ಶಾರ್ಜಾದಲ್ಲಿ ಎಬಿಡಿ ಸಿಕ್ಸರ್ ಅಬ್ಬರ: ಸ್ಟೇಡಿಯಂ ಹೊರಗಡೆ ಕಾರುಗಳಿಗೆ ಚೆಂಡಿನ ದರ್ಶನ

ಕೊಲ್ಕತ್ತಾ ನೈಟ್‌ ರೈಡರ್ಸ್ ವಿರುದ್ಧ ಸೋಮವಾರ ಶಾರ್ಜಾದಲ್ಲಿ ನಡೆದ ಪಂದ್ಯದಲ್ಲಿ ಎಬಿ ಡಿ ವಿಲಿಯರ್ಸ್ ತಾನೇಕೆ ವಿಶ್ವಶ್ರೇಷ್ಟ ಬ್ಯಾಟ್ಸ್‌ಮನ್ ಎಂಬುದನ್ನು ಮತ್ತೊಮ್ಮೆ ಸಾಭೀತು ಪಡಿಸಿದರು.

ಕೆಕೆಆರ್ ವಿರುದ್ಧ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆರ್‌ಸಿಬಿ ಉತ್ತಮ ಆರಂಭ ಪಡೆದರೂ ನಂತರ ಫಿಂಚ್ ಹಾಗೂ ಪಡಿಕ್ಕಲ್ ವಿಕೆಟ್ ಕಳೆದುಕೊಂಡಿತು. ನಾಯಕ ವಿರಾಟ್‌ ಕೊಹ್ಲಿ ಕೂಡ ರನ್‌ ಗಳಿಸಲು ಪರದಾಡುತ್ತಿರುವಾಗ, ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ್ದು ಮಿಸ್ಟರ್ 360 ಎಬಿ ಡಿ ವಿಲಿಯರ್ಸ್.

ಮೈದಾನದ ಆಚೆಗೂ ಚೆಂಡನ್ನ ಕಳಿಸಿದ ಎಬಿಡಿ ಆರು ಭರ್ಜರಿ ಸಿಕ್ಸರ್‌ಗಳನ್ನು ಸಿಡಿಸಿದರು. ಅದರಲ್ಲಿ ಎರಡು ನೆಲದಿಂದ ಹೊರಟುಹೋದರು ಬದಲಿಗೆ ಚೆಂಡು ಶಾರ್ಜಾದ ರಸ್ತೆಗಳಲ್ಲಿ ಚಲಿಸುವ ವಾಹನಗಳಲ್ಲಿ ಹೋಗಿ ಬಡಿದಿದೆ.

ಕಮಲೇಶ್ ನಾಗರ್ಕೋಟಿ ಬೌಲಿಂಗ್ ಮಾಡುತ್ತಿದ್ದ ಇನಿಂಗ್ಸ್‌ನ 16 ನೇ ಓವರ್‌ನಲ್ಲಿ ಈ ಘಟನೆ ನಡೆದಿದೆ. ಎಬಿಡಿ ಸಿಕ್ಸರ್ ಸಿಡಿಸುತ್ತಿದ್ದಂತೆ ಚೆಂಡು ಸ್ಟೇಡಿಯಂ ಹೊರಗೆ ಸಂಚರಿಸುವ ಕಾರಿಗೆ ಬಡಿದ ಪರಿಣಾಮ ಇದರಿಂದಾಗಿ ಕೆಲಕಾಲ ಶಾರ್ಜಾದಲ್ಲಿ ಸಂಚಾರಕ್ಕೆ ಅಡೆತಡೆಯಾಗಿದೆ.

ಡಿವಿಲಿಯರ್ಸ್ ಕೇವಲ 33 ಎಸೆತಗಳಲ್ಲಿ ಐದು ಬೌಂಡರಿಗಳು ಮತ್ತು ಆರು ಬೃಹತ್ ಗರಿಷ್ಠಗಳೊಂದಿಗೆ ಅಜೇಯ 73 ರನ್ ಗಳಿಸಿದರು. ಕೊಹ್ಲಿ ಇನ್ನೊಂದು ತುದಿಯಲ್ಲಿ 28 ಎಸೆತಗಳಲ್ಲಿ ಕೇವಲ 1 ಬೌಂಡರಿಯೊಂದಿಗೆ 33 ರನ್ ಗಳಿಸಿದರು. ತನ್ನ ಸ್ನೇಹಿತ ಮತ್ತು ಹಾಗೂ ಬೆಸ್ಟ್ ಪ್ಲೇಯರ್ ಎಬಿಡಿ ಅಬ್ಬರಿಸುತ್ತಿರುವಾಗ ಕೊಹ್ಲಿ ಹೆಚ್ಚು ಸ್ಟ್ರೈಕ್ ಬಿಟ್ಟುಕೊಟ್ಟರು