ಐಪಿಎಲ್ 2020:ಉತ್ತಮ ಮೊತ್ತಕ್ಕೆ ಹರಾಜಾಗುವ ವೆಸ್ಟ್‌ ಇಂಡೀಸ್‌ನ 4 ಆಟಗಾರರು ಇವರು!

ಶೆಲ್ಡನ್ ಕಾಟ್ರೆಲ್;

ವೆಸ್ಟ್‌ ಇಂಡೀಸ್‌ನ ಪ್ರಮುಖ ವೇಗಿ ಶೆಲ್ಡನ್ ಕಾಟ್ರೆಲ್ ತನ್ನ ವಿಭಿನ್ನ ಶೈಲಿಯ ಬೌಲಿಂಗ್‌ನಿಂದ ಎದುರಾಳಿ ಬ್ಯಾಟ್‌ಮನ್‌ಗಳನ್ನು ಕಂಗೆಡಿಸುವ ಸಾಮರ್ಥ್ಯ ಹೊಂದಿದ್ದಾರೆ. ಹೊಸ ಚೆಂಡಿನಲ್ಲಿ ಉತ್ತಮ ಸ್ವಿಂಗ್ ಮಾಡುವ ಜೊತೆಗೆ ಡೆತ್‌ ಒವರ್‌ಗಳಲ್ಲಿ ನಿಖರ ಯಾರ್ಕರ್‌ಗಳನ್ನೂ ಎಸೆಯುವ ಮೂಲಕ ತಂಡಕ್ಕೆ ನೆರವಾಗುತ್ತಾರೆ. ಈ ಆಟಗಾರನ ಮೇಲೆ ಚೆನ್ನೈ ಮತ್ತು ಡೆಲ್ಲಿ ತಂಡಗಳು ಕಣ್ಣಿಟ್ಟಿದ್ದು ಉತ್ತಮ ಮೊತ್ತಕ್ಕೆ ಹರಾಜಾಗುವುದರಲ್ಲಿ ಸಂಶಯವಿಲ್ಲ.

ಎವಿನ್ ಲೆವೀಸ್;

ಸದ್ಯ ವಿಶ್ವ ಟಿ20 ಕ್ರಿಕೆಟ್‌ನಲ್ಲಿ ಸ್ಪೋಟಕ ಆಟಗಾರರಲ್ಲಿ ಎವಿನ್ ಲೆವೀಸ್ ಕೂಡ ಒಬ್ಬರು. ಆದರೆ ಕಳೆದ ಬಾರಿ ಮುಂಬೈ ತಂಡವನ್ನು ಪ್ರತಿನಿಧಿಸಿದ್ದ ಲೆವೀಸ್ ಈ ಬಾರಿ ಹರಾಜು ಪ್ರಕ್ರಿಯೆಯಲ್ಲಿ ಭಾಗಿಯಾಗಲಿದ್ದಾರೆ. ಮುಂಬೈ ರಿಟೇನ್ ಮಾಡಿಕೊಳ್ಳದಿರುವುದೇ ಇಲ್ಲಿ ಆಶ್ಚರ್ಯ ತಂದಿದೆ. ಆದೇನೆ ಇದ್ದರೂ ಲೇವೀಸ್ ಗೆ ಈ ಬಿಡ್ಡಿಂಗ್ ಮತ್ತಷ್ಟು ಲಾಭಕಾರಿಯಾಗಿರುವುದರಲ್ಲಿ ಅನುಮಾನವಿಲ್ಲ.

ಬ್ರಾಂಡನ್ ಕಿಂಗ್;

ಕೆರೇಬಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಈ ಬಾರಿ ಅತಿಹೆಚ್ಚು ರನ್ ಬಾರಿಸಿದ ದಾಖಲೆ ಇರೋದು ಇದೇ ಬ್ರಾಂಡನ್ ಕಿಂಗ್ ಹೆಸರಿನಲ್ಲಿ. 12 ಪಂದ್ಯಗಳನ್ನಾಡಿದ ಬ್ರಾಂಡನ್ ಕಿಂಗ್ 55.11ಯಷ್ಟು ಸರಾಸರಿಯನ್ನು ಹೊಂದಿದ್ದಾರೆ. 148.94 ಸ್ಟ್ರೈಕ್ ರೇಟ್‌ನಲ್ಲಿ ರನ್ ಕಲೆಹಾಕಿದ್ದಾರೆ ಇದು ಸಹಜವಾಗಿಯೇ ಐಪಿಎಲ್ ಫ್ರಾಂಚೈಸಿಗಳ ಕಣ್ಣು ಕಿಂಗ್ ಮೇಲೆ ಬೀಳಲು ಕಾರಣವಾಗಿದೆ. ಟಿ20ಯಲ್ಲಿ ಆರಂಭಿಕ ಆಟಗಾರನಾಗಿರುವ ಕಿಂಗ್ ಮೇಲೆ ರಾಜಸ್ತಾನ ರಾಯಲ್ಸ್‌ ಹಾಗೂ ಕೆಕೆಆರ್ ತಂಡಗಳು ಚಿತ್ತ ನೆಟ್ಟಿದ್ದು ಉತ್ತಮ ಮೊತ್ತ ಪಡೆಯಲಿದ್ದಾರೆ.

ರೇಮನ್ ರೈಫರ್:

ಅಷ್ಟೇನು ಪರಿಚಿತನಲ್ಲದ ಆಟಗಾರ ರೈಮನ್ ರೈಫರ್. ಆದರೆ ಈತನ ಸಾಮರ್ಥ್ಯ ಏನು ಅನ್ನೋದನ್ನು 'ಕೆರೇಬಿಯನ್ ಪ್ರೀಮಿಯರ್ ಲೀಗ್‌'(ಸಿಪಿಎಲ್)ನಲ್ಲಿ ಈತ ತೋರಿಸಿದ್ದಾನೆ. ಈ ವರ್ಷ ಬಾರ್ಬಡೋಸ್ ಟ್ರಿನಿಡಾಡ್ ತಂಡ ಸಿಪಿಎಲ್‌ನಲ್ಲಿ ಗೆದ್ದು ಚಾಂಪಿಯನ್ ಪಟ್ಟಕ್ಕೇರಲು ಈತ ಪ್ರಮುಖ ಕಾರಣ. ಲೋ ಸ್ಕೋರಿಂಗ್ ಮ್ಯಾಚ್‌ನಲ್ಲಿ ಎದುರಾಳಿಯನ್ನು ಕೂಡ ಕಡಿಮೆ ಮೊತ್ತಕ್ಕೆ ಕಟ್ದಟಿಹಾಕುವ ಚಾಕಚಕ್ಯತೆ ರೈಫರ್‌ಗಿದೆ. ಅಷ್ಟೇನು ವೇಗದಿಂದ ಬಾಲ್ ಮಾಡದಿದ್ದರೂ ನಿಖರತೆ ಮತ್ತು ವೈವಿದ್ಯತೆ ಎದುರಾಳಿಯನ್ನು ಕಟ್ಟಿಹಾಕುವಂತೆ ಮಾಡುತ್ತದೆ. ಈ ಆಟಗಾರ ಕೂಡ ಅತ್ಯುತ್ತಮ ಬೆಲೆಗೆ ಈ ಬಾರಿಯ ಐಪಿಎಲ್‌ನಲ್ಲಿ ಹರಾಜಾವುದು ಬಹುತೇಕ ಪಕ್ಕಾ