ಬಾಡ್ಮಿಂಟನ್ : ಇಂಡೋನೇಷಿಯಾ ಮಾಸ್ಟರ್ಸ್ ಗೆದ್ದ ಭಾರತದ ಸೈನಾ ನೆಹ್ವಾಲ್

ಬೆಂಗಳೂರು, ಜನವರಿ 27: ಭಾರತದ ಹೆಮ್ಮೆಯ ಬ್ಯಾಡ್ಮಿಂಟನ್​ಆಟಗಾರ್ತಿ ಸೈನಾ ನೆಹ್ವಾಲ್ ಅವರು ಇಂಡೋನೇಷಿಯಾ ಮಾಸ್ಟರ್ಸ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಭಾನುವಾರದಂದು ನಡೆದ ಅಂತಿಮ ಹಣಾಹಣಿಯಲ್ಲಿ ಸೈನಾ ಅವರ ಎದುರಾಳಿ ಸ್ಪೇನಿನ ಕೆರೋಲಿನಾ ಮರಿನ್​ಅವರು ಗಾಯಗೊಂಡು ನಿವೃತ್ತಗೊಂಡಿದ್ದಾರೆ.

ಫೈನಲ್​ಪಂದ್ಯದ ಮೊದಲ ಗೇಮ್​ನಲ್ಲಿ ಮರಿನ್ 10-4ರ ಮುನ್ನಡೆಯಲ್ಲಿದ್ದರು. ಆದರೆ, ಬಲಪಾದದ ಸ್ನಾಯುಸೆಳೆತಕ್ಕೆ ಒಳಗಾಗಿ, ಪಂದ್ಯವನ್ನು ಬಿಟ್ಟು ಹೊರ ನಡೆಯಬೇಕಾಯಿತು. ಮಲೇಷಿಯಾ ಮಾಸ್ಟರ್ಸ್ ನ ಸೆಮಿಫೈನಲ್ ಪಂದ್ಯದಲ್ಲಿ ಸೈನಾ ಅವರನ್ನು ಮರಿನ್ ಸೋಲಿಸಿದ್ದರು.

ಮಲೇಷ್ಯಾ ಮಾಸ್ಟರ್ಸ್: ಕೆರೊಲಿನಾ ಎದುರು ಸೋತು ನಿರ್ಗಮಿಸಿದ ಸೈನಾ

ಫೈನಲ್ ಗೂ ಮುನ್ನ ಉಪಾಂತ್ಯ ಪಂದ್ಯದಲ್ಲಿ 28 ವರ್ಷದ ಸೈನಾ ನೆಹ್ವಾಲ್ ಅವರು 18-21, 21-12, 21-18 ಅಂತರದಲ್ಲಿ ಚೀನಾದ ಹೀ ಬಿಂಗ್​ಜಿಯಾವೋರನ್ನು ಸೋಲಿಸಿ, ಫೈನಲ್ ಹಂತ ತಲುಪಿದ್ದರು. 6ನೇ ಶ್ರೇಯಾಂಕದ ಬಿಂಗ್​ಜಿಯಾವೊ ಕಳೆದ ವರ್ಷ ನಡೆದ ವಿಶ್ವ ಚಾಂಪಿಯನ್​ಷಿಪ್​ನಲ್ಲಿ ಕಂಚಿನ ಪದಕ ಗೆದ್ದಿದ್ದರು.

So hard to see as an athlete. Reigning Olympic champion ⁦@CarolinaMarin⁩ retires hurt with a knee injury vs ⁦@NSaina⁩ in the final of Indonesia Open. Hope its not too serious for Marin. Congrats Saina. 8th final here 👌 pic.twitter.com/tqjnlLpAld

— Viren Rasquinha (@virenrasquinha) January 27, 2019

ಫೈನಲ್ ನಲ್ಲಿ ಮೂರು ಬಾರಿ ವಿಶ್ವ ಚಾಂಪಿಯನ್ ಹಾಗೂ ಹಾಲಿ ಒಲಿಂಪಿಕ್ ಚಾಂಪಿಯನ್ ಮರಿನ್ ಅವರು ಮೇಲುಗೈ ಸಾಧಿಸುವ ನಿರೀಕ್ಷೆಯಿತ್ತು. ಆದರೆ, ಗಾಯಗೊಂಡು ನಿವೃತ್ತರಾಗಿದ್ದರಿಂದ ಸೈನಾಗೆ ಪ್ರಶಸ್ತಿ ಲಭಿಸಿದೆ.

'ಒಂಟಿಯಿಂದ ಜಂಟಿ'ಗೆ ಬದಲಾದ ಸೈನಾ ನೆಹ್ವಾಲ್-ಪಾರುಪಳ್ಳಿ ಕಶ್ಯಪ್!

ಕಳೆದ ವರ್ಷ ಇಂಡೋನೇಷಿಯಾ ಮಾಸ್ಟರ್ಸ್ ಮಹಿಳಾ ಸಿಂಗಲ್ಸ್ ಫೈನಲ್ ನಲ್ಲಿ ಸೈನಾ ಅವರು ಚೈನೀಸ್ ತೈಪೆಯ ತಾಯಿ ಜು ಯಿಂಗ್ ವಿರುದ್ಧ 9-21, 13-21 ರಲ್ಲಿ ಸೋಲು ಕಂಡಿದ್ದರು.