ಒಡಿಐ: ತ್ವರಿತಗತಿಯಲ್ಲಿ 2 ಸಾವಿರ ರನ್ ಗಳಿಸಿದ ಟಾಪ್ 5 ಕ್ರಿಕೆಟರ್ಸ್

ದುಬೈ, ಸೆಪ್ಟೆಂಬರ್ 18: ಏಕದಿನ ಕ್ರಿಕೆಟ್​ ಪಂದ್ಯಗಳಲ್ಲಿ ಅತಿ ವೇಗವಾಗಿ 2 ಸಾವಿರ ರನ್​ಗಳಿಕೆ ಮಾಡಿರುವ ಆಟಗಾರರ ಪಟ್ಟಿಯಲ್ಲಿ ಪಾಕಿಸ್ತಾನ ಬಾಬರ್ ಅಜಂ ಅವರು ಈಗ ಎರಡನೇ ಆಟಗಾರ ಎಂದೆನಿಸಿದ್ದಾರೆ. ದಕ್ಷಿಣ ಆಫ್ರಿಕಾದ ಹಶೀಂ ಆಮ್ಲಾ ಅಗ್ರಸ್ಥಾನದಲ್ಲಿ ಮುಂದುವರೆದಿದ್ದಾರೆ.

ಏಷ್ಯಾಕಪ್​​ 2018ರ ಮೊದಲ ಪಂದ್ಯದಲ್ಲಿ ಅಜಂ ಅವರು ಹಾಂಕಾಂಗ್​ ವಿರುದ್ಧ ನಡೆದ ಪಂದ್ಯದಲ್ಲಿ 33ರನ್​ಗಳಿಕೆ ಮಾಡಿದ್ದಾಗ ಈ ಸಾಧನೆ ಮಾಡಿದರು. ಹಶೀಂ ಆಮ್ಲಾ ಅವರು 40 ಇನ್ನಿಂಗ್ಸ್​​ಗಳಿಂದ 2 ಸಾವಿರ ರನ್​ಗಳಿಕೆ ಮಾಡಿದ್ದರೆ, ಅಜಂ ಅವರು 45 ಇನ್ನಿಂಗ್ಸ್​ ಈ ದಾಖಲೆ ಬರೆದಿದ್ದಾರೆ.

ಟಾಪ್ 05 ಪಟ್ಟಿಯಲ್ಲಿ ಪಾಕಿಸ್ತಾನದ ಬ್ಯಾಟಿಂಗ್ ದಿಗ್ಗಜ ಜಹೀರ್​ ಅಬ್ಬಾಸ್​ ಕೂಡಾ ಇದ್ದು ಅವರು ಕೂಡಾ 45 ಇನ್ನಿಂಗ್ಸ್ ಗಳಲ್ಲಿ ಈ ಸಾಧನೆ ಮಾಡಿದ್ದರು. ಇಂಗ್ಲೆಂಡ್​ನ ಮಾಜಿ ಬ್ಯಾಟ್ಸಮನ್​ ಕೇವಿನ್​ ಪಿಟರ್​ಸನ್ ಸಹ​(45) ಇನ್ನಿಂಗ್ಸ್​, ಹಾಗೂ ಜೊನಾಥನ್ ಟ್ರಾಟ್ ಅವರು 47 ಇನ್ನಿಂಗ್ಸ್ ನಲ್ಲಿ 2,000ರನ್ ಗಳಿಸಿದ್ದರು.