ಟೀಮ್ ಇಂಡಿಯಾ ಪರ 16 ಜನ ಪದಾರ್ಪಣೆ, ಬೆಂಚ್ ಸ್ಟ್ರೆಂತ್ ಬಲಾಢ್ಯ

ಟೀಮ್ ಇಂಡಿಯಾ ಕಳೆದ ಕೆಲವು ವರ್ಷಗಳಿಂದ ತನ್ನ ಬೆಂಚ್ ಸ್ಟ್ರೆಂತ್ ಮೇಲೆ ಕೆಲಸ ಮಾಡುತ್ತಿದೆ. ಈ ಮೂಲಕ ಟೀಮ್ ಇಂಡಿಯಾ ಮುಂದಿನ ಪೀಳಿಗೆಯ ಆಟಗಾರರನ್ನು ರೆಡಿ ಮಾಡುತ್ತಿದೆ. ಸ್ಟಾರ್ ಆಟಗಾರರನ್ನು ಬೆಂಚ್ ಮೇಲೆ ಹೊಂದಿರುವ ಟೀಮ್ ಇಂಡಿಯಾ ಸದಾ ಚರ್ಚೆಯಲ್ಲಿರುತ್ತದೆ.

2023ರಲ್ಲಿ ಟೀಮ್ ಇಂಡಿಯಾ ಯುವ ಕ್ರಿಕೆಟ್ ಆಟಗಾರರ ಪಾಲಿಗೆ ಅದೃಷ್ಟದ ವರ್ಷ ಎಂದರೆ ತಪ್ಪಾಗಲಿಕಿಲ್ಲ. ಈ ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ಆಟಗಾರರ ಸಂಖ್ಯೆ 16ಕ್ಕೆ ಏರಿದೆ.

ಟೀಂ ಇಂಡಿಯಾದ 16 ಹೊಸ ಆಟಗಾರರು ಕ್ರಿಕೆಟ್‌ನ ವಿವಿಧ ಸ್ವರೂಪಗಳಲ್ಲಿ ಪದಾರ್ಪಣೆ ಮಾಡಿದ್ದಾರೆ. ಆದರೆ ಎಲ್ಲಾ ಮೂರು ಮಾದರಿಗಳಲ್ಲಿ ಒಬ್ಬ ಆಟಗಾರ ಮಾತ್ರ ಪದಾರ್ಪಣೆ ಮಾಡಿದ್ದಾರೆ. ಬಿಹಾರದ ಮುಖೇಶ್ ಕುಮಾರ್ 2023 ರಲ್ಲಿ ಟಿ20, ಏಕದಿನ ಮತ್ತು ಟೆಸ್ಟ್ ಎಲ್ಲಾ ಮೂರು ಸ್ವರೂಪಗಳಲ್ಲಿ ಟೀಂ ಇಂಡಿಯಾಗೆ ಪದಾರ್ಪಣೆ ಮಾಡಿದ ಏಕೈಕ ಆಟಗಾರ. ಮುಖೇಶ್ ಕುಮಾರ್ ಹೊರತುಪಡಿಸಿ ಯಾವ ಆಟಗಾರ ಎಲ್ಲ ಸ್ವರೂಪದಲ್ಲಿ ಪದಾರ್ಪಣೆ ಮಾಡಿಲ್ಲ.

2023ರಲ್ಲಿ ಒಟ್ಟು 11 ಆಟಗಾರರು ಟೀಮ್ ಇಂಡಿಯಾಕ್ಕೆ ಟಿ20 ಮಾದರಿಯಲ್ಲಿ ಪದಾರ್ಪಣೆ ಮಾಡಿದ್ದಾರೆ. ಇವರಲ್ಲಿ ಶುಭಮನ್ ಗಿಲ್, ತಿಲಕ್ ವರ್ಮಾ, ರಾಹುಲ್ ತ್ರಿಪಾಠಿ, ಶಿವಂ ಮಾವಿ, ಶಹಬಾಜ್ ಅಹ್ಮದ್, ಆರ್ ಸಾಯಿ ಕಿಶೋರ್, ಪ್ರಸಿದ್ಧ್ ಕೃಷ್ಣ, ಜಿತೇಶ್ ಶರ್ಮಾ, ಮುಖೇಶ್ ಕುಮಾರ್, ಯಶಸ್ವಿ ಜೈಸ್ವಾಲ್ ಮತ್ತು ರಿಂಕು ಸಿಂಗ್ ಅವರ ಹೆಸರುಗಳು ಸೇರಿವೆ.

ODI ಸ್ವರೂಪದಲ್ಲಿ ಯಾರು ತಮ್ಮ ಚೊಚ್ಚಲ ಪಂದ್ಯ ಆಡಿದ ಆಟಗಾರರ ಸಂಖ್ಯೆ ಐದು. ಈ ಆಟಗಾರರ ಹೆಸರುಗಳಲ್ಲಿ ಮುಖೇಶ್ ಕುಮಾರ್, ರಜತ್ ಪಾಟಿದಾರ್, ಆರ್ ಸಾಯಿ ಕಿಶೋರ್, ರಿಂಕು ಸಿಂಗ್ ಮತ್ತು ತಿಲಕ್ ವರ್ಮಾ ಸೇರಿದ್ದಾರೆ.

2023 ರಲ್ಲಿ ಒಟ್ಟು 6 ಆಟಗಾರರು ಭಾರತೀಯ ಪುರುಷರ ಟೆಸ್ಟ್‌ ಕ್ರಿಕೆಟ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದಾರೆ. ಇದರಲ್ಲಿ ಕೆಎಸ್ ಭರತ್, ಸೂರ್ಯಕುಮಾರ್ ಯಾದವ್, ಇಶಾನ್ ಕಿಶನ್, ಯಶಸ್ವಿ ಜೈಸ್ವಾಲ್, ಮುಖೇಶ್ ಕುಮಾರ್ ಮತ್ತು ಪ್ರಸಿದ್ಧ್ ಕೃಷ್ಣ ಅವರ ಹೆಸರುಗಳು ಸೇರಿವೆ. ಪ್ರಸಿದ್ಧ್ ಕೃಷ್ಣ ಅವರು ಸೆಂಚುರಿಯನ್‌ನಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಪರ್ಪಣೆ ಮಾಡಿದರು.

ಈ ರೀತಿಯಾಗಿ, 2023 ರ ವರ್ಷವು ಭಾರತೀಯ ಪುರುಷರ ಕ್ರಿಕೆಟ್ ತಂಡಕ್ಕೆ ಸಾಕಷ್ಟು ಸ್ಮರಣೀಯವಾಗಿದೆ. ಈ ವರ್ಷ, ಟೀಂ ಇಂಡಿಯಾದ ಒಟ್ಟು 16 ಹೊಸ ಆಟಗಾರರು ಹಲವು ಮಾದರಿಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದಾರೆ.

ಈ 16 ಆಟಗಾರರಲ್ಲಿ ಎಷ್ಟು ಆಟಗಾರರು ಮುಂದಿನ 10-15 ಅಥವಾ 20 ವರ್ಷಗಳ ಕಾಲ ಕ್ರಿಕೆಟ್ ಆಡಬಲ್ಲರು. ಆದರೆ, ಈ ಎಲ್ಲಾ ಆಟಗಾರರು ಟೀಮ್ ಇಂಡಿಯಾದ ಭವಿಷ್ಯವನ್ನು ನಿಭಾಯಿಸುವ ಸಾಮರ್ಥ್ಯ ಹೊಂದಿದ್ದಾರೆ. ಈ ಎಲ್ಲಾ ಆಟಗಾರರ ಪ್ರದರ್ಶನವನ್ನು ನೋಡಿದರೆ, ಶುಭಮನ್ ಗಿಲ್, ತಿಲಕ್ ವರ್ಮಾ, ರಿಂಕು ಸಿಂಗ್, ಯಶಸ್ವಿ ಜೈಸ್ವಾಲ್ ಮತ್ತು ಮುಖೇಶ್ ಕುಮಾರ್ ಕೆಲವು ಆಟಗಾರರು ಸ್ಥಿರ ಪ್ರದರ್ಶನ ನೀಡಿ ತಂಡದಲ್ಲಿ ಸ್ಥಾನ ಭದ್ರ ಪಡಿಸಿಕೊಳ್ಳಬಹುದು.