ತವರಿನಲ್ಲೇ ಮುಂಬೈಗೆ ಮಣ್ಣು ಮುಕ್ಕಿಸಿದ ಪುಣೆ ಜೈಂಟ್ಸ್

ರಹಾನೆ ಭರ್ಜರಿ ಬ್ಯಾಟಿಂಗ್

ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್ ತಂಡದ ಆರಂಭಿಕ ಅಜಿಂಕ್ಯ ರಹಾನೆ ಭರ್ಜರಿ ಬ್ಯಾಟಿಂಗ್ ನಡೆಸಿದರು. 42 ಎಸೆತಗಳಲ್ಲಿ 66 ರನ್ ಗಳಿಸಿ ತಂಡದ ಗೆಲುವಿಗೆ ಕಾರಣರಾದರು. ಮೊದಲು ನಿಧಾನವಾಗಿ ಆಟ ಆರಂಭಿಸಿದ ರಹಾನೆ ಕೊನೆಯಲ್ಲಿ ಆರ್ಭಟಿಸಿದರು.

ಡುಪ್ಲೆಸಿಸ್ ಸಾಥ್

ಆರಂಭಿಕ ರಹಾನೆ ಮತ್ತು ಡುಪ್ಲೆಸಿಸ್ ಜೋಡಿ ಪುಣೆಗೆ ಗೆಲುವನ್ನು ಪಕ್ಕಾ ಮಾಡಿತ್ತು. ರಹಾನೆಗೆ ಸಾಥ್ ನೀಡಿದ ಡುಪ್ಲೆಸಿಸ್ 34 ರನ್ ಗಳಿಸಿ ಓಟಾದರು. ಬಳಿಕ ಬಂದ ಕೆವಿನ್ ಪೀಟರ್ಸೆನ್ ಹಾಗೂ ರಹಾನೆ ಜತೆಗೂಡಿ ಪುಣೆಯನ್ನು ಗೆಲುವಿನ ಗುರಿ ಮುಟ್ಟಿಸಿದರು.

ಮುಂಬೈ ಸ್ಕೋರ್ ಕಾರ್ಡ್

ಮುಂಬೈನ ಪ್ರಮುಖ ಬ್ಯಾಟ್ಸ ಮನ್ ಗಳು ರನ್ ಗಳಿಸಲು ಪರದಾಡಿದರು. ಲೆಂಡ್ಲ್ ಸಿಮ್ಮನ್ಸ್ 8, ರೋಹಿತ್ ಶರ್ಮಾ 7, ಹಾರ್ದಿಕ್ ಪಾಂಡ್ಯಾ 9, ಜೋಸ್ ಬಟ್ಲರ್ 0, ರಾಯುಡು 22, ಪೊಲ್ಲಾರ್ಡ್ 1 ರನ್ ಗಳಿಸಿ ಫೆವಿಲಿಯನ್ ಸೇರಿಕೊಂಡರು.

ಹರ್ಭಜನ್ ಸಿಂಗ್ ಅಬ್ಬರ

ಪುಣೆ ಬೌಲರ್ ಗಳನ್ನು ಅಂತ್ಯದಲ್ಲಿ ಕಾಡಿದ್ದು ಸ್ಪಿನ್ ಮಾಂತ್ರಿಕ ಹರ್ಭಜನ್ ಸಿಂಗ್. 19 ಮತ್ತು 20ನೇ ಓವರ್ ಗಳಲ್ಲಿ ಭರ್ಜರಿ ಬ್ಯಾಟ್ ಬೀಸಿದ ಭಜ್ಜಿ ಮುಂಬೈ ಮೊತ್ತವನ್ನು 120 ರ ಗಡಿಗೆ ತಲುಪಿಸಿದರು.

ಇಶಾಂತ್ ಶರ್ಮಾ ಕಂ ಬ್ಯಾಕ್

ಪುಣೆ ಪರ ಇಶಾಂತ್ ಶರ್ಮಾ ಹಾಗೂ ಮಿಚೆಲ್ ಮಾರ್ಷ್ ತಲಾ 2 ವಿಕೆಟ್ ಪಡೆದರೆ, ರಜತ್ ಭಾಟಿಯಾ, ಎಂ. ಅಶ್ವಿನ್ ಹಾಗೂ ಆರ್. ಅಶ್ವಿನ್ ತಲಾ 1 ವಿಕೆಟ್ ಪಡೆದರು. ಇಶಾಂತ್ ಶರ್ಮಾ ಸಹ ಚಾಂಪಿಯನ್ ಡ್ಯಾನ್ಸ್ ಮಾಡಿದ್ದು ವಿಶೇಷ.