ಕ್ರಿಕೆಟ್: ಆಸ್ಟ್ರೇಲಿಯಾ ಎ ವಿರುದ್ಧ ಭಾರತ ಎ ತಂಡಕ್ಕೆ ರೋಚಕ ಗೆಲುವು

2nd unofficial cricket test India A vs Australia A at Alur India A won by 6 wickets

ಆಲೂರು, ಸೆಪ್ಟೆಂಬರ್ 11: ಆಸ್ಟ್ರೇಲಿಯಾ ಎ ವಿರುದ್ಧ ಆಲೂರಿನ ಕೆಎಸ್‌ಸಿಎ ಮೈದಾನದಲ್ಲಿ ನಡೆದ ನಾಲ್ಕು ದಿನಗಳ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಭಾರತ ಎ ರೋಚಕ ಗೆಲುವು ಸಾಧಿಸಿದೆ.

ನಾಲ್ಕನೆಯ ದಿನದ ಕೊನೆಯಲ್ಲಿ ಗೆಲ್ಲಲು ಎಂಟು ಓವರ್‌ಗಳಲ್ಲಿ 54 ರನ್ ಗಳಿಸಬೇಕಿದ್ದ ಭಾರತ ಎ, 6.2 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.

ಭಾರತ vs ಇಂಗ್ಲೆಂಡ್, 5ನೇ ಟೆಸ್ಟ್: ಇಂಗ್ಲೆಂಡ್ ಗೆ 118 ರನ್ ಭರ್ಜರಿ ಜಯ

ಎಂಟು ಓವರ್‌ಗಳ ಒಳಗೆ ಗುರಿ ಮುಟ್ಟಲು ಸಾಧ್ಯವಾಗದೆ ಇದ್ದರೆ ಪಂದ್ಯ ಡ್ರಾದಲ್ಲಿ ಅಂತ್ಯವಾಗುತ್ತಿತ್ತು. ಮೊದಲ ಪಂದ್ಯದಲ್ಲಿ ಸೋಲು ಅನುಭವಿಸಿದ್ದ ಭಾರತ, ಗೆಲುವಿನ ಈ ಅಪೂರ್ವ ಅವಕಾಶವನ್ನು ಕೈಬಿಡಲಿಲ್ಲ.

ಸುಲಭದ ಗುರಿ ಬೆನ್ನತ್ತಿದ್ದ ಭಾರತ ಆರಂಭದಲ್ಲಿಯೇ 11 ರನ್‌ಗಳಿಗೆ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ, ಅಂಕಿತ್ ಭಾವ್ನೆ 18 ಎಸೆತಗಳಲ್ಲಿ 28 ರನ್ ಗಳಿಸಿ ತಂಡದ ಗೆಲುವಿಗೆ ಕಾರಣರಾದರು.

ಕೊನೆಯ ಬಾಲ್ ಗೆ ಸಿಕ್ಸ್ ಬೀಸಿ ಭಾರತದೆದುರು ಪಾಕ್ ಗೆಲ್ಲಿಸಿದ್ದರು ಜಾವೆದ್!

ಮೂರನೇ ದಿನದ ಅಂತ್ಯಕ್ಕೆ ಎರಡು ವಿಕೆಟ್ ಕಳೆದುಕೊಂಡಿದ್ದ ಆಸ್ಟ್ರೇಲಿಯಾ ಎ ಇನ್ನಿಂಗ್ಸ್ ಸೋಲಿನ ಭೀತಿಯಲ್ಲಿ ಸಿಲುಕಿತ್ತು. ನಾಲ್ಕನೆಯ ದಿನವಾದ ಮಂಗಳವಾರ ಪೀಟರ್‌ ಹ್ಯಾಂಡ್‌ಸ್ಕಂಬ್, ಟ್ರಾವಿಸ್ ಹೆಡ್, ಮಿಚೆಲ್ ಮಾರ್ಷ್ ಅವರ ಹೋರಾಟದಿಂದ ತುಸು ಚೇತರಿಸಿಕೊಂಡಿತು.

ಕೊನೆಯಲ್ಲಿ ಮಿಖಾಯಲ್ ನೆಸೆರ್ ಮತ್ತು ಕ್ರಿಸ್ ಟ್ರೆಮೈನ್ ಡ್ರಾ ಮಾಡುವ ಪ್ರಯತ್ನದಲ್ಲಿ ಭಾರತದ ಬೌಲರ್‌ಗಳನ್ನು ತೀವ್ರವಾಗಿ ಕಾಡಿದರು. ನೆಸೆರ್ 17 ರನ್ ಗಳಿಸಲು 112 ಎಸೆತಗಳನ್ನು ಎದುರಿಸಿದರೆ, ಟ್ರೆಮೈನ್ 41 ಎಸೆತಗಳನ್ನು ಆಡಿ ಕೇವಲ 1 ರನ್ ಗಳಿಸಿದರು. ಕುಲದೀಪ್ ಯಾದವ್ ಮತ್ತು ಕೆ. ಗೌತಮ್ ಸ್ಪಿನ್ ಮೋಡಿ ಈ ವಿಕೆಟ್‌ಗಳನ್ನು ಉರುಳಿಸಿತು.

ಇಂಗ್ಲೆಂಡ್ ನಲ್ಲಿ ಶತಕ ಸಿಡಿಸಿದ ಭಾರತದ ಮೊದಲ ವಿಕೆಟ್ ಕೀಪರ್ ಪಂತ್!

ಸಂಕ್ಷಿಪ್ತ ಸ್ಕೋರ್
ಆಸ್ಟ್ರೇಲಿಯಾ ಎ, ಮೊದಲ ಇನ್ನಿಂಗ್ಸ್: 346/10 (109) ಟ್ರಾವಿಸ್ ಹೆಡ್ 68, ಮಿಚೆಲ್ ಮಾರ್ಷ್ 113, ಕುರ್ಟಿಸ್ ಪ್ಯಾಟರ್ಸನ್ 48, ಮಿಖಾಯಲ್ ನೆಸೆರ್ 44, ಕುಲದೀಪ್ ಯಾದವ್ 91/5, ಶಹಬಾಜ್ ನದೀಮ್ 90/3

ಭಾರತ ಎ, ಮೊದಲ ಇನ್ನಿಂಗ್ಸ್: 505/10 (104) ಶ್ರೀಕರ್ ಭರತ್ 106, ಆರ್. ಸಮರ್ಥ್ 83, ಅಭಿಮನ್ಯು ಈಶ್ವರನ್ 86, ಶುಭ್‌ಮನ್ ಗಿಲ್ 50, ಕ್ರಿಸ್ ಟ್ರೆಮೈನ್ 41/3, ಆಷ್ಟೋನ್ ಅಗರ್ 87/3

ಆಸ್ಟ್ರೇಲಿಯಾ ಎ, ಎರಡನೆಯ ಇನ್ನಿಂಗ್ಸ್: 231/10 (102.5) ಟ್ರಾವಿಸ್ ಹೆಡ್ 47, ಪೀಟರ್‌ ಹ್ಯಾಂಡ್‌ಸ್ಕಂಬ್ 56, ಮಿಚೆಲ್ ಮಾರ್ಷ್ 36, ಕುಲದೀಪ್ ಯಾದವ್ 46/3, ಕೆ. ಗೌತಮ್ 39/3, ದೀಪಕ್ ಚಾಹರ್ 30/2

ಭಾರತ ಎ, ಎರಡನೆಯ ಇನ್ನಿಂಗ್ಸ್: 55/4 (6.2) ಅಂಕಿತ್ ಭಾವ್ನೆ 28*, ಶ್ರೀಕರ್ ಭರತ್ 12, ಮಿಖಾಯೆಲ್ ನೆಸೆರ್ 28/2, ಕ್ರಿಸ್ ಟ್ರೆಮೈನ್ 26/2

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

    ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

    Story first published: Wednesday, September 12, 2018, 8:35 [IST]
    Other articles published on Sep 12, 2018
    POLLS

    myKhel ನಿಂದ ತಾಜಾ ಸುದ್ದಿಗಳನ್ನು ಪಡೆಯಿರಿ

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more