ವಿಶ್ವಕಪ್ 2023: ಭಾರತ vs ಪಾಕಿಸ್ತಾನ ಪಂದ್ಯ ಸಮೀಪಿಸುತ್ತಿದ್ದಂತೆ ಅಹಮದಾಬಾದ್ ವಿಮಾನ ಟಿಕೆಟ್ ದರದಲ್ಲಿ ಭಾರೀ ಏರಿಕೆ

ಭಾರತದಲ್ಲಿ ಅಕ್ಟೋಬರ್ 5ರಿಂದ ಆರಂಭವಾಗಲಿರುವ 2023ರ ಐಸಿಸಿ ಏಕದಿನ ವಿಶ್ವಕಪ್ ಪಂದ್ಯಾವಳಿಗೆ ಕೆಲವೇ ದಿನಗಳು ಬಾಕಿ ಉಳಿದಿದ್ದು, ಜಗತ್ತಿನಾದ್ಯಂತ ಕ್ರಿಕೆಟ್ ಪ್ರೇಮಿಗಳು ಹೈ-ವೋಲ್ಟೇಜ್ ಪಂದ್ಯಗಳನ್ನು ಕಣ್ತುಂಬಿಕೊಳ್ಳಲು ಕಾತರರಾಗಿದ್ದಾರೆ.

ಇದೇ ವೇಳೆ 2023ರ ವಿಶ್ವಕಪ್‌ನಲ್ಲಿ ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಅಹಮದಾಬಾದ್‌ನಲ್ಲಿ ಹಣಾಹಣಿಗೆ ಉಭಯ ದೇಶಗಳ ಅಭಿಮಾನಿಗಳು ಮಾತ್ರವಲ್ಲದೆ, ಬೇರೆ ದೇಶದ ಅಭಿಮಾನಿಗಳು ಕಾಯುತ್ತಿದ್ದಾರೆ.

ಈಗಾಗಲೇ ಅಹಮದಾಬಾದ್‌ನ ಹೋಟೆಲ್, ವಸತಿಗೃಹ ಬುಕ್ಕಿಂಗ್ ಆರಂಭಗೊಂಡಿದ್ದು, ದಿನದಿಂದ ದಿನಕ್ಕೆ ಅದರ ಬೆಲೆಗಳು ಗಗನಕ್ಕೇರುತ್ತಿವೆ. ಹೈ-ವೋಲ್ಟೇಜ್ ಪಂದ್ಯಕ್ಕೆ ಕೇವಲ 20 ದಿನಗಳು ಉಳಿದಿರುವಾಗ, ಅಹಮದಾಬಾದ್‌ಗೆ ವಿಮಾನ ಟಿಕೆಟ್ ದರಗಳು ರಾಕೆಟ್‌ನಂತೆ ಮೇಲೇರುತ್ತಿವೆ. ಸಾಮಾನ್ಯ ದರಕ್ಕಿಂತ 415 ಪ್ರತಿಶತದಷ್ಟು ಏರಿಕೆಯಾಗಿವೆ.

ನಮ್ಮಲ್ಲಿ ಆಲಸ್ಯ ಮಾಡುವವರಿಗೆ, ಕಟುವಾದ ವಾಸ್ತವ ಭಯಾನಕವಾಗಿರುತ್ತದೆ. ಭಾರತ ಮತ್ತು ಪಾಕಿಸ್ತಾನ ವಿಶ್ವಕಪ್ ಪಂದ್ಯಕ್ಕಾಗಿ ಇಂದು ಅಹಮದಾಬಾದ್‌ಗೆ ವಿಮಾನವನ್ನು ಕಾಯ್ದಿರಿಸುವುದು ಎಂದರೆ, ಮೂಲ ದರಗಳಾದ 5,000 ರಿಂದ 12,000ಕ್ಕಿಂತ 104 ಪ್ರತಿಶತದಿಂದ 415 ಪ್ರತಿಶತದಷ್ಟು ಹೆಚ್ಚು ಪಾವತಿಸಬೇಕಾಗಿದೆ.

ಚಂಡೀಗಢ, ಜೈಪುರ್, ಲಕ್ನೋ, ಮುಂಬೈ, ದೆಹಲಿ, ಕೋಲ್ಕತ್ತಾ, ಚೆನ್ನೈ, ಬೆಂಗಳೂರು, ಹೈದರಾಬಾದ್, ಪಾಟ್ನಾ, ಭೋಪಾಲ್, ಭುವನೇಶ್ವರ, ಪುಣೆ ಮತ್ತು ಅದರಾಚೆಗಿನ ನಗರಗಳಿಂದ 25ರಿಂದ 30 ದಿನಗಳ ಮುಂಚಿತವಾಗಿ ತಮ್ಮ ಟಿಕೆಟ್‌ಗಳನ್ನು ಪಡೆದುಕೊಳ್ಳಲು ಸಮಂಜಸವಾದ ದರಗಳು ಒಂದು ಸುತ್ತಿನ ಪ್ರವಾಸಕ್ಕೆ ಪ್ರತಿ ವ್ಯಕ್ತಿಗೆ 5,500ರಿಂದ 12,000 ರೂ. ನಿಗದಿಯಾಗಿವೆ.

"ವಿಶ್ವಕಪ್ ಪಂದ್ಯದ ದಿನ ಹತ್ತಿರವಾದಾಗ ಅಹಮದಾಬಾದ್‌ಗೆ ಭೇಟಿ ನೀಡಲು ಯೋಜಿಸುವುದು ಖಂಡಿತವಾಗಿಯೂ ನಿಮ್ಮ ಜೇಬಿಗೆ ಕತ್ತರಿ ಬೀಳಲಿದೆ. ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಇಲ್ಲಿನ ಕೆಲವು ಹೋಟೆಲ್‌ಗಳು ಪ್ರತಿ ರಾತ್ರಿಗೆ 80,000 ರೂಪಾಯಿ ಶುಲ್ಕ ವಿಧಿಸುವುದನ್ನು ನಾವು ಕೇಳಿದ್ದೇವೆ. ಸೀಮಿತ ವಿಮಾನಗಳು ಲಭ್ಯವಿದ್ದು, ವಿಮಾನ ದರಗಳು ಹೆಚ್ಚಾದರೂ ಆಶ್ಚರ್ಯವೇನಿಲ್ಲ," ಎಂದು ಸ್ಥಳೀಯ ಟ್ರಾವೆಲ್ ಆಪರೇಟರ್ ಹೇಳಿದ್ದಾರೆ ಎಂದು ನ್ಯೂಸ್18 ವರದಿ ಮಾಡಿದೆ.

ಕುತೂಹಲಕಾರಿಯಾಗಿ, ಉದ್ಘಾಟನಾ ಪಂದ್ಯ, ಅರ್ಹತಾ ಪಂದ್ಯಗಳು ಮತ್ತು ಫೈನಲ್ ಸೇರಿದಂತೆ ಇತರ ಪಂದ್ಯಗಳಿಗೆ ಹೆಚ್ಚಿನ ಪರಿಣಾಮ ಬೀರುತ್ತಿಲ್ಲ. ವಿಮಾನ ದರಗಳಲ್ಲಿನ ಈ ಏರಿಕೆಯು ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕೆ ಸೀಮಿತವಾಗಿದೆ.

ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ಹೆಚ್ಚುವರಿ ವಿಮಾನಗಳನ್ನು ಸೇರಿಸುವುದನ್ನು ಪರಿಗಣಿಸಲು ಟ್ರಾವೆಲ್ ಆಪರೇಟರ್‌ಗಳು ಈಗ ಏರ್‌ಲೈನ್‌ಗಳಿಗೆ ಭಾರೀ ಮನವಿ ಮಾಡುತ್ತಿದ್ದಾರೆ.

"ಅಭಿಮಾನಿಗಳು, ಬೆಂಬಲಿಗರು, ಪ್ರಾಯೋಜಕರು ಮತ್ತು ಪತ್ರಕರ್ತರು ಸೇರಿದಂತೆ ಪ್ರಪಂಚದಾದ್ಯಂತದ ಜನರು ದೊಡ್ಡ ಪಂದ್ಯದ ಭಾಗವಾಗಲು ಆಗಮಿಸುತ್ತಿದ್ದಾರೆ. ಈ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ಅಕ್ಟೋಬರ್ 13-16ರಿಂದ ಹೆಚ್ಚಿನ ವಿಮಾನಗಳನ್ನು ಕಾರ್ಯಗತಗೊಳಿಸಲು ಏರ್‌ಲೈನ್‌ಗಳು ಗಂಭೀರವಾಗಿ ಯೋಚಿಸಬೇಕು. ಅಹಮದಾಬಾದ್‌ಗೆ ಪ್ರಯಾಣಿಸುವ ಪ್ರಯಾಣಿಕರಿಗೆ ಪ್ರಯೋಜನವನ್ನು ಖಾತ್ರಿಪಡಿಸಿಕೊಳ್ಳಬೇಕು," ಎಂದು ಗುಜರಾತ್‌ನ ಟ್ರಾವೆಲ್ ಏಜೆಂಟ್ಸ್ ಮತ್ತು ಟೂರ್ ಆಪರೇಟರ್ಸ್ ಅಸೋಸಿಯೇಶನ್ (ಟಿಎಜಿ) ಅಧ್ಯಕ್ಷ ಅನುಜ್ ಪಾಠಕ್ ಹೇಳಿದ್ದಾರೆ.

ಹೋಟೆಲ್ ಉದ್ಯಮಗಳು ಹಣ ಬಾಚುತ್ತಿವೆ

ಪ್ರಯಾಣಿಕರು ಹೊಸ ನಗರಕ್ಕೆ ಪ್ರಯಾಣಿಸಿದಾಗ ಸ್ಥಳಗಳನ್ನು ಹುಡುಕುವುದು ಸ್ಪಷ್ಟವಾಗುತ್ತದೆ. ಇದೇ ವೇಳೆ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಂತಹ ಪ್ರಮುಖ ಘಟನೆಗಳಿದ್ದಾಗ, ಪ್ರತಿಯೊಬ್ಬರೂ ಅಲ್ಲಿ ಉಳಿದುಕೊಳ್ಳಲು ಹೋಟೆಲ್, ವಸತಿಗೃಹ ಹುಡುಕುತ್ತಾರೆ.

ಬೇರೆನೂ ಸಡಗರವಿಲ್ಲದೆ ಅಹಮದಾಬಾದ್ ಸುತ್ತಮುತ್ತ ಹೋಟೆಲ್ ಉದ್ಯಮಗಳು ಇದರ ಲಾಭವನ್ನು ಬಳಸಿಲಕೊಳ್ಳಲು ಮುಂದಾಗಿವೆ. ಅಹಮದಾಬಾದ್ ನಗರವು ಕ್ರಿಕೆಟ್ ಪ್ರೇಮಿಗಳ ಪ್ರವಾಹಕ್ಕೆ ಸಜ್ಜಾಗುತ್ತಿದ್ದಂತೆ, ಹೋಟೆಲ್‌ಗಳು ಸ್ವಾಗತಿಸಲು ಸಿದ್ಧವಾಗಿವೆ.

"ಪ್ರಾಯೋಜಕರು, ಕ್ರಿಕೆಟ್ ಅಭಿಮಾನಿಗಳು ಮತ್ತು ವಿಐಪಿಗಳು ಈಗಾಗಲೇ ನಮ್ಮೊಂದಿಗೆ ತಮ್ಮ ವಾಸ್ತವ್ಯವನ್ನು ಖಚಿತಪಡಿಸಿದ್ದಾರೆ ಮತ್ತು ಅವರ ಕ್ರಿಕೆಟ್ ಜ್ವರವು ಪಿಚ್ ಅನ್ನು ತಲುಪುತ್ತಿದೆ," ಎಂದು ಹೋಟೆಲ್ ಉದ್ಯಮಗಳು ಹೇಳುತ್ತಿವೆ.

ಅಹಮದಾಬಾದ್ ನಗರದಲ್ಲಿ ಈ ಬಾರಿ ನಡೆಯುತ್ತಿರುವ ಐಸಿಸಿ ಕ್ರಿಕೆಟ್ ವಿಶ್ವಕಪ್‌ನ ನಾಲ್ಕು ಪಂದ್ಯಗಳಿಗೆ ಆತಿಥ್ಯ ವಹಿಸಲಿದೆ. ಇದು ಹೋಟೆಲ್ ಉದ್ಯಮಕ್ಕೆ ಗಣನೀಯ ಉತ್ತೇಜನ ತರುವ ನಿರೀಕ್ಷೆಯಿದೆ.