Asian Games 2023: ಬ್ಯಾಡ್ಮಿಂಟನ್ ಫೈನಲ್‌ನಲ್ಲಿ ಚೀನಾ ವಿರುದ್ಧ ಸೋತ ಭಾರತ ತಂಡಕ್ಕೆ ಬೆಳ್ಳಿ ಪದಕ

ಭಾನುವಾರ, ಅಕ್ಟೋಬರ್ 1ರಂದು ನಡೆದ 2023ರ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತ ಪುರುಷರ ಬ್ಯಾಡ್ಮಿಂಟನ್ ತಂಡವು ಹಾಲಿ ಚಾಂಪಿಯನ್ ಚೀನಾ ವಿರುದ್ಧ ಸೋತ ಬಳಿಕ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿತು.

ಸಿಂಗಲ್ಸ್ ಪಂದ್ಯದಲ್ಲಿ ಲಕ್ಷ್ಯ ಸೇನ್ ಅಂಕಣವನ್ನು ತೆಗೆದುಕೊಳ್ಳುವುದರೊಂದಿಗೆ ಭಾರತ ತಂಡದ ಅಭಿಯಾನ ಆರಂಭವಾಯಿತು. ಅವರು ಚೀನಾದ ಶಿ ಯುಕಿ ಅವರನ್ನು ಮೂರು ಗೇಮ್‌ಗಳಲ್ಲಿ 22-20, 14-21, 21-18 ಅಂತರದಿಂದ ಸೋಲಿಸಿದರು.

ಲಕ್ಷ್ಯ ಸೇನ್ ನಿರ್ಣಾಯಕ ಗೇಮ್‌ನಲ್ಲಿ ಒಂದು ಹಂತದಲ್ಲಿ 14-9 ಅಂತರದಿಂದ ಹಿನ್ನಡೆಯಲ್ಲಿದ್ದರು. ಆದರೆ ಭಾರತ ತಂಡವನ್ನು ಮುನ್ನಡೆಸಲು ಹೋರಾಡಿದರು.

ನಂತರ ಚಿರಾಗ್ ಶೆಟ್ಟಿ ಮತ್ತು ಸಾತ್ವಿಕ್‌ಸಾಯಿರಾಜ್ ರಾಂಕಿರೆಡ್ಡಿ ಜೋಡಿ 21-15, 21-18ರಲ್ಲಿ ವಿಶ್ವ ನಂ.2 ಚೀನಾದ ಜೋಡಿಯನ್ನು 55 ನಿಮಿಷಗಳಲ್ಲಿ ಸೋಲಿಸಿದರು.

ಆದಾಗ್ಯೂ, ಚೀನಾ ಹಿಂದೆ ಬಿದ್ದಿತ್ತು ಮತ್ತು ತನ್ನ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲು ಸತತವಾಗಿ ಮೂರು ಪಂದ್ಯಗಳನ್ನು ಗೆದ್ದಿತು. ಕಿಡಂಬಿ ಶ್ರೀಕಾಂತ್ 22-24, 9-21 ಅಂತರದಲ್ಲಿ ಲಿ ಶಿಫೆಂಗ್ ಎದುರು ಸೋಲು ಕಂಡರು.

ಮುಂದಿನ ಪಂದ್ಯದಲ್ಲಿ ಡಬಲ್ಸ್‌ನಲ್ಲಿ ಲಿಯು ಯುಚೆನ್ ಮತ್ತು ಔ ಕ್ಸುವಾನಿ ಜೋಡಿಯು 21-6, 21-15 ಅಂತರದಿಂದ ಧ್ರುವ ಕಪಿಲಾ ಮತ್ತು ಸಾಯಿ ಕೃಷ್ಣ ವಿರುದ್ಧ ಗೆದ್ದರು.

ಭಾರತದ ಸ್ಟಾರ್ ಷಟ್ಲರ್ ಎಚ್ಎಸ್ ಪ್ರಣಯ್ ಗಾಯದ ಸಮಸ್ಯೆಯಿಂದ ಹೊರಗುಳಿದಿದ್ದು, ಅವರ ಬದಲಾಗಿ ಫೈನಲ್ ಪಂದ್ಯಕ್ಕೆ ಮಿಥುನ್ ಮಂಜುನಾಥ್ ಅಂಗಳಕ್ಕೆ ತೆರಳಿದರು. ಅವರು ವೆಂಗ್ ಹಾಂಗ್ಯಾಂಗ್ ವಿರುದ್ಧ ಸೋತರು.