ಕ್ವಾರ್ಟರ್ ಫೈನಲ್ ನಲ್ಲಿ ನಿರಾಸೆ ಮೂಡಿಸಿದ ಶ್ರೀಕಾಂತ್

ರಿಯೋ ಡಿ ಜನೈರೋ ಆಗಸ್ಟ್, 17: ಭಾರತದ ಶಟ್ಲರ್ ಕಿಡಂಬಿ ಶ್ರೀಕಾಂತ್ ಕ್ವಾರ್ಟರ್ ಫೈನಲ್ ನಲ್ಲಿ ಸೋಲು ಕಂಡಿದ್ದಾರೆ. ಪುರುಷರ ಬ್ಯಾಡ್ಮಿಂಟನ್ ಸಿಂಗಲ್ಸ್ ನಲ್ಲಿ ಚೀನಾದ ಲಿನ್ ಡನ್​ ವಿರುದ್ಧ ಪರಾಭವಗೊಂಡು ಪದಕದ ಆಸೆ ಹುಸಿಗೊಳಿಸಿದ್ದಾರೆ.

ರಿಯೋ ಒಲಿಂಪಿಕ್ಸ್ 2016 : ಗ್ಯಾಲರಿ || ವಿಶೇಷ ಪುಟ

ಬುಧವಾರ(ಆ.17) ರಂದು ನಡೆದ ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್ ನಲ್ಲಿ ಲಂಡನ್ ಒಲಿಂಪಿಕ್ಸ್ ಚಾಂಪಿಯನ್ ಚೀನಾದ ಲಿನ್ ಡನ್​ ವಿರುದ್ಧ 6-21, 21-11, 18-21 ಅಂತರದಲ್ಲಿ ಪರಾಭವಗೊಂಡರು.

ಆರಂಭದ ಸೆಟ್ ನಲ್ಲಿ ಹಿನ್ನಡೆ ಅನುಭವಿಸಿದ ಶ್ರೀಕಾಂತ್ ಎರಡನೇ ಸೆಟ್ ನಲ್ಲಿ 21-11 ಅಂತರದಲ್ಲಿ ಗೆದ್ದು ಎದುರಾಳಿಗೆ ತಿರುಗೇಟು ನೀಡಿದರು. ಇದರಿಂದ ತಲಾ ಒಂದೊಂದು ಸೆಟ್ ಜಯಗಳಿಸಿ ಸಮಬಲ ಸಾಧಿಸಿದರು.

ಆದರೆ, ಅಂತಿಮ ಸೆಟ್ ನಲ್ಲಿ ಶ್ರೀಕಾಂತ್ ತೀವ್ರ ಪೈಪೋಟಿ ನಡೆಸಿದರಾದರೂ ಕೊನೆಯಲ್ಲಿ 18-21 ಅಂತರದಲ್ಲಿ ಸೋಲು ಅನುಭವಿಸಿದರು.