ಡಿವಿಲಿಯರ್ಸ್ ಕರೆ ಮಾಡಿದ್ದರು, ಆದರೆ ಕಾಲ ಮಿಂಚಿಹೋಗಿತ್ತು: ಡು ಪ್ಲೆಸಿಸ್

ಎಬಿಡಿ ಬರಲು ಅವಕಾಶವಿರಲಿಲ್ಲ

ಎಬಿಡಿ ಉತ್ತಮ ಗೆಳೆಯರಾಗಿದ್ದರೂ, ಈ ವಿಚಾರದಲ್ಲಿ ಫಾಫ್ ಏನೂ ಮಾಡುವ ಸ್ಥಿತಿಯಲ್ಲಿ ಇರಲಿಲ್ಲ. ಏಕೆಂದರೆ ಆಗಲೇ ತಡವಾಗಿತ್ತು. ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ನ ಆಯ್ಕೆ ಮಂಡಳಿ ಆಗಲೇ 15 ಜನರ ತಂಡವನ್ನು ಸಿದ್ಧಪಡಿಸಿತ್ತು. ಎಬಿ ಡಿವಿಲಿಯರ್ಸ್ ತಂಡಕ್ಕೆ ಮರಳುವ ಬಯಕೆಯ ಕುರಿತು ಆಯ್ಕೆ ಮಂಡಳಿ, ನಾಯಕ ಹಾಗೂ ಕೋಚ್‌ಗೆ ತಿಳಿದಿದ್ದರೂ ಪ್ರಕಟಗೊಂಡ ಅಂತಿಮ ತಂಡದಲ್ಲಿ ಅವರ ಹೆಸರು ಇರಲಿಲ್ಲ. ಅದಕ್ಕೆ ಅವಕಾಶವೂ ಇರಲಿಲ್ಲ.

ಎಬಿ ಡಿ'ವಿಲಿಯರ್ಸ್‌ ಸೇವೆ ತಿರಸ್ಕರಿಸಿದ್ದಕ್ಕೆ ಕಾರಣಕೊಟ್ಟ ದಕ್ಷಿಣ ಆಫ್ರಿಕಾ!

ಸ್ವಲ್ಪ ಹೊತ್ತು ಮಾತನಾಡಿದ್ದಷ್ಟೇ

'ಅಂದು ಸ್ವಲ್ಪ ಸಮಯ ಮಾತನಾಡಿದ್ದಷ್ಟೇ. ತಂಡದ ಘೋಷಣೆ ಮಾಡುವ ಹಿಂದಿನ ರಾತ್ರಿ ಅವರು ಕರೆ ಮಾಡಿದ್ದರು. ಈಗ ತುಂಬಾ ವಿಳಂಬವಾಗಿದೆ. ಆದರೆ ಮರುದಿನ ಬೆಳಿಗ್ಗೆ ಕೋಚ್ ಹಾಗೂ ಆಯ್ಕೆದಾರರೊಂದಿಗೆ ಮಾತನಾಡುತ್ತೇನೆ ಎಂದು ಅವರಿಗೆ ತಿಳಿಸಿದ್ದೆ' ಎಂಬುದಾಗಿ ಫಾಫ್ ಹೇಳಿದ್ದಾರೆ.

'ಕೋಚ್ ಮತ್ತು ಆಯ್ಕೆದಾರರೊಂದಿಗೆ ಮಾತನಾಡಿದಾಗ, ಎಲ್ಲರದೂ ಒಂದೇ ಅಭಿಪ್ರಾಯವಾಗಿತ್ತು. ತಂಡವನ್ನು ಬದಲಿಸುವುದು ಶೇ 99.99ರಷ್ಟು ಕಷ್ಟ. ಏಕೆಂದರೆ ಈಗಾಗಲೇ ತಡವಾಗಿದೆ ಎಂದು ಹೇಳಿದರು' ಎಂದು ಫಾಫ್ ವಿವರಿಸಿದ್ದಾರೆ.

ಗೆಳೆತನಕ್ಕೆ ಭಂಗವಿಲ್ಲ

ಎಬಿ ಡಿವಿಲಿಯರ್ಸ್ ಅವರನ್ನು ತಂಡಕ್ಕೆ ಪರಿಗಣಿಸದೆಯೇ ಇರುವುದು ತಮ್ಮ ನಡುವಿನ ಸಂಬಂಧಕ್ಕೆ ಯಾವುದೇ ಅಡ್ಡಿಯಾಗಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ. 'ನಾನು ಮತ್ತು ಎಬಿಡಿ ಈಗಲೂ ಸ್ನೇಹಿತರು. ಈ ಘಟನೆ ಅದನ್ನು ಬದಲಿಸಿಲ್ಲ. ಸುದೀರ್ಘ ಕಾಲದ ಗೆಳೆತನಕ್ಕೆ ಇದು ಸಣ್ಣ ಸಂಗತಿಯಷ್ಟೇ' ಎಂದಿದ್ದಾರೆ.

ತಂಡದ ಮೇಲೆ ಪರಿಣಾಮವಾಗಿಲ್ಲ

'ಸುದ್ದಿ ಬಂದು ತಂಡದ ಮಧ್ಯೆ ಹಾದುಹೋಯಿತು ಎಂದಷ್ಟೇ ನಮಗೆ ಅನುಭವವಾಯಿತು. ಇದರಿಂದ ಅಂತಹ ದೊಡ್ಡ ಪರಿಣಾಮವೇನೂ ಆಗಿಲ್ಲ. ಏನಾಗುತ್ತಿದೆ ಎಂಬುದನ್ನು ಪ್ರತಿಯೊಬ್ಬರೂ ಅರಿಯಲು ಹಾಗೂ ಮುಂದೆ ಸಾಗಲು ಸ್ಪಷ್ಟನೆ ಇರುವ ಸಲುವಾಗಿಯಷ್ಟೇ ಚರ್ಚೆ ನಡೆದಿತ್ತು ಎಂದು ತಿಳಿಸಿದ್ದಾರೆ.

ಮರಳಲು ಬಯಸಿದ್ದ ಎಬಿಡಿ

35 ವರ್ಷದ ಎಬಿಡಿ, ಕಳೆದ ವರ್ಷದ ಮೇ ತಿಂಗಳಿನಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾಗಿದ್ದರು. ಐಪಿಎಲ್‌ನಲ್ಲಿ ಆಡಿದ್ದ ಅವರು, ವಿಶ್ವಕಪ್‌ನ ಅಂತಿಮ 15ರ ತಂಡವನ್ನು ಪ್ರಕಟಿಸುವ ಹಿಂದಿನ ದಿನವಷ್ಟೇ ತಂಡದ ನಾಯಕ ಫ್ಲಾಪ್ ಡು ಪ್ಲೆಸಿಸ್, ಕೋಚ್ ಒಟ್ಟಿಸ್ ಗಿಬ್ಸನ್ ಮತ್ತು ಆಯ್ಕೆದಾರರ ಸಂಚಾಲಕ ಲಿಂಡಾ ಜೊಂಡಿ ಅವರನ್ನು ಸಂಪರ್ಕಿಸಿ ಮಾತನಾಡಿ ತಂಡಕ್ಕೆ ಮರಳುವ ಬಯಕೆ ವ್ಯಕ್ತಪಡಿಸಿದ್ದರು. ಆದರೆ, ಅವರ ಮನವಿಯನ್ನು ಪರಿಗಣಿಸಿರಲಿಲ್ಲ ಎಂದು ವರದಿ ಹೇಳಿತ್ತು.