ಆರ್ ಅಶ್ವಿನ್- ಸಹಾ ಸಕತ್ ಶತಕ, ಭಾರತ ಸುಸ್ಥಿತಿಗೆ

ಗ್ರಾಸ್ ಐಸ್ಲೆ, ಆಗಸ್ಟ್ 10: ವೆಸ್ಟ್ ಇಂಡೀಸ್ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದ ಎರಡನೇ ದಿನದಂದು ಆರ್ ಅಶ್ವಿನ್ ಹಾಗೂ ವೃದ್ಧಿಮಾನ್ ಸಹಾ ಅಮೋಘ ಶತಕ ಬಾರಿಸಿದ್ದಾರೆ. ಅಶ್ವಿನ್ ಹಾಗೂ ವೃದ್ಧಿಮಾನ್ ದಾಖಲೆಯ ಜೊತೆಯಾಟದ ನೆರವಿನಿಂದ ಡರೆನ್ ಸಾಮಿ ಸ್ಟೇಡಿಯಂನಲ್ಲಿ ಬುಧವಾರ ವಿಂಡೀಸ್ ವಿರುದ್ಧ ಭಾರತ ಸುಸ್ಥಿತಿ ತಲುಪಿದರೂ 129.4 ಓವರ್ ಗಳಲ್ಲಿ 353 ಸ್ಕೋರಿಗೆ ಆಲೌಟ್ ಆಗಿದೆ.

| ಮೊದಲ ದಿನದ ಆಟದ ವರದಿ

ಭೋಜನ ವಿರಾಮದ ನಂತರ ಆರ್ ಅಶ್ವಿನ್ ಅವರು ತಮ್ಮ ವೃತ್ತಿ ಬದುಕಿನ ನಾಲ್ಕನೇ ಟೆಸ್ಟ್ ಶತಕ ಬಾರಿಸಿದರು. ಅದು ಕೂಡಾ ಸಿಕ್ಸ್ ಎತ್ತಿ ಶತಕ ಪೂರೈಸಿದರು.

ಇನ್ನೊಂದೆಡೆ ವೃದ್ಧಿಮಾನ್ ಸಹಾ ಅವರು ಚೊಚ್ಚಲ ಶತಕ ಗಳಿಸಿ ಸಂಭ್ರಮಿಸಿದರು. ವಿಕೆಟ್ ಕೀಪರ್ ಸಹಾ 104 ರನ್(13 ಬೌಂಡರಿ) ಗಳಿಸಿ ಜೋಸೆಫ್ ಗೆ ವಿಕೆಟ್ ಒಪ್ಪಿಸಿದರು. [ರೋಹಿತ ಟೆಸ್ಟ್ ಆಡದಿದ್ದರೆ 'ಹಿತ' : ಟ್ವೀಟ್ ಅಭಿಮತ]

ಅಶ್ವಿನ್ ಕೂಡಾ 6 ಬೌಂಡರಿ ಹಾಗೂ ಒಂದು ಸಿಕ್ಸರ್ ಇದ್ದ 118 ರನ್ ಗಳಿಸಿ ಕಮಿನ್ಸ್ ಗೆ ವಿಕೆಟ್ ಒಪ್ಪಿಸಿದರು. ಜಡೇಜ ಕೇವಲ 6 ರನ್ ಗಳಿಸಿದರು.

ಮೊದಲ ದಿನದ ಅಂತ್ಯಕ್ಕೆ ಭಾರತ 234/5 ಸ್ಕೋರ್ ಮಾಡಿತ್ತು. ಅಶ್ವಿನ್ 75 ಹಾಗೂ ಸಹಾ 46 ರನ್ ಗಳಿಸಿದ್ದರು. ಎರಡನೇ ದಿನದ ಭೋಜನ ವಿರಾಮದ ವೇಳೆಗೆ ಅಶ್ವಿನ್ 99 ರನ್ ಹಾಗೂ ಸಹಾ 93 ರನ್ ಗಳಿಸಿ 316/6 ಮೊತ್ತಕ್ಕೇರಿಸಿದರು. ಅಶ್ವಿನ್ ಹಾಗೂ ಸಹಾ 6 ನೇ ವಿಕೆಟ್ ಗೆ 65.3 ಓವರ್ ಗಳಲ್ಲಿ 200 ಪ್ಲಸ್ ರನ್ ಜೊತೆಯಾಟ ಸೇರಿಸಿದ್ದರು.