ಕೊರೊನಾ ವೈರಸ್‌ ಭೀತಿ ಮಧ್ಯೆ ಪ್ರಮುಖ ಕ್ರಿಕೆಟ್ ಲೀಗ್ ಟೂರ್ನಿಯ ದಿನಾಂಕ ಘೋಷಣೆ!

ಟಿ10 ಕ್ರಿಕೆಟ್ ಟೂರ್ನಿಗೆ ದಿನಾಂಕ ಫಿಕ್ಸ್

ಕೊರೊನಾ ವೈರಸ್‌ನ ಆತಂಕದ ಮಧ್ಯೆಯೇ ಕ್ರಿಕೆಟ್ ಟೂರ್ನಿ ನಡೆಸುವ ದಿನಾಂಕ ಪ್ರಕಟವಾಗಿದೆ. ಆ ಟೂರ್ನಿ ಬೇರೆ ಯಾವುದೂ ಅಲ್ಲ. ಅದು ಅಬುದಾಬಿ ಟಿ10 ಟೂರ್ನಮೆಂಟ್. 2017ರಿಂದ ಆರಂಭವಾದ ಟೂರ್ನಮೆಂಟ್‌ನ ನಾಲ್ಕನೇ ಆವೃತ್ತಿಯ ದಿನಾಂಕವನ್ನು ಪ್ರಕಟಿಸಲಾಗಿದೆ.

ನವೆಂಬರ್‌ನಲ್ಲಿ ನಡೆಯಲಿದೆ ಟೂರ್ನಿ

ಈ ಟಿ10 ಕ್ರಿಕೆಟ್ ಟೂರ್ನಿ ನವೆಂಬರ್ ತಿಂಗಳಿನಲ್ಲಿ ನಡೆಯಲಿದೆ. ನವೆಂಬರ್ 19 ರಿಂದ ಆರಂಭವಾಗಲಿರುವ ವಿಶಿಷ್ಟ ಕ್ರಿಕೆಟ್ ಲೀಗ್ ಅದೇ ತಿಂಗಳ 28ಕ್ಕೆ ಅಂತ್ಯವಾಗಲಿದೆ. ಒಟ್ಟು 9 ದಿನ ಈ ಕ್ರೀಡಾಕೂಟವನ್ನು ಆಯೋಜನೆ ಮಾಡಲಾಗುತ್ತದೆ.

ಹತ್ತು ಓವರ್‌ಗಳ ಪಂದ್ಯ

ಬೇರೆ ಕ್ರಿಕೆಟ್ ಟೂರ್ನಿಗಳಿಗಿಂತ ದು ಭಿನ್ನ ಇದೇ ಕಾರಣಕ್ಕೆ. ಇದು ಕೇವಲ 10 ಓವರ್‌ಗಳ ಟೂರ್ನಿಯಾಗಿದೆ. ಎರಡೂ ತಂಡಗಳು ತಲಾ ಹತ್ತು ಓವರ್‌ಗಳ ಬ್ಯಾಟಿಂಗ್ ನಡೆಸಬೇಕಾಗುತ್ತದೆ. ಪ್ರತೀ ಪಂದ್ಯವೂ 90 ನಿಮಿಷಗಳಲ್ಲಿ ಫಲಿತಾಂಶವನ್ನು ಪಡೆಯುತ್ತದೆ. ಯುಎಇ ನಲ್ಲೇ ಎಲ್ಲಾ ಪಂದ್ಯಗಳೂ ನಡೆಯುತ್ತದೆ.

ದಿಗ್ಗಜ ಕ್ರಿಕೆಟಿಗರು ಟೂರ್ನಿಯಲ್ಲಿ ಭಾಗಿ

ಈ ಟೂರ್ನಿಯಲ್ಲಿ ದಿಗ್ಗಜ ಕ್ರಿಕೆಟಿಗರು ಭಾಗಿಯಾಗುತ್ತಾರೆ. ಭಾರತದ ಯುವರಾಜ್ ಸಿಂಗ್, ಜಹೀರ್ ಖಾನ್ ಕೂಡ ಈ ಟೂರ್ನಿಯ ಪ್ರಮುಖ ಆಕರ್ಷಣೆಯಾಗಿದ್ದಾರೆ. ವಿಶ್ವಕಪ್ ವಿಜೇತ ಇಂಗ್ಲೆಂಟ್ ತಂಡದ ನಾಯಕ ಇಯಾನ್ ಮಾರ್ಗನ್, ಆಸ್ಟ್ರೇಲಿಯಾದ ಕ್ರಿಸ್ ಲಿನ್, ಶೇನ್ ವಾಟ್ಸನ್, ಶ್ರೀಲಂಕಾದ ಲಸಿತ್ ಮಲಿಂಗ, ವೆಸ್ಟ್‌ ಇಂಡೀಸ್‌ನ ಡ್ವೇಯ್ನ್ ಬ್ರಾವೋ ಸೇರಿದಂತೆ ಹಲವಾರು ಹೆಸರಾಂತ ಕ್ರಿಕೆಟಿಗರು ಕಾಣಿಸಿಕೊಳ್ಳಲಿದ್ದಾರೆ.

ಯಶಸ್ಸು ಪಡೆದ ಮೊದಲ ಆವೃತ್ತಿ

ಕಳೆದ ವರ್ಷ ಮೊದಲ ಬಾರಿಗೆ ಈ ಟೂರ್ನಿ ಆಯೋಜನೆಯಾಗಿತ್ತು. ಅಬುದಾಬಿ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಇಲಾಖೆ, ಅದುದಾಬಿ ಕ್ರೀಡಾ ಮಂಡಳಿ ಮತ್ತು ಅಬುದಾಬಿ ಕ್ರಿಕೆಟ್ ಒಟ್ಟಾಗಿ ಈ ಟೂರ್ಇಯನ್ನು ಆಯೋಜನೆ ಮಾಡುತ್ತಿದೆ. ಶೇಖ್ ಜಾಯೇದ್ ಕ್ರಿಕೆಟ್ ಸ್ಟೇಡಿಯಮ್‌ನಲ್ಲಿ 10 ದಿನ ನಡೆದ ಟೂರ್ನಿಯನ್ನು 1,20,000 ಜನ ನೇರವಾಗಿ ವೀಕ್ಷಿಸಿದ್ದರು. ಡ್ವೇಯ್ನ್ ಬ್ರಾವೋ ನೇತೃತ್ವದ ಮರಾಠಾ ಅರೇಬಿಯನ್ಸ್ ತಂಡ ಕಳೆದ ಆವೃತ್ತಿಯ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು.