ಒಡಿಐನಲ್ಲಿ ಸಚಿನ್ ಚೊಚ್ಚಲ 200 ರನ್
ಕ್ರಿಕೆಟ್ ದೇವರು ಎಂದು ಕರೆಯಲ್ಪಡುವ ಸಚಿನ್ ತೆಂಡೂಲ್ಕರ್ ಏಕದಿನ ಕ್ರಿಕೆಟ್ನಲ್ಲಿ ಒಂದು ಬಾರಿ ದ್ವಿಶತಕ ಬಾರಿಸಿದ್ದಾರೆ. ಸಚಿನ್ ದ್ವಿಶತಕ ಬಾರಿಸಿದ್ದು 2010ರಲ್ಲಿ. ಮಧ್ಯಪ್ರದೇಶದ ಗ್ವಾಲಿಯರ್ ನಲ್ಲಿ ನಡೆದಿದ್ದ ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಸಚಿನ್ ಅಜೇಯ 200 ರನ್ ಬಾರಿಸಿದ್ದರು. ಈ ಪಂದ್ಯದಲ್ಲಿ ಭಾರತ 153 ರನ್ನಿಂದ ಗೆದ್ದಿತ್ತು. ಅಚ್ಚರಿ ಇದಲ್ಲ, ಕೆಳಗೆ ನೋಡಿ!
ಪಂದ್ಯ ಗೆಲ್ಲಿಸಿದ್ದ ಸೆಹ್ವಾಗ್
ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಸ್ಫೋಟಕ ಬ್ಯಾಟ್ಸ್ಮನ್ ಆಗಿ ಗಮನ ಸೆಳೆದಿದ್ದ ವೀರೇಂದ್ರ ಸೆಹ್ವಾಗ್ ಕೂಡ ಏಕದಿನ ಕ್ರಿಕೆಟ್ನಲ್ಲಿ ಒಂದು ಬಾರಿ ದ್ವಿಶತಕ ಬಾರಿಸಿದ್ದಾರೆ. 2011ರಲ್ಲಿ ಇಂಧೋರ್ನಲ್ಲಿ ನಡೆದಿದ್ದ ವೆಸ್ಟ್ ಇಂಡೀಸ್ ವಿರುದ್ಧದ 4ನೇ ಏಕದಿನ ಪಂದ್ಯದಲ್ಲಿ ಸೆಹ್ವಾಗ್ 149 ಎಸೆತಗಳಿಗೆ 219 ರನ್ ಬಾರಿಸಿದ್ದರು. ವಿಶೇಷವೆಂದರೆ ಸೆಹ್ವಾಗ್ ಒಡಿಐನಲ್ಲಿ ಮೊದಲ ದ್ವಿಶತಕ ಬಾರಿಸಿದ್ದ ಈ ಪಂದ್ಯದಲ್ಲೂ ಭಾರತ 153 ರನ್ಗಳಿಂದ ಗೆದ್ದಿತ್ತು.
ಹಿಟ್ಮ್ಯಾನ್ ದ್ವಿಶತಕದ ಅಚ್ಚರಿ
ಹಿಟ್ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಹೆಸರಿನಲ್ಲಿ ಒಡಿಐನಲ್ಲಿ ಅತ್ಯಧಿಕ ವೈಯಕ್ತಿಕ ರನ್ (264) ವಿಶ್ವದಾಖಲೆಯಿದೆ. ಒಟ್ಟು ಮೂರು ಬಾರಿ ರೋಹಿತ್ ದ್ವಿಶತಕ ಬಾರಿಸಿದ್ದಾರೆ. ಇದರಲ್ಲಿ ರೋಹಿತ್ ವಿಶ್ವ ದಾಖಲೆಯ ದ್ವಿಶತಕ ಬಾರಿಸಿದ್ದ 2014ರ ಶ್ರೀಲಂಕಾ ವಿರುದ್ಧದ 4ನೇ ಏಕದಿನ ಪಂದ್ಯದಲ್ಲಿ ಮತ್ತೊಂದು ಅಚ್ಚರಿ ನಡೆದಿತ್ತು. ಆವತ್ತು ಕೂಡ ಭಾರತ 153 ರನ್ಗಳಿಂದ ಗೆದ್ದಿತ್ತು. ಅಂದು ಶರ್ಮಾ 173 ಎಸೆತಗಳಿಗೆ 264 ರನ್ ಬಾರಿಸಿದ್ದರು.