ಒಡೆನ್ಸ್, ಅಕ್ಟೋಬರ್ 18: ಒಡೆನ್ಸ್ ನಲ್ಲಿ ನಡೆಯುತ್ತಿರುವ ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಅಕೆನೆ ಯಮಾಗುಚಿ ಅವರನ್ನು ಸೋಲಿಸುವ ಮೂಲಕ ಭಾರತದ ಸ್ಟಾರ್ ಆಟಗಾರ್ತಿ ಸೈನಾ ನೆಹ್ವಾಲ್ ಕ್ವಾರ್ಟರ್ ಪೈನಲ್ ಗೆ ಪ್ರವೇಶ ಗಿಟ್ಟಿಸಿಕೊಂಡಿದ್ದಾರೆ.
ಡೆನ್ಮಾರ್ಕ್ ಓಪನ್: ಆರಂಭಿಕ ಪಂದ್ಯದಲ್ಲೇ ಸಿಂಧುಗೆ ಆಘಾತವಿತ್ತ ಅಶ್ರೇಯಾಂಕಿತೆ!
ಗುರುವಾರ (ಅಕ್ಟೋಬರ್ 18) ನಡೆದ ಮಹಿಳಾ ಸಿಂಗಲ್ಸ್ ದ್ವಿತೀಯ ಸುತ್ತಿನ ಸ್ಪರ್ಧೆಯಲ್ಲಿ ಸೈನಾ, ಜಪಾನ್ ನ ಯಮಾಗುಚಿ ಅವರನ್ನು 21-15, 21-17ರ ನೇರ ಸೆಟ್ ನಿಂದ ಸೋಲಿಸುವ ಮೂಲಕ ಸುಲಭ ಮುನ್ನಡೆ ಸಾಧಿಸಿದ್ದಾರೆ. ಮೊದಲ ಸುತ್ತಿನ ಸ್ಪರ್ಧೆಯಲ್ಲಿ ಸೈನಾ, ಹಾಂಕಾಂಗ್ ನ ಚೆಯುಂಗ್ ನೈಗನ್ ಯಿ ವಿರುದ್ಧ ಗೆದ್ದಿದ್ದರು.
Big upset at the #DenmarkOpenSuper750 as @NSaina stuns world no. 2 Akane Yamaguchi 21-15, 21-17 to enter the quarterfinals. pic.twitter.com/6L9hsovp46
— ESPN India (@ESPNIndia) October 18, 2018
ಆರಂಭಿಕ ಸುತ್ತಿನಲ್ಲಿ ಜಯ ಸಾಧಿಸಿದ್ದರಿಂದ ದ್ವಿತೀಯ ಪಂದ್ಯದಲ್ಲೂ ಗೆಲ್ಲುವ ವಿಶ್ವಾಸದಿಂದಲೇ ಕಣಕ್ಕಿಳಿದ ಮಾಜಿ ವಿಶ್ವ ನಂ. 1 ಆಟಗಾರ್ತಿ ಸೈನಾ, ವಿಶ್ವ ನಂ. 2ನ ಜಪಾನ್ ಬಲಾಡ್ಯೆ ಅಕೆನೆಗೆ ಸೋಲುಣಿಸಿದರು. ಭಾರತದ ಮತ್ತೊಬ್ಬ ಆಟಗಾರ್ತಿ ಸಿಂಧು, ಮೊದಲ ಪಂದ್ಯದಲ್ಲೇ ಶ್ರೇಯಾಂಕಿತರಲ್ಲದ ಅಮೆರಿಕಾ ಆಟಗಾರ್ತಿ ಬೀವೆನ್ ಝಾಂಗ್ ವಿರುದ್ಧ ಸೋತು ಟೂರ್ನಿಯಿಂದ ಹೊರ ಬಿದ್ದಿದ್ದಾರೆ.