ 3ನೇ ಸ್ಥಾನದಲ್ಲಿ ಅಮೆರಿಕದ ಟ್ರೇವನ್ ಬ್ರೋಮೆಲ್(9.92ಸೆ.) ಹಾಗೂ ಕೆನಡಾದ ಆಂಡ್ರೆ ಡಿ ಗ್ರೆಸಿ(9.92ಸೆ.) ಕಂಚಿನ ಪದಕ ಗೆದ್ದರು.