ಭಾರತ- ಪಾಕ್ ಪಂದ್ಯ, ಅಂಕಿ ಅಂಶ ಕಲೆ ಹಾಕುವವರಿಗೆ ಹಬ್ಬ!

ಉಭಯ ತಂಡಗಳಿಂದ ಸಿಕ್ಸ್ ದಾಖಲಾಗಲಿಲ್ಲ

* ಈ ಪಂದ್ಯ ಉಭಯ ತಂಡಗಳಿಂದ ಸಿಕ್ಸ್ ದಾಖಲಾಗಲಿಲ್ಲ. ಈ ರೀತಿ ಇದು ಆರನೇ ಬಾರಿಗೆ ಟಿ20ಐ ಇತಿಹಾಸದಲ್ಲಿ ನಡೆದಿದೆ. ಸಿಕ್ಸ್ ಬಾರಿಸಿದೆ ಟಿ20 ಪಂದ್ಯ ಗೆದ್ದಿದ್ದು ಕೂಡಾ ಇದೇ ಮೊದಲು.

* ಮೊಹಮ್ಮದ್ ಅಮಿರ್ (3/18) ಭಾರತದ ವಿರುದ್ಧ ಹಾಗೂ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದೆ. ಈ ಮುಂಚೆ ಆಸ್ಟ್ರೇಲಿಯಾ ವಿರುದ್ಧ 3/23 ಗಳಿಸಿದ್ದರು.

* ಟಿ20ಐಗಳಲ್ಲಿ ನಾಯಕ ಶಹೀದ್ ಅಫ್ರಿದಿ ಅವರು ಮೂರನೇ ಬಾರಿಗೆ ರನ್ ಔಟ್ ಆಗಿದ್ದಾರೆ.

ಆರಂಭಿಕ ಬ್ಯಾಟ್ಸ್ ಮನ್ ಗಳು ಡಕ್ ಔಟ್ ಆಗಿದ್ದು

* ಟಿ20 ಯಲ್ಲಿ ರೋಹಿತ್ ಶರ್ಮ 3ನೇ ಬಾರಿಗೆ ಶೂನ್ಯಕ್ಕೆ ಔಟಾಗಿದ್ದಾರೆ. ಜೊತೆಗೆ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್ ಮನ್ ಗಳು ಡಕ್ ಔಟ್ ಆಗಿದ್ದು ಇದೇ ಮೊದಲ ಬಾರಿ.

* ಅಜಿಂಕ್ಯ ರಹಾನೆ ಅವರು ವೃತ್ತಿ ಬದುಕಿನ 2ನೇ ಡಕ್ ಔಟ್ ದಾಖಲಿಸಿದರು. ಈ ಮುಂಚೆ ಇಂಗ್ಲೆಂಡ್ ವಿರುದ್ಧ ಶೂನ್ಯಕ್ಕೆ ಔಟಾಗಿದ್ದರು.

* ವಿರಾಟ್ ಕೊಹ್ಲಿ ಅವರು ಟಿ20ಐನಲ್ಲಿ ಒಟ್ಟಾರೆ 6ನೇ ಪಂದ್ಯಶ್ರೇಷ್ಠ ಪ್ರಶಸ್ತಿ ಗಳಿಸಿದ್ದಾರೆ. ಪಾಕಿಸ್ತಾನ ವಿರುದ್ಧ ಎರಡು ಬಾರಿ ಪ್ರಶಸ್ತಿ ಪಡೆದಿದ್ದಾರೆ.

ಪಾಕಿಸ್ತಾನದ ಇನ್ನಿಂಗ್ಸ್ ನಲ್ಲಿ ಡಕ್ ಔಟ್ ಇರಲಿಲ್ಲ

* 10 ಓವರ್ ಗಳ ಅಂತರದಲ್ಲಿ ಪಾಕಿಸ್ತಾನದ 6 ವಿಕೆಟ್ ಗಳನ್ನು ಟೀಂ ಇಂಡಿಯಾ ಬೌಲರ್ಸ್ ಉದುರಿಸಿದರು. ವಿಶ್ವ ಕ್ರಿಕೆಟ್ ನಲ್ಲಿ ಭಾರತ 3 ನೇ ಭಾರಿ ಈ ಸಾಧನೆ ಮಾಡಿದೆ.

* ಪಾಕಿಸ್ತಾನದ ಇನ್ನಿಂಗ್ಸ್ ನಲ್ಲಿ ಒಂದೇ ಒಂದು ಡಕ್ ಔಟ್ ಇರಲಿಲ್ಲ. 83ಕ್ಕಿಂತ ಕಡಿಮೆ ಮೊತ್ತದ ಅನ್ ಗಳಿಸಿದ ಪಂದ್ಯದಲ್ಲಿ ಈ ಮುಂಚೆ ಶ್ರೀಲಂಕಾ ವಿರುದ್ಧ ಈ ಸಾಧನೆ ಕಂಡು ಬಂದಿತ್ತು.

ಹೆಚ್ಚು ಡಾಟ್ ಬಾಲ್ ಗಳನ್ನು ಹಾಕಿದ ಸಾಧನೆ

* ಭಾರತದ ಜಸ್ ಪ್ರೀತ್ ಬುಮ್ರಾ ಅವರು 18 ಡಾಟ್ ಬಾಲ್ ಗಳನ್ನು ಎಸೆದು ಅತಿ ಹೆಚ್ಚು ಡಾಟ್ ಬಾಲ್ ಗಳನ್ನು ಹಾಕಿದ ಸಾಧನೆ ಮಾಡಿದ್ದಾರೆ.
* ಪಾಕಿಸ್ತಾನ ಗಳಿಸಿದ 83ರನ್ ಭಾರತದ ವಿರುದ್ಧ ಕನಿಷ್ಷ ಮೊತ್ತವಾಗಿದೆ. 2012ರಲ್ಲಿ ಕೊಲಂಬೋದಲ್ಲಿ ನಡೆದ ಪಂದ್ಯದಲ್ಲಿ ಭಾರತದ ವಿರುದ್ಧ 128 ರನ್ ಗಳಿಸಿದ್ದು ಕನಿಷ್ಠ ಮೊತ್ತವಾಗಿತ್ತು.