ಬೆಂಗಳೂರಲ್ಲಿ ಮೊಟ್ಟ ಮೊದಲ ಬಾರಿಗೆ ಪಡೆಲ್ ಆಟ ನೋಡಿ

ಭವಿಶ್ ಬಚು, ಭಾರತೀಯ ಮೂಲದ ಪೋರ್ಚುಗೀಸ್

ಭಾರತೀಯ ಮೂಲದ ಪೋರ್ಚುಗೀಸ್ ಪ್ರಜೆ, ಪೋರ್ಚುಗಲ್ ಮತ್ತು ಮೊಜಾಂಬಿಕ್‌ನಲ್ಲಿ ವ್ಯಾಪಾರ, ವಹಿವಾಟು ಹೊಂದಿರುವ ಇವರು ಇನ್‌ಪಡೆಲ್ ಸಹ ಸಂಸ್ಥಾಪಕರು ಮತ್ತು ಸಿಇಒ. ಆಂಡ್ರೆಸ್ ಸ್ಟಮಿಲೆ ಕೆನಡಾದವರು. ಮಾಜಿ ಅಂತರಾಷ್‌ರೀಯ ಆಟಗಾರ ಮತ್ತು ಜೂನಿಯರ್ ಚಾಂಪಿಯನ್, ಪ್ರಸ್ತುತ ಅಂತರಾಷ್ಟ್ರೀಯ ಪಡೆಲ್ ತರಬೇತುದಾರ. ಭಾರತದಲ್ಲಿ ಇನ್‌ಫೆಡಲ್‌ನ ಪ್ರಧಾನ ತರಬೇತುದಾರರಾಗಿ ಕ್ರೀಡೆ ಬೆಳೆಸಲಿದ್ದಾರೆ.

ಪಡೆಲ್- ಐರೋಪ್ಯದಲ್ಲಿ ಜನಪ್ರಿಯತೆ

ಪಡೆಲ್ ಕ್ರೀಡೆಯನ್ನು ಭಾರತದಲ್ಲಿ ಪರಿಚಯಿಸುತ್ತಿರುವ ಭವಿಶ್ ಬಚುಗೆ ಕನಸು ನನಸಾಗಿದೆ. ಐರೋಪ್ಯ ರಾಷ್ಟ್ರಗಳಲ್ಲ ಇದು ಸಾಕಷ್ಟು ಜನಪ್ರಿಯತೆ ಹೊಂದಿದೆ. ಭಾರತದಲ್ಲಿ ಸಹ ಇದು ಜನರನ್ನು ಸೆಳೆಯುತ್ತದೆ ಎಂಬ ಆಶಯ ಹೊಂದಿದ್ದಾರೆ. ಭಾರತದಲ್ಲಿ ಫಿಟ್ನೆಸ್ ಕುರಿತಂತೆ ಅರಿವು ಮೂಡಿದೆ. ಪಡೆಲ್ ಫಿಟ್ನೆಸ್ ಕ್ರೀಡೆ ಆಗಿರುವುರಿಂದ ಎಲ್ಲ ವಯಸ್ಸಿನವರನ್ನು ಸೆಳೆಯುತ್ತದೆ. ರಾಕೆಟ್ ಕ್ರೀಡೆಯ ಆಸಕ್ತರನ್ನು ಆಕರ್ಷಿಸುತ್ತದೆ.

ಬೆಂಗಳೂರಿನ ಮೂರು ಕಡೆ

ಪ್ರಾರಂಭಿಕವಾಗಿ ಪಡೆಲ್ ಕ್ರೀಡೆಯನ್ನು ಬೆಂಗಳೂರಿನ ಮೂರು ಸ್ಥಳಗಳಲ್ಲಿ-ಪ್ಲೇ ಅರೆನ್, ಸರ್ಜಾಪುರ ರಸ್ತೆ, ಬುಲ್‌ಡಾಗ್ ಸ್ಪೋರ್ಟ್ಸ್ ಅಂಡ್ ರೆಕ್ರಿಯೇಷನ್ ಸೆಂಟರ್, ಹೆಣ್ಣೂರು ರಸ್ತೆ ಹಾಗೂ ಬುಲ್‌ಹೌಸ್ ಟೆನ್ನಿಸ್ ಅಕಾಡೆಮಿ, ಕನಕಪುರ ರಸ್ತೆ ಪರಿಚಯಿಸುತ್ತಿದೆ. 24 ತಿಂಗಳೊಳಗೆ ಬೆಂಗಳೂರಿನ ಇತರ ಕಡೆ ಇನ್ನೂ 10 ಪಡೆಲ್ ಮೈದಾನ ಆರಂಭವಾಗಲಿದೆ. ಬೆಂಗಳೂರಿನ ಅನೇಕ ಕ್ಲಬ್‌ಗಳು ತಮ್ಮ ಆವರಣದಲ್ಲಿ ಪಡೆಲ್ ಮೈದಾನ ಹೊಂದಿರುವ ಆಸಕ್ತಿ ಹೊಂದಿದೆ ಎನ್ನುತ್ತಾರೆ ರೊನ್ನಿ ಸೆಹಗಲ್.

ಎಲ್ಲಿ ಯಾವಾಗ? ಪಡೆಲ್ ಆಟ

ನಮ್ಮ ಬೆಂಗಳೂರಲ್ಲಿ ಮಾರ್ಚ್ 25, 2017(ಶನಿವಾರ) ನಡೆಯಲಿರುವ ರಾಷ್ಟ್ರದ ಮೊದಲ ಪೆಡಲ್ ಟೂರ್ನಿಯ ಆತಿಥ್ಯ ವಹಿಸಿದೆ. 16 ತಂಡಗಳು ಸೆಣಸುತ್ತಿವೆ. ಟೂರ್ನಿ ಪ್ಲೇ ಅರೆನ, ಸರ್ಜಾಪುರ ರಸ್ತೆಯಲ್ಲಿ ನಡೆಯಲಿದೆ.

ಮುಂದಿನ ಐದು ವರ್ಷದಲ್ಲಿ ಕನಿಷ್ಠ ಒಂದು ಲಕ್ಷ ಆಟಗಾರರನ್ನು ಪಡೆಲ್ ಹೊಂದಿರಬೇಕು ಎಂಬುದು ಅದರ ಗುರಿ. ಇದರಲ್ಲಿ ಕ್ರೀಡೆಯನ್ನು ಗಂಭೀರವಾಗಿ ಸ್ವೀಕರಿಸಿದವರು ಹಾಗೂ ಹವ್ಯಾಸಿ ಸೇರಿದ್ದಾರೆ.